ഏകദിനത്തില് ലോകം ഇതുവരെ കണ്ടതില് വച്ച് ഏറ്റവും മികച്ച താരം കോഹ്ലി തന്നെയാണ്. അദ്ദേഹത്തിന്റെ റെക്കോഡുകള് തന്നെ ഇതിനു തെളിവാണ്. ഇത്രയും ചെറിയ പ്രായത്തിനുള്ളില് അദ്ദേഹത്തിന്റെയത്ര മികച്ച റെക്കോഡുള്ള മറ്റൊരു കളിക്കാരനും ലോകത്തില്ല. ഏകദിനത്തില് 27 സെഞ്ച്വറികള് കോഹ്ലി സ്വന്തമാക്കിക്കഴിഞ്ഞു. ടെസ്റ്റിലും കുറച്ച് വര്ഷങ്ങള്ക്കകം ഇതേ ഫോം തുടര്ന്നാല് ഇതിഹാസങ്ങളുടെ പട്ടികയില് മുന്നില് കോഹ്ലി തന്നെയാവും
ടെസ്റ്റിലെ ഇതിഹാസങ്ങളെന്നു വിലയിരുത്തപ്പടുന്ന സച്ചിന് ടെണ്ടുല്ക്കര്, ബ്രയാന് ലാറ, ജാക്വിസ് കാലിസ് എന്നിവരെല്ലാം 150 മുതല് 200 വരെ ടെസ്റ്റുകള് കളിച്ചിട്ടുണ്ട്. അവരുമായി താരതമ്യം ചെയ്യുമ്പോള് കോഹ്ലി ഏറെ പിന്നിലാണ്.
വരാനിരിക്കുന്ന ഇന്ത്യയുടെ ഓസ്ട്രേലിയന് പര്യടനത്തില് ഏറ്റവുമധികം ശ്രദ്ധിക്കേണ്ട താരം കോഹ്ലിയാണെന്ന് പോണ്ടിങ് ചൂണ്ടിക്കാട്ടി. കോഹ്ലിയെ നേരത്തേ പുറത്താക്കിയില്ലെങ്കില് ഓസീസിന് പരമ്പര നേടുക ദുഷ്കരമായിരിക്കുമെന്നും അദ്ദേഹം പറഞ്ഞു. നാലു ടെസ്റ്റുകളാണ് ഇന്ത്യ ഓസ്ട്രേലിയയില് കളിക്കുന്നത്.
പെട്ടെന്ന് പ്രകോപിതനാവുന്നതാണ് കോഹ്ലിയുടെ ഏറ്റവും വലിയ വീക്ക്നെസെന്ന് പോണ്ടിങ് പറഞ്ഞു. എതിര് ടീമിലെ ബൗളര്മാര് പ്രകോപിപ്പിച്ചാല് പലപ്പോഴും ആവേശം കാണിച്ച് കോഹ്ലി പുറത്തായിട്ടുണ്ട്. ഇതേ തന്ത്രം ഓസ്ട്രേലിയയുടെ പരീക്ഷിച്ചേക്കാമെന്ന് പോണ്ടിങ് വ്യക്തമാക്കി.
ബാറ്റ് ചെയ്യുമ്പോള് കോഹ്ലിക്കു പ്രിയപ്പെട്ട ചില ഏരിയകളുണ്ട്. അവ കണ്ടെത്തി ബൗണ്ടറികളും സിക്സറും നേടുന്നത് തടയുകയാണ് അദ്ദേഹത്തെ തളയ്ക്കാനുള്ള മറ്റൊരു മാര്ഗം. ഇതിനു കഴിഞ്ഞാല് ഒരുപക്ഷെ കോഹ്ലിയെ എളുപ്പം പുറത്താക്കാന് പറ്റിയേക്കും.