ആറ്റുകാൽ പൊങ്കാല ഇന്ന്: ക്രമീകരണങ്ങളുമായി സഹകരിക്കണമെന്ന് മേയർ ആര്യാ എസ് രാജേന്ദ്രന്
തിരുവനന്തപുരം: ആറ്റുകാല് പൊങ്കാലയോട് അനുബന്ധിച്ച് നഗരസഭയുടെയും സർക്കാർ വകുപ്പുകളുടെയും ക്രമീകരണങ്ങളോട് എല്ലാവരും സഹകരിക്കണമെന്ന് തിരുവനന്തപുരം നഗരസഭ മേയർ ആര്യാ എസ് രാജേന്ദ്രന്. ഗവണ്മെന്റ് തീരുമാനമനുസരിച്ച് ഇത്തവണ പൊങ്കാല വീടുകളില് മാത്രമായി നടത്താനാണ് തീരിമാനിച്ചിരിക്കുന്നത്. അതുകൊണ്ട് വിപുലമായ രീതിയില് ഉള്ള ക്രമീകരണങ്ങൾ ആവശ്യം വരുന്നില്ല. എങ്കിലും ശുചീകരണത്തിന് നഗരസഭയുടെ കണ്ടിജന്റ് ജീവനക്കാരെ ഏര്പ്പെടുത്തിയിട്ടുണ്ടെന്നും മേയർ അറിയിച്ചു. മേയറുടെ പ്രസ്താവനയുടെ പൂർണ്ണ രൂപം ഇങ്ങനെ..
ഈ വർഷത്തെ ആറ്റുകാൽ പൊങ്കാല ഇന്ന് നടക്കുകയാണ്. പൊങ്കാലയുമായി ബന്ധപ്പെട്ട് നഗരസഭാ മുൻ വർഷങ്ങളിൽ നടത്തിയിരുന്ന ശുചീകരണ പ്രവർത്തനങ്ങൾ ഉൾപ്പെടെ ഇത്തവണയും നടത്താൻ തീരുമാനിച്ചു. ഇതിന്റെ വിജയകരമായ പ്രവര്ത്തനങ്ങള് ആവിഷ്കരിക്കുന്നതിന് വിവിധ സന്നദ്ധ സംഘടനകളുടെയും മറ്റ് സംഘടനകളുടെയും യോഗം ചേർന്നിരുന്നു. യോഗം ചുവടെ പറയുന്ന തീരുമാനങ്ങൾ കൈക്കൊണ്ടു. ഗവണ്മെന്റ് തീരുമാനമനുസരിച്ച് ഇത്തവണ പൊങ്കാല വീടുകളില് മാത്രമായി നടത്താനാണ് തീരിമാനിച്ചിരിക്കുന്നത്. അതുകൊണ്ട് വിപുലമായ രീതിയില് ഉള്ള ക്രമീകരണങ്ങൾ ആവശ്യം വരുന്നില്ല. എങ്കിലും ശുചീകരണത്തിന് നഗരസഭയുടെ കണ്ടിജന്റ് ജീവനക്കാരെ ഏര്പ്പെടുത്തിയിട്ടുണ്ട്. 500 വോളന്റിയര്മാര് ആവശ്യമായി വരും എന്നാണ് കണക്കാക്കിയിട്ടുള്ളത് . എസ്.പി.സി, ഗ്രീന് ആര്മി തുടങ്ങിയവരുടെ സഹകരണത്തോടുകൂടി അത് ഏര്പ്പെടുത്താം എന്ന് തീരുമാനിച്ചു.
ഹോട്ടല് & റസ്റ്റോറന്റ് അസോസിയേഷന്റെ ആഭിമുഖ്യത്തില് മണക്കാട് ഭാഗത്ത് വരുന്ന എസ്.പി.സി സ്റ്റുഡന്റ്സും ജീവനക്കാരും ഉള്പ്പെടെ 200 പേര്ക്ക് ഉച്ചഭക്ഷണം നല്കുന്നതിനും ബാക്കിയുള്ള ജീവനക്കാര്ക്ക് ഹെല്ത്ത് ഇന്സ്പെക്ടര്മാരുടെ നിര്ദ്ദേശപ്രകാരം 3 മണിക്ക് ശേഷം ഫുഡ് സപ്ലൈ ചെയ്യുന്നതിനും തീരുമാനിച്ചു. എസ്.പി.സി യുടെ നേതൃത്വത്തില് 45 വോളന്റിയര്മാരെ നല്കുന്നതിന് സന്നദ്ധരാണെന്ന് യോഗത്തില് അറിയിച്ചതിന്റെ അടിസ്ഥാനത്തില് ടി വോളന്റിയേഴ്സിന്റെ സേവനം പ്രയോജനപ്പെടുത്തുന്നതിനുള്ള നടപടി സ്വീകരിക്കുന്നതിന് തീരുമാനിച്ചു. പൊങ്കാലയ്ക്ക് ഗ്രീന് പ്രോട്ടോക്കോള് പാലിക്കാൻ തീരുമാനിച്ചു. മുന്വര്ഷങ്ങളിലെ പൊങ്കാലയുടെ അടിസ്ഥാനത്തില് 80 ക്ഷേത്ര പരിസരത്ത് പൊങ്കാല ഉണ്ടാകും എന്ന കണക്കുപ്രകാരം ആ ക്ഷേത്രങ്ങളുടെ പേര്, അവിടെ ഉള്പ്പെടുന്ന ജീവനക്കാരുടെ എണ്ണം, ഹെല്ത്ത് ഇന്സ്പെക്ടര്മാരുടെ പേരും ഫോണ് നമ്പരും എന്നിവ ഉള്പ്പെടുത്തികൊണ്ടുള്ള ലിസ്റ്റ് ഹോട്ടല് ആന്റ് റസ്റ്റോറന്റ് അസോസിയേഷന് നല്കുന്നതിന് നിര്ദ്ദേശം നല്കി.
ശുചീകരണത്തിനായി നഗരസഭയുടെ 5 വാഹനങ്ങളും 23 ഓട്ടോറിക്ഷയും ഉണ്ട്, അതിന് പുറമെ കോണ്ട്രാക്ടേഴ്സ് അസോസിയേഷന് 5 വാഹനങ്ങളും ടിപ്പര് ഓണേഴ്സ് അസോസിയേഷന് 10 വാഹനങ്ങളും നല്കാമെന്ന് സന്നദ്ധത അറിയിച്ചിട്ടുണ്ട്. ഈ വാഹനങ്ങള് ശുചീകരണ പ്രവർത്തങ്ങൾക്ക് വിനിയോഗിക്കുന്നതിനുള്ള നടപടി സ്വീകരിക്കുന്നതിന് തീരുമാനിച്ചു. എല്ലാ പ്രവർത്തനങ്ങളും വീഡിയോഗ്രാഫി ഉള്പ്പെടെ ഡോക്യുമെന്റേഷന് ചെയ്യുന്നതിന് യോഗത്തില് തീരുമാനിച്ചു.
നഗരസഭയുടെയും സർക്കാർ വകുപ്പുകളുടെയും ക്രമീകരണങ്ങളോട് എല്ലാവരും സഹകരിക്കണമെന്ന് അഭ്യർത്ഥിക്കുന്നു. സുരക്ഷിതവും ശുചിത്വവുമുള്ള ഉത്സവാന്തരീക്ഷം നിലനിർത്താൻ നമുക്ക് ഒരുമിച്ച് പ്രവർത്തിക്കാം. എല്ലാവർക്കും ഹൃദയം നിറഞ്ഞ ആറ്റുകാൽ പൊങ്കലാശംസകൾ.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google