Click it and Unblock the Notifications
Just In
Don't Miss
-
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
IPL 2024: ഇംപാക്ട് പ്ലെയര് ബൗളര്മാരെ ദുര്ബലരാക്കുന്നു; ബാറ്റിംഗിനെ സഹായിക്കുന്നുവെന്ന് ബുംറ -
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
തിരുവനന്തപുരം കോര്‍പറേഷന്‍ ആര്യ ഭരിക്കും; ജില്ലയിലെ മുന്‍സിപ്പാലിറ്റികളിലും എല്‍ഡിഎഫ്
തിരുവനന്തപുരം: കോര്‍പറേഷനിലും ജില്ലയിലെ മുന്‍സിപ്പാലിറ്റികളിലും എല്‍ഡിഎഫ് ഭരണം പിടിച്ചു. കോര്‍പറേഷന്‍ മേയറായി സിപിഎം അംഗം ആര്യ രാജേന്ദ്രന്‍ തിരഞ്ഞെടുക്കപ്പെട്ടു. 54 വോട്ടുകള്‍ ഇവര്‍ക്ക് ലഭിച്ചു. 100 അംഗങ്ങളുള്ള കോര്‍പറേഷനില്‍ ഒരാള്‍ ക്വാറന്റൈനിലാണ്. മറ്റൊരു അംഗത്തിന്റെ വോട്ട് അസാധുവായി. ആര്യയ്ക്ക് 54 വോട്ട്, എന്‍ഡിഎ സ്ഥാനാര്‍ഥി സിമി ജ്യോതിഷിന് 35 വോട്ട്, യുഡിഎഫ് പ്രതിനിധി മേരി പുഷ്പത്തിന് 9 വോട്ട് എന്നിങ്ങനെ ലഭിച്ചു.
ജില്ലയിലെ നാല് മുന്‍സിപ്പാലിറ്റികളിലെ ഭരണവും എല്‍ഡിഎഫിനാണ് ലഭിച്ചത്. വര്‍ക്കലയില്‍ എല്‍ഡിഎഫും ബിജെപിയും തമ്മിലായിരുന്നു മല്‍സരം. സിപിഎമ്മിലെ ലജ്ജിയാണ് ഇവിടെ ചെയര്‍മാനായി തിരഞ്ഞെടുക്കപ്പെട്ടത്. ലജ്ജിക്ക് 14 വോട്ട് കിട്ടി. രണ്ടു സ്വതന്ത്രര്‍ ലജ്ജിയെ പിന്തുണച്ചു. ബിജെപി സ്ഥാനാര്‍ഥിക്ക് 11 വോട്ടും യുഡിഎഫിന് 7 വോട്ടും കിട്ടി.
നെടുമങ്ങാട് എല്‍ഡിഎഫ് തന്നെ ഭരിക്കും. സിഎസ് ശ്രീജയാണ് ചെയര്‍പേഴ്‌സണ്‍. 27 വോട്ട് ഇവര്‍ക്ക് ലഭിച്ചു. യുഡിഎഫ് വോട്ടെടുപ്പില്‍ പങ്കെടുത്തില്ല. ബിജെപി സ്ഥാനാര്‍ഥി വിനോദിനിക്ക് നാല് വോട്ടാണ് കിട്ടിയത്. ആറ്റിങ്ങല്‍ മുന്‍സിപ്പാലിറ്റിയില്‍ എല്‍ഡിഎഫ് സ്ഥാനാര്‍ഥി എസ് കുമാരി ചെയര്‍പേഴ്‌സണായി. 18 വോട്ട് ഇവര്‍ക്ക് ലഭിച്ചു. യുഡിഎഫ് സ്ഥാനാര്‍ഥി രമാദേവിക്കും ബിജെപി സ്ഥാനാര്‍ഥി ദീപയ്ക്കും ആറ് വോട്ടുകള്‍ കിട്ടി. ബിജെപിയുടെ ഒരംഗം വൈകിയാണ് എത്തിയത്. അതുകൊണ്ട് വോട്ട് ചെയ്യാനായില്ല.
പികെ രാജ്‌മോഹനാണ് നെയ്യാറ്റിന്‍കര നഗരസഭാ ചെയര്‍മാന്‍. 18 വോട്ട് എല്‍ഡിഫിന് കിട്ടി. യുഡിഎഫിലെ ജോസ് ഫ്രാങ്കന് 16 വോട്ട് ലഭിച്ചു. യുഡിഎഫിലെ ഒരംഗത്തിന്റെ വോട്ട് അസാധുവായി. തുടര്‍ന്ന് വീണ്ടും വോട്ടെടുപ്പ് നടന്നു. രണ്ടാംഘട്ട വോട്ടടെപ്പില്‍ ബിജെപിയെ ഒഴിവാക്കി.
Recommended Video
