സെക്രട്ടേറിയറ്റിൽ ജോലി ചെയ്യുന്നവർ 4828 പേർ ; ഇന്ന് ജോലിക്കെത്തിയവർ വളരെ കുറവ്
തിരുവനന്തപുരം: കേന്ദ്രസർക്കാർ നയങ്ങളിൽ പ്രതിഷേധിച്ച് തൊഴിലാളി സംഘടനകൾ ആഹ്വാനം ചെയ്ത ദേശിയ പണിമുടക്ക് ദിനത്തിൽ സെക്രട്ടേറിയറ്റിൽ ജോലിക്കെത്തിയവർ വളരെ കുറവ്. 4828 പേരാണ് സെക്രട്ടേറിയറ്റിൽ ജോലി ചെയ്യുന്നത്. ദേശിയ പണിമുടക്കിന്റെ ആദ്യ ദിനത്തിൽ ജോലിക്കെത്തിയത് വെറും 32 പേർ മാത്രമാണ്. ഭരണപക്ഷത്തെയും പ്രതിപക്ഷത്തെയും അനുകൂല ട്രേഡ് യൂണിയനുകള് സമരത്തില് പങ്കെടുക്കുന്നതിനാലാണ് സെക്രട്ടേറിയറ്റിൽ ജീവനക്കാരുടെ ഹാജര് നില ഇത്രയും താഴേക്ക് പോയത്.
സർക്കാർ ജീവനക്കാർ പണിമുടക്കിന്റെ ഭാഗമാകുന്നതിനെ ഹൈക്കോടതി രൂക്ഷമായി വിമർശിച്ചിരുന്നു. സര്ക്കാര് ജീവനക്കാര് പണിമുടക്കില് പങ്കെടുക്കരുതെന്ന് ഹൈക്കോടതി ചീഫ് ജസ്റ്റിസ് എസ് മണികുമാര് അധ്യക്ഷനായ ബെഞ്ച് ഉത്തരവിട്ടു. സര്ക്കാര് ജീവനക്കാര്ക്ക് പണിമുടക്കാന് അവകാശമില്ലെന്നും ഹൈക്കോടതി പറഞ്ഞു. സര്വീസ് ചട്ടങ്ങളില് ഇക്കാര്യം വ്യക്തമാക്കിയിട്ടുണ്ടെന്നും സര്ക്കാര് ഇക്കാര്യത്തില് ഇന്നു തന്നെ ഉത്തരവ് ഇറക്കാനും കോടതി ആവശ്യപ്പെട്ടു.
പണിമുടക്കിയ ജീവനക്കാര്ക്കെതിരെ നടപടിയെടുക്കാത്തതില് കോടതി അതൃപ്തി പ്രകടിപ്പിച്ചു. തിരുവനന്തപുരം സ്വദേശിയായ അഭിഭാഷകന് നല്കിയ ഹര്ജിയിലാണ് കോടതിയുടെ ഉത്തരവ്. പണിമുടക്ക് ദിവസം സര്ക്കാര് ഉദ്യോഗസ്ഥര്ക്കടക്കം ഹാജര് നിര്ബന്ധമാക്കണമെന്നും ഡയസ് നോണ് പ്രഖ്യാപിക്കാന് സര്ക്കാരിന് നിര്ദ്ദേശം നല്കണമെന്നും അഭിഭാഷകൻ ഹര്ജിയില് ആവശ്യപ്പെട്ടിരുന്നു. പണിമുടക്കുന്ന സര്ക്കാര് ജീവനക്കാര്ക്ക് ഇക്കുറി ശമ്പളം നഷ്ടമാകാൻ സാധ്യതയുണ്ട്. 2019 ജനുവരി 8, 9 തീയതികളില് നടത്തിയ പൊതു പണിമുടക്കില് പങ്കെടുത്തവര്ക്ക് ശമ്പളത്തോടെ ലീവ് അനുവദിച്ചെങ്കിലും ഹൈക്കോടതി ഇടപെട്ട് ഇത് റദ്ദാക്കിയിരുന്നു. അതിനാല് ശമ്പളം തിരിച്ചുപിടിക്കേണ്ട സ്ഥിതിയുണ്ടായി.
രാജ്യത്തെ മഹാനഗരങ്ങളെ സമരം പൂര്ണമായും സ്തംഭിപ്പിച്ചില്ല. ഡല്ഹി, മുംബൈ, ചെന്നൈ തുടങ്ങിയ നഗരങ്ങളില് സമര സമിതിയുടെ നേതൃത്വത്തില് പ്രതിഷേധങ്ങള് നടക്കുന്നുണ്ടെങ്കിലും ഓഫീസുകളും കടകമ്പോളങ്ങളും തുറന്നു പ്രവർത്തിക്കുന്നുണ്ട്. അതേ സമയം കേരളത്തിൽ പണിമുടക്ക് പൂർണമാണ്. വാണിജ്യ-വ്യാപാര സ്ഥാപനങ്ങളിലെ തൊഴിലാളികള് പണിമുടക്കുന്നതിനാല് കടകമ്പോളങ്ങള് അടഞ്ഞു കിടക്കുന്നു. ഹോട്ടലുകള്, വ്യാപാരികള്, സംരംഭകര് എന്നിവരെ പണിമുടക്കില് നിന്ന് ഒഴിവാക്കണമെന്ന് ഈ സ്ഥാപനങ്ങളുമായി ബന്ധപ്പെട്ട സംഘടനകള് പണിമുടക്കുന്ന സംഘടനകളോട് അഭ്യർഥിച്ചിരുന്നെങ്കിലും പല സ്ഥാപനങ്ങളും പ്രവര്ത്തിക്കുന്നില്ല. ഓട്ടോ-ടാക്സി തൊഴിലാളികളും പണിമുടക്കില് പങ്കെടുക്കുന്നുണ്ട്.
29-ാം തീയതി വൈകിട്ട് ആറ് മണി വരെയാണ് പണിമുടക്ക് പ്രഖ്യാപിച്ചിരിക്കുന്നത്. എൽഐസി ഉൾപ്പടെയുള്ള പൊതുമേഖലാ സ്ഥാപനങ്ങൾ വിറ്റഴിക്കുന്നതിനെതിരെയാണ് പണിമുടക്കിൽ ഉയർത്തുന്ന പ്രധാന പ്രതിഷേധം.
തൊഴിലാളികളുടെ അവകാശം നിഷേധിക്കുന്ന തൊഴിൽ നിയമങ്ങൾ പിൻവലിക്കുക, അസംഘടിതമേഖലയിലെ തൊഴിലാളികൾക്ക് സാമൂഹ്യസുരക്ഷാ പദ്ധതി നടപ്പാക്കുക, തൊഴിലുറപ്പ് പദ്ധതി വിഹിതം കൂട്ടുക, കൂടുതൽ കാർഷിക ഉത്പന്നങ്ങൾക്ക് താങ്ങുവില ഉറപ്പാക്കുക, നിലവിലുള്ളവയ്ക്ക് താങ്ങുവില കൂട്ടുക, കർഷക സംഘടനകൾ വിവിധ ആവശ്യങ്ങളുന്നയിച്ച് പുറത്തിറക്കിയ അവകാശപത്രിക അംഗീകരിക്കുക എന്നിവയാണ് ട്രേഡ് യൂണിയനുകളുടെ പ്രധാന ആവശ്യം.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google