ബ്രസീലില് നിന്ന് മറ്റൊരു അത്ഭുതം..
ബ്രസീല് ഫുട്ബോളില് നിന്ന് സംഭവിക്കാന് പോകുന്ന അടുത്ത അത്ഭുതമായിട്ടാണ് വിനിഷ്യസ് ജൂനിയറിനെ ഫുട്ബോള് ലോകം ഉറ്റുനോക്കുന്നത്. പതിനെട്ട് വയസ് പൂര്ത്തിയാകാത്തതിനാല് വിദേശ ക്ലബ്ബുകള്ക്ക് വിനിഷ്യസുമായി കരാറിലെത്താന് സാധിക്കില്ല.
ബാഴ്സയെ കീഴടക്കി റയല്...
ബാഴ്സലോണയും റയല്മാഡ്രിഡും പതിനാറുകാരന് വേണ്ടി കടുത്ത മത്സരം തന്നെ നടന്നു. ഒടുവില് റയല് മാഡ്രിഡ് യുവപ്രതിഭയെ സ്വന്തമാക്കി. ഇത് പക്ഷേ, രേഖകളില് കാണില്ലെന്ന് മാത്രം. 2018 ജൂണില് പതിനെട്ട് വയസ് തികയുമ്പോള് വിനിഷ്യസ് റയല് മാഡ്രിഡുമായി കരാറിലെത്തും.
ബ്രസീലിനായി ഏഴ് ഗോളുകള്...
ഫ്ളെമംഗോയുടെ യൂത്ത് അക്കാദമിയിലൂടെ വളര്ന്ന വിനിഷ്യസ് ബ്രസീലിന്റെ അണ്ടര് 17 ടീമിലും തിളക്കമാര്ന്ന പ്രകടനം കാഴ്ചവെച്ചു. ലാറ്റിനമേരിക്കന് അണ്ടര് 17 ചാമ്പ്യന്ഷിപ്പില് ബ്രസീലിനായി ഏഴ് ഗോളുകള് നേടിയിരുന്നു വിനിഷ്യസ് ജൂനിയര്.
റൊബീഞ്ഞോ ഇഷ്ടതാരം..
അരങ്ങേറ്റ മത്സരത്തിന് ശേഷം അത്ലറ്റിക്കോ മിനെയ്റോയുടെ റൊബിഞ്ഞോയുടെ ജഴ്സി ചോദിച്ച് യുവതാരം എത്തി. റയല് മാഡ്രിഡിന്റെ മുന് താരമായ റൊബീഞ്ഞോയോടുള്ള ആരാധന വെളിപ്പെടുത്തിയാണ് യുവതാരം കളം വിട്ടത്.