ദമാം: എഎഫ്സി അണ്ടർ 19 ചാമ്പ്യന്ഷിപ്പ് ക്വാളിഫയറിലെ ആദ്യ ഗ്രൂപ്പ് മത്സരത്തില് ഇന്ത്യക്ക് കനത്ത തോല്വി. ഗ്രൂപ്പ് ഡിയില് സഊദി അറേബ്യയോട് മറുപടിയില്ലാത്ത അഞ്ച് ഗോളുകള്ക്കാണ് തരിപ്പണമായത്.
തുടക്കം മുതല് ഇന്ത്യന് മധ്യനിരക്ക് മേല് സമ്മര്ദ്ദം ചെലുത്തിയ സഊദി ടീം പിഴവുകള്ക്കായി കാത്തിരുന്നു. ഒമ്പതാം മിനുട്ടില് വിംഗിലൂടെയുള്ള മുന്നേറ്റം ധീരജ് സിംഗ് തടയുകയായിരുന്നു.
പതിനഞ്ചാം മിനുട്ടില് ഇന്ത്യന് പ്രതിരോധപ്പിഴവില് സഊദി ലീഡെടുത്തു. അന്വര് അലിയുടെ പാസ് അബ്ദുല്ല അല്ഹമദാനാണ് ലഭിച്ചത്. അനായാസം അബ്ദുല്ല പന്ത് വലയിലെത്തിച്ചു.
ഇന്ന് യെമനെതിരെയാണ് ഇന്ത്യയുടെ മത്സരം. എട്ടിന് തുര്ക് മെനിസ്ഥാനെയും നേരിടും.