ധോണിക്കു പകം വിരാട് കോലി ഇന്ത്യയുടെ ക്യാപ്റ്റനായിരിക്കുന്നു എന്ന കുറിപ്പിനൊപ്പം രണ്ടു ചിത്രങ്ങളും അവര് ട്വിറ്ററില് പോസ്റ്റ് ചെയ്തു. ഒന്നു കോലിയുടേതാണെങ്കില് മറ്റൊന്ന് എം എസ് ധോണിയെന്ന ബോളിവുഡ് സിനിമയില് ധോണിയായി അഭിനയിച്ച സുശാന്ത് സിങ് രാജ്പുതിന്റേതാണ്. ഇതിലാണ് സെവാഗ് കയറിപ്പിടിച്ചത്.
എമിറേറ്റ്സ് 24/7നു പിഴവ് പറ്റിയതു പോലെ സെവാഗിനും ചെറിയൊരു അബദ്ധം പറ്റി. എമിറേറ്റ്സ് എയര്ലൈന്സാണ് ഇത്തരമൊരു പോസ്റ്റ് ട്വിറ്ററില് ഇട്ടതെന്നു കരുതിയായിരുന്നു സെവാഗിന്റെ ട്രോള്. തന്റെ സാമ്യമുള്ള ഒരാളുടെ ചിത്രം പോസ്റ്റ് ചെയ്ത സെവാഗ് ഇങ്ങനെ കമന്റിടുകയും ചെയ്തു. നിങ്ങള്ക്കൊപ്പം അധികം വൈകാതെ ഞാന് യാത്ര ചെയ്യും. ഞാനാണെന്നു കരുതി പകരം ഇയാളെ വിമാനത്തില് കയറ്റില്ലെന്നു പ്രതീക്ഷിക്കുന്നു.
സെവാഗിന്റെ ഈ കമന്റിന് നിരവധി ട്രോളുകള് വന്നു കഴിഞ്ഞു. നേരത്തേ ബാറ്റിങിലൂടെ എല്ലാവരെയും രസിപ്പിച്ച താങ്കള് ഇപ്പോള് ട്രോളുകളിലൂടെയും ഇതു തുടരുന്നതില് സന്തോഷമുണ്ടെന്ന് പലരും കുറിച്ചു.
സെവാഗിന്റെ ട്രോളിനു എമിറേറ്റ്സ് എയര്ലൈന്സ് മറുപടിയുമായി രംഗത്തുവന്നു. സെവാഗ് നിങ്ങള് വിഷമിക്കേണ്ട. ഞങ്ങള്ക്കൊപ്പം അടുത്ത ഫ്ളൈറ്റില് താങ്കളെ പ്രതീക്ഷിക്കുന്നുവെന്ന് അവര് ട്വീറ്റ് ചെയ്തു.