Click it and Unblock the Notifications
സ്വന്തം കാണികള്‍ക്കു മുന്നില്‍ പാഡണിയുമ്പോള്‍ കാര്യങ്ങള്‍ മുംബൈക്ക് അത്ര ആഹ്ലാദം നല്‍കുന്നതല്ല. കഴിഞ്ഞ സീസണില്‍ രണ്ടു തവണ ഗുജറാത്തുമായി ഏറ്റുമുട്ടിയപ്പോഴും മുംബൈ പരാജയപ്പെട്ടിരുന്നു. ഇത്തവണ അതിനു കണക്കുതീര്‍ക്കാമെന്ന പ്രതീക്ഷയിലാണ് മുംബൈ.
ബാംഗ്ലൂര്‍ റോയല്‍ ചാലഞ്ചേഴ്‌സിനെതിരായ കഴിഞ്ഞ മല്‍സരത്തില്‍ പരിക്കിനെ തുടര്‍ന്നു കളിക്കാതിരുന്ന ലങ്കയുടെ സ്റ്റാര്‍ പേസര്‍ ലസിത് മലിങ്ക മുംബൈ ടീമില്‍ തിരിച്ചെത്തിയേക്കുമെന്നാണ് റിപ്പോര്‍ട്ട്. മലിങ്ക മടങ്ങിയെത്തിയാല്‍ ന്യൂസിലന്‍ഡ് പേസര്‍ ടിം സോത്തിക്കാവും സ്ഥാനം നഷ്ടമാവുക
ആറു പോയിന്റോടെ പട്ടികയില്‍ രണ്ടാമതാണ് മുംബൈ. തലപ്പത്തുള്ള കൊല്‍ക്കത്ത നൈറ്റ്‌റൈഡേഴ്‌സിനും ഇതേ പോയിന്റാണുള്ളത്. ഗുജറാത്തിനെ തോല്‍പ്പിച്ചാല്‍ പട്ടികയില്‍ ഒന്നാംസ്ഥാനത്തേക്കു കയറാന്‍ മുംബൈക്കാവും.
തുടര്‍ച്ചയായ തോല്‍വികള്‍ക്കു അറുതിയിട്ട് അവസാന മല്‍സരത്തില്‍ വിജയവഴിയില്‍ തിരിച്ചെത്തിയതിന്റെ ആത്മവിശ്വാസത്തിലാണ് ഗുജറാത്ത്. റൈസിങ് പൂനെ ജയന്റ്‌സിനെ ഏഴു വിക്കറ്റിനാണ് അവസാന മല്‍സരത്തില്‍ പൂനെ കീഴടക്കിയത്.
വെസ്റ്റ് ഇന്‍ഡീസിന്റെ സൂപ്പര്‍ ഓള്‍റൗണ്ടര്‍ ഡ്വയ്ന്‍ ബ്രാവോയില്ലാതെയാണ് ഗുജറാത്ത് ടീം മുംബൈയിലെത്തുന്നത്. കണംകാലിനു പരിക്കേറ്റ താരം വിശ്രമത്തിലാണ്.
