കോലിയും സച്ചിനും
ഇന്ത്യന് ക്രിക്കറ്റിലെ രണ്ട് അസാമാന്യ പ്രതിഭകളാണ് സച്ചിനും കോലിയും. ലോകകപ്പ് ജയിച്ചപ്പോള് കോലി സച്ചിനെ ചുമലിലേറ്റിയാണ് ആദരവ് പ്രകടിപ്പിച്ചത്.
കോലി സച്ചിന്റെ കാല് തൊട്ടപ്പോൾ
കോലി വളരെ കാര്യമായി സൂക്ഷിച്ചിരുന്ന ആം ബാന്ഡുകള് സച്ചിന് നല്കി. പിന്നീട് ഒരു ചെറിയ അനുജനെ പോലെ എന്റെ കാലില് തൊട്ട് വന്ദിച്ചു. താന് ഞെട്ടിപ്പോയി - സച്ചിൻ എഴുതുന്നു.
എന്താണിത് കോലീ
എന്താണ് ചെയ്യുന്നത് എന്നും കോലിയോട് ചോദിച്ചു എന്നും സച്ചിന് പറയുന്നു. ഒന്ന് കെട്ടിപ്പിടിച്ചാല് പോരേ, കാലില് തൊടുന്നത് എന്തിന് എന്നാണ് താന് ചോദിച്ചത്. പിന്നീട് സംസാരിക്കാന് എനിക്ക് വാക്കുകള് കിട്ടിയില്ല. ഞാന് കോലിയെ കെട്ടിപ്പിടിച്ചു.
സച്ചിൻ വികാരാധീനനാകുന്നു
എനിക്ക് സംസാരിക്കാന് കഴിഞ്ഞില്ല. എന്റെ തൊണ്ടയില് ഒരു മുഴ വന്നത് പോലെ തോന്നി. വിരാട് കോലിയോട് ഞാന് സ്ഥലം വിടാന് ആവശ്യപ്പെട്ടു. കുറച്ചുനേരം കൂടി അങ്ങനെ നിന്നാല് എനിക്ക് കരച്ചില് അടക്കാന് പറ്റാതെ വരുമായിരുന്നു.
കരഞ്ഞുപോയി സച്ചിൻ
എനിക്ക് ഒരിക്കലും മറക്കാന് പറ്റാത്ത ഒരു നിമിഷമാണത്. കോലിക്ക് കരിയറില് എല്ലാ വിജയങ്ങളും ആശംസിക്കുന്നു - വികാരാധീനനായി സച്ചിന് എഴുതി.