Click it and Unblock the Notifications
2026ലെ ലോകകപ്പ് ഫുട്‌ബോളില്‍ മൂന്നു ടീമുകള്‍ വീതമുള്ള 16 ഗ്രൂപ്പുകളിലായാണ് രാജ്യങ്ങളെ തരംതിരിക്കുക.
കഴിഞ്ഞ വര്‍ഷം ഫിഫ പ്രസിഡന്റ് സ്ഥാനം സെപ് ബ്ലാറ്ററില്‍ നിന്ന് ഏറ്റെടുത്ത ശേഷം ഇന്‍ഫന്റിനോയുടെ പ്രധാന പദ്ധതികളിലൊന്നായിരുന്നു 48 ടീമുകള്‍ ഉള്‍പ്പെടുന്ന ലോകകപ്പ്. വരുമാനം വര്‍ധിപ്പിക്കുന്നതോടൊപ്പം കൂടുതല്‍ രാജ്യങ്ങളുടെ ഫുട്‌ബോള്‍ വളര്‍ച്ച കൂടി മുന്നില്‍ കണ്ടായിരുന്നു ഈ നീക്കം.
48 ടീമുകള്‍ ഉള്‍പ്പെടുന്നതോടെ 2026ലെ ലോകകപ്പില്‍ 80 മല്‍സരങ്ങളുണ്ടാവും.
കഴിഞ്ഞ ലോകകപ്പിലേക്കാള്‍ 16 മല്‍സരങ്ങള്‍ കൂടുതലാണിത്. കഴിഞ്ഞ ലോകകപ്പില്‍ 64 മല്‍സരങ്ങളാണുണ്ടായിരുന്നത്.
2026ലെ ലോകകപ്പിന്റെ വേദി ഫിഫ ഇതുവവരെ തീരുമാനിച്ചിട്ടില്ല. 2018ലെ അടുത്ത ലോകകപ്പ് റഷ്യയിലും 2022ലേത് ഖത്തറിലുമാണ് അരങ്ങേറുന്നത്. 2026ലെ ലോകകപ്പിന്റെ ആതിഥേയത്വം വടക്കന്‍ അമേരിക്കയ്ക്ക് ലഭിച്ചേക്കുമെന്നാണ് സൂചന. അമേരിക്ക, കാനഡ, മെക്‌സിക്കോ തുടങ്ങിയ രാജ്യങ്ങളുമായി ഫിഫ ഇതു സംബന്ധിച്ച് ചര്‍ച്ച നടത്തിയിട്ടുണ്ട്.
