ലോക ഒന്നാം നമ്പര്‍ താരത്തെ അട്ടിമറിച്ച് ഇന്ത്യന്‍ സൂപ്പര്‍ സീരീസ് കിരീടം പിവി സിന്ധുവിന്

ദില്ലി: ലോക ഒന്നാം നമ്പര്‍ താരത്തെ അട്ടിമറിച്ച് ഇന്ത്യന്‍ ബാഡ്മിന്റണ്‍ താരം പിവി സിന്ധുവിന് ഇന്ത്യന്‍ സൂപ്പര്‍ സീരീസ് കിരീടം. സ്പാനിഷ് താരം കോരോലിന മാരിനെ നേരിട്ടുള്ള സെറ്റുകള്‍ക്കാണ് സിന്ധു പരാജയപ്പെടുത്തിയത്. ഒളിപിക്‌സില്‍ ഫൈനലിലെ പരാജയത്തിനുള്ള മധുര പ്രതികാരം കുടെയായി ഈ വിജയം.

ഒളിംപിക്‌സ് ഫൈനലിന്റെ ആവര്‍ത്തനമായിരുന്നു മത്സരം. ആദ്യ സെറ്റ് 21-19 സ്വന്തമാക്കിയ സിന്ധു രണ്ടാം സെറ്റ് 21-16ന് സ്വന്തമാക്കിയാണ് കിരീടം ചൂടിയത്. ഒളിംപിക്‌സ് ഫൈനലിലും ആദ്യ സെറ്റ് 21-19 സ്വന്തമാക്കിയ ശേഷമായിരുന്നു സിന്ധുവിന്റെ പരാജയം. കളിയുടെ ആദിയോടന്തം മികവ് പുലര്‍ത്തിയ സിന്ധുവിനെ ഒരു ഘട്ടത്തി ലും മറികടക്കാന്‍ കരോലിനയ്ക്കായില്ല.