ആരോഗ്യ കേരളം ഡോക്ടര്‍മാരെ തേടുന്നു

തിരുവനന്തപുരം: ആരോഗ്യം കേരളത്തിന് കീഴില്‍ തിരുവന്തപുരം ജില്ലയിലെ വിവിധ ആശുപത്രികളിലേയ്ക്ക് ഡോക്ടര്‍മാരെ തേടുന്നു. കരാര്‍ അടിസ്ഥാനത്തിലാണ് എംബിബിഎസ് ഡോക്ടര്‍മാരെ നിയമിയ്ക്കുക. താത്പര്യമുള്ള ഡോക്ടര്‍മാര്‍ തൈക്കാട്ടുള്ള ആരോഗ്യ കേന്ദ്രം ജില്ല പ്രോഗ്രം മാനേജരുടെ ഓഫീസില്‍ ഹാജരാകാവുന്നതാണ്.

കരാര്‍ അടിസ്ഥാനത്തില്‍ ജോലി ചെയ്യാന്‍ താത്പര്യമുള്ള ഡോക്ടര്‍മാര്‍ യോഗ്യത സര്‍ട്ടിഫിക്കറ്റുകള്‍ സഹിതമാണ് തൈക്കാട്ടുള്ള എന്‍ആര്‍എച്ച്എം ജില്ല പ്രോഗ്രാം മാനോജരുടെ ഓഫീസില്‍ ഹാജരാകേണ്ടത്. പ്രവൃത്തി ദിവസങ്ങളില്‍ രാവിലെ പത്ത് മുതല്‍ വൈകുന്നേരം അഞ്ച് വരെ ഹാജരാകാവുന്നതാണ്.

തിരുവനന്തപുരം ജില്ലയില്‍, വിതുര , വെണ്‍പകല്‍, മണമ്പൂര്‍, വിളപ്പില്‍, വെള്ളനാട്, കന്യാകുളങ്ങര, പുത്തന്‍തോപ്പ്, കല്ലറ, പുല്ലുവിള , അണ്ടൂര്‍ക്കോണം, നെടുമങ്ങാട് എന്നീ സാമൂഹികാരോഗ്യ കേന്ദ്രങ്ങളിലേയ്ക്കാണ് ഡോക്ടര്‍മാരെ തേടുന്നത്. വിശദ വിവരങ്ങള്‍ക്ക് 0471-2321288 എന്ന നമ്പറില്‍ ബന്ധപ്പെടാവുന്നതാണ്.

English summary

Arogya Keralam seeks doctors on contract basis at Thiruvananthapuram