ധോണി ടെസ്റ്റാണോ കഴിക്കുന്നത്
ധോണിയുടെ ഏകദിനത്തിലെ ബാറ്റിംഗ് കാണുമ്പോള് പലര്ക്കും തോന്നാറുള്ള സംശയമാണ് ഇത്. ധോണി ടെസ്്റ്റാണോ കളിക്കുന്നത്. തുഴച്ചില് എന്ന് വരെ ധോണിയുടെ ബാറ്റിംഗിനെ വിളിക്കുന്നവരുണ്ട്. ഈ സംശയം തന്നെയാണ് ബ്രെണ്ടന് ടെയ്ലറിനും തോന്നിയത് എന്നാണ് ടെയ്ലറുടെ ട്വീറ്റ് കണ്ടാല് തോന്നുക.
ഇതായിരുന്നു ആ ട്വീറ്റ്
ഞാന് കരുതി എം എസ് ധോണി ടെസ്റ്റില് നിന്നും വിരമിച്ചു എന്ന്.. - ഇതായിരുന്നു ബ്രെണ്ടന് ടെയ്ലറുടെ ട്വീറ്റ്. ഫാന്സിന് ദേഷ്യം വന്നത് സ്വാഭാവികം. സംഭവം പന്തിയല്ല എന്ന് മനസിലാക്കിയ ടെയ്ലര് ഉടന് തന്നെ തെറ്റ് തിരുത്തി. ട്വിറ്ററിലൂടെ തന്നെ മാപ്പും പറഞ്ഞു.
തെറ്റിപ്പോയി ക്ഷമിക്കണം
ഒരു ടെസ്റ്റ് കൂടി ഉണ്ട് എന്ന് കരുതി. തെറ്റിപ്പോയി. മനസ് പിടിവിട്ടതാണ് എന്ന തരത്തില് ടെയ്ലര് ഒരു ട്വീറ്റ് കൂടി ചെയ്തു. എന്നാല് ആരാധകര് വിടാന് ഭാവമില്ലായിരുന്നു. മനസിലായില്ല, മറുപടി ഒന്ന് കൂടി വിശദമാക്കാമോ എന്നായി അവരുടെ ചോദ്യം.
വീണ്ടും വിശദീകരണം
താന് കളി കാണുന്നില്ല. വീട്ടുകാരോടൊപ്പം ബീച്ചിലാണ്. ക്രിക് ഇന്ഫോ നോക്കിയപ്പോള് ധോണി ബാറ്റ് ചെയ്യുന്നു എന്ന് കണ്ടു. ഇന്ത്യ - ന്യൂസിലന്ഡ് പരമ്പരയില് ഒരു ടെസ്റ്റ് കൂടി ഉണ്ട് എന്നാണ് വിചാരിച്ചത്. ഏകദിന പരമ്പരയുടെ കാര്യം വിട്ടുപോയി. - ടെയ്ലര് വീണ്ടും ട്വിറ്ററിലൂടെ വിശദീകരിച്ചു.
വീട്ടുകാരാണ് കാര്യം
ധോണിയുടെ കളി കാണാന് നില്ക്കാതെ ടെയ്ലര് ബീച്ചില് പോയോ എന്നൊന്നും ആരാധകര് ചോദിച്ചേക്കരുത് കേട്ടോ. മിന്നുന്ന ഫോമില് കളിക്കുന്ന സമയത്താണ് വീട്ടുകാരുടെ കൂടെ കൂടുതല് സമയം ചെലവഴിക്കാന് വേണ്ടി ടെയ്ലര് ക്രിക്കറ്റ് ഉപേക്ഷിച്ചത്. അതും വെറും 29 വയസ്സുള്ളപ്പോള്. കഴിഞ്ഞ വര്ഷം വിരമിക്കുമ്പോള് സിംബാബ്വെ ടീമിന്റെ ക്യാപ്റ്റനായിരുന്നു ടെയ്ലര്.
ധോണി വിരമിച്ചതാണ് ടെയ്ലര്
ഇനി എം എസ് ധോണിയെക്കുറിച്് ബ്രണ്ടന് ടെയ്ലര്ക്ക് സംശയമൊന്നും വേണ്ട. ധോണി ടെസ്റ്റ് ക്രിക്കറ്റില് നിന്നും വിരമിച്ചതാണ്. രണ്ട് വര്ഷം മുമ്പ് ഓസ്ട്രേലിയയില് വെച്ചായിരുന്നു ധോണിയുടെ വിരമിക്കല്. ഇപ്പോള് ട്വന്റി 20യിലും ഏകദിനത്തിലും മാത്രമേ ധോണി കളിക്കുന്നുള്ളൂ.
ടെസ്റ്റ് പരമ്പരയും കഴിഞ്ഞതാണ്
ഇനി പരമ്പരയില് ഒരു ടെസ്റ്റ് കൂടിയുണ്ട് എന്നോര്ത്തും ടെയ്ലര് ആശങ്കപ്പെടേണ്ട. ന്യൂസിലന്ഡിനെതിരായ മൂന്ന് ടെസ്റ്റുകളുടെ പരമ്പര ഇന്ത്യ 3 - 0 ന് തൂത്തുവാരിയതാണ്. ഇതില് രണ്ട് ടെസ്റ്റ് നാല് ദിവസം കൊണ്ട് തീര്ന്നു. വമ്പന് ജയത്തോടെ ഇന്ത്യ ലോക റാങ്കിംഗില് ഒന്നാമതും എത്തി.