യുവരാജ് സിംഹിന് സൂപ്പർനാച്ചുറൽ ശക്തിയും ഉണ്ടോ.. വിരാട് കോലി റെക്കോർഡ് ചെയ്ത ഈ വീഡിയോ കണ്ടുനോക്കൂ!!

ഓഫ് സ്റ്റംപിന് പുറത്ത് ഓവർപിച്ച് ചെയ്താൽ ഫ്രണ്ട് ഫൂട്ടിൽ കിടിലൻ ഒരു ഡ്രൈവ്. ഗുഡ് ലെംഗ്തിന് അൽപമൊന്ന് ഷോർട്ട് ആയിപ്പോയാൽ ബാക്ക് ഫുട്ടിൽ ഒരു പുൾ - പ്രതാപകാലത്ത് യുവരാജ് സിംഗിന്റെ ബാറ്റിംഗ് കണ്ട ആർക്കും തോന്നിക്കാണും യുവിക്ക് വല്ല അമാനുഷിക ശക്തിയും ഉണ്ടോ എന്ന്. ഇംഗ്ലണ്ടിന്റെ സ്റ്റുവർട്ട് ബ്രോഡിനോടൊക്കെ ചോദിച്ചാൽ ഇക്കാര്യം പ്രത്യേകം പറയാൻ പറ്റും.

ഇന്ത്യ, പാകിസ്ഥാൻ, ബംഗ്ലാദേശ് - ഇംഗ്ലണ്ട് താങ്ങുമോ ഈ മുൻ കോളനികളെ - ചാമ്പ്യൻസ് ട്രോഫി സെമി ലൈനപ്പ്!!

ഇത് ക്രിക്കറ്റിലെ കാര്യം, എന്നാൽ ക്രിക്കറ്റിന് പുറത്ത് യുവരാജിന് വല്ല അമാനുഷിക ശക്തിയും ഉണ്ടോ. കാൻസറിനെ പോലും ജയിച്ചുവന്ന പോരാളിയാണ് യുവി. അസാധ്യമായ മനസുറപ്പുണ്ട് എന്ന കാര്യം ഉറപ്പ്. എന്നാൽ ഈ വീഡിയോയിൽ കാണുന്നത് അതും അല്ല. ശരിക്കും യുവരാജിന്റെ സൂപ്പർനാച്ചുറൽ ശക്തി തന്നെയാണോ, ഇന്ത്യൻ ക്യാപ്റ്റൻ വിരാട് കോലിയാണ് യുവിയുടെ ഈ വീഡിയോ പകർത്തിയത്.

വിരാട് കോലി പകർത്തിയ ഈ വീഡിയോ യുവി തന്നെയാണ് ഇൻസ്റ്റഗ്രാമിൽ പോസ്റ്റ് ചെയ്തത്. ബംഗ്ലാദശിനെതിരായ സെമിഫൈനൽ കളിക്കാൻ എത്തിയ യുവരാജ് ഓവൽ സ്റ്റേഡിയത്തിന്റെ വാതിൽ കൈവീശി തുറക്കുന്നതാണ് വീഡിയോയിൽ. അഞ്ച് ലക്ഷത്തോളം പേരാണ് ഈ വീഡിയോ ലൈക്ക് ചെയ്തത്. മാജിക്കൽ എന്നാണ് ഫാൻസ് ഈ വീഡിയോയെ വിളിക്കുന്നത്. കണ്ടുനോക്കൂ..