Click it and Unblock the Notifications
സിനിമയെ വെല്ലുന്ന ജീവതമാണ് യുവിയുടേത്. ഇന്ത്യന്‍ ക്രിക്കറ്റില്‍ തിളങ്ങി നില്‍ക്കുന്ന സമയത്താണ്. ക്യാന്‍സര്‍ യുവിയുടെ ജീവനും കരയറിനും ഭീഷണിയായി എത്തുന്നത്. എന്നാല്‍ ക്യാന്‍സറിനെ അതിജീവിച്ച് ജീവിതത്തിലേക്കും കളിക്കളത്തിലേക്കും മടങ്ങിയെത്തിയ യുവിയുടെ ജീവിതം ഒരു പ്രചോദനമാണ്.
മുന്‍ ഇന്ത്യന്‍ ക്യാപ്ടന് മഹേന്ദ്ര സിംഗ് ധോനിയുടെ ജീവിത കഥ ബോളിവുഡ് ബോക്‌സ് ഒഫീസുകളിലും സിക്‌സറുകള്‍ പായിച്ചതോടെയാണ് കൂടുതല്‍ ക്രിക്കറ്റ് താരങ്ങളുടെ ജീവിതം സിനിമയ്ക്കായി പരിഗണിച്ചത്. ഇവയില്‍ ആദ്യ പരിഗണന നേടിയത് മാസ്റ്റര്‍ ബ്ലാസ്റ്റര്‍ സച്ചിന്‍ ടെന്‍ഡുല്‍ക്കറും യുവരാജ് സിംഗുമായിരുന്നു.
വെള്ളിത്തിരയിലെങ്കിലും സച്ചിനാകാനും യുവി ആകാനും താരങ്ങള്‍ക്കിടയിലും ചെറിയ മത്സരമുണ്ട്. അതിന്റെ ഭാഗമായാണ് തന്റെ മനസിലെ ആഗ്രഹം രണ്‍വീര്‍ വ്യക്തമാക്കിയത്. എന്നാല്‍ ഇങ്ങനെ ഒരുകാര്യത്തേക്കുറിച്ച് രണ്‍വീര്‍ ഇപ്പോള്‍ ആലോചിച്ചിട്ടില്ലെന്നാണ് രണ്‍വീറിനോടടുത്ത വൃത്തങ്ങള്‍ പറയുന്നത്. അത് എന്തായാലും തന്നെ അവതരിപ്പിക്കാന്‍ യുവിയ്ക്ക് ഇഷ്ടം അക്ഷയ്കുമാറിനെയാണ്. ഇക്കാര്യം യുവി വ്യക്തമാക്കുകയും ചെയ്തു.
ബോളീവുഡിനെ എന്നും കായിക താരങ്ങളുടെ ജീവിത കഥ ഭ്രമിപ്പിച്ചിട്ടുണ്ട്. അതില്‍ അവസാനത്തേത്ത് ദംഗല്‍ ആയിരുന്നു. ഗുസ്തി പ്രമേയമായി എത്തിയ ചിത്രം. സല്‍മാന്‍ ഖാന്‍ നായകനായി എത്തിയ സുല്‍ത്താനും പറഞ്ഞത് ഗുസ്തിയായിരുന്നു. ഷാരുക് ഖാന്‍ നായകനായി എത്തിയ ചക് ദേ ഇന്ത്യ പറഞ്ഞ് ഹോക്കി കോച്ചിന്റെ കഥയായിരുന്നു. മേരികോം, ഇരുതി സുട്രു എന്നിവ ബോകിസിംഗ് കഥ പറഞ്ഞും ബോളീവുഡ് ബോക്‌സോഫീസിനെ നിറച്ചു.
കായിക താരങ്ങളുടെ ജീവിത കഥകളെല്ലാം ബോളീവുഡ് ഇരുകയ്യും നീട്ടി സ്വീകരിച്ചിട്ടില്ല. ധോനിക്ക് മുമ്പോ വെള്ളിത്തിരയിലെത്തിയ മറ്റൊരു മുന്‍ ഇന്ത്യന്‍ ക്യാപ്ടന് കളക്കളത്തിലെന്ന പോലെ ബോക്‌സ്ഓഫീസിലും കാലിടറി. കോഴ വിവാദത്തില്‍ പെട്ട് ടീമില്‍ നിന്ന് പുറത്താവുകയും ക്രിക്കറ്റില്‍ വിലക്ക് നേരിടുകയും ചെയ്ത മുഹമ്മദ് അസ്ഹറുദീന്റെ ജീവിതം സിനിമയായെങ്കിലും വിജയിച്ചില്ല. തൊട്ടു പിന്നാലെയെത്തിയ ധോനി വിജയക്കൊടി പാറിക്കുകയും ചെയ്തു. ധോനിയുടെ വിജയഘോഷങ്ങളും അസ്ഹര്‍ എന്ന സിനിമ തന്നെ മുങ്ങിപ്പോയി.
