റിട്ട: എഎസ്ഐ യുടെ വീടാക്രമിച്ച പ്രതികൾ അറസ്റ്റിൽ,വീട്ടില് അതിക്രമിച്ച് കയറി ആക്രമണം, പരിക്ക്!!
കഴകൂട്ടം: കീരിക്കുഴിയിൽ റിട്ടയേർഡ് എ.എസ്.ഐ യുടെ വീട്ടിൽ അതിക്രമിച്ച് കയറി ആക്രമണം നടത്തിയ കേസിലെ പ്രതികളായ കഴക്കൂട്ടം നെട്ടയക്കോണം കൊച്ച്കുന്നിൻപുറത്ത് കണ്ണൻ എന്ന് വിളിക്കുന്ന അഖിൽ (27), കഴക്കൂട്ടം നെട്ടയക്കോണം ആർ.എസ്.നിവാസിൽ ഹരിപ്രസാദ്(30), കഴക്കൂട്ടം കിഴക്കുംഭാഗം നേതാജി ലൈനിൽ വിനീഷ് (30) കഴക്കൂട്ടം പൊലീസ് അറസ്റ്റുചെയ്തു.
ഇക്കഴിഞ്ഞ 14ന് രാത്റി 11 നാണ് സംഭവം .റിട്ടയേർ എ.എസ്.ഐ രാജേന്ദ്രന്റെ മകനോടുള്ള വിരോധം കാരണം പ്രതികൾ ആയുധങ്ങളുമായി വീട്ടിൽ അതിക്രമിച്ച് കയറി എ.എസ്.ഐ യെ വെട്ടി പരിക്കേൽപ്പിക്കാൻ ശ്രമിക്കുകയും വീട്ടുപകരണങ്ങളും അടിച്ചു തകർക്കുകയും ചെയ്യുകയായിരുന്നു.
അരിശം തീരാത്ത പ്രതികൾ അയൽവക്കത്തുള്ള വീതിന്റെ ജനൽ ചില്ലുകളും അടിച്ചു തല്ലിതകർക്കുകയും ചെയ്തു. ഒളിവിൽ കഴിഞ്ഞ പ്രതികളെ കഴകൂട്ടം സൈബർ സിറ്റി പൊലീസ് അസിസ്റ്റന്റ് കമ്മീഷണർ അനിൽകുമാറിന്റെ നിർദേശാനുസരണം കഴകൂട്ടം പൊലീസ് സ്റ്റേഷൻ എസ്.എച്ച്.ഒ എസ്.വൈ.സുരേഷും എസ്.ഐ. സുധീഷ് കുമാറും ചേർന്നാണ് പ്രതികളെ അറസ്റ്റ് ചെയ്തത് എ.എസ്.ഐ. ജയചന്ദ്രൻ, സി.പി.ഒ മാരായ പ്രസാദ്, ബിനു എന്നിവർ അന്വേഷണ സംഘത്തിൽ ഉണ്ടായിരുന്നു.