Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
'വിവാഹം ക്ഷണിച്ചില്ല'; തിരുവനന്തപുരത്തെ കല്യാണ വീട്ടില്‍ 'തല്ലുമാല'; വയോധികന് ഉള്‍പ്പടെ പരിക്ക്
ബാലരാമപുരം: വിവാഹം ക്ഷണിക്കാത്തതിനെ തുടര്‍ന്ന് തിരുവനന്തപുരത്ത് തര്‍ക്കം. വിവാഹം ക്ഷണിക്കാത്തതിനെ തുടര്‍ന്നുണ്ടായ സംഘര്‍ഷത്തില്‍ വയോധികന് തലയ്ക്ക് പരിക്കേറ്റു. ബാലരാമപുരം സെന്‍ സെബാസ്റ്റ്യന്‍ ഓഡിറ്റോറിയത്തില്‍ ശനിയാഴ്ച രാത്രി ഒമ്പത് മണിയോടെയാണ് സംഭവം നടന്നത്. ഉച്ചക്കട സ്വദേശിയുടെ മകളുടെ വിവാഹ സത്കാരത്തിനിടെ വിഴിഞ്ഞം സ്വദേശിയായ ആള്‍ ഓഡിറ്റോറിയത്തിലേക്ക് എത്തി വിവാഹം ക്ഷണിക്കാത്തതിനെ ചൊല്ലി തര്‍ക്കിച്ചു.
തുടര്‍ന്ന് ബാലരാമപുരം ആര്‍ സി തെരുവിലെ ഒരു കൂട്ടം യുവാക്കള്‍ സംഭവത്തില്‍ ഇടപെട്ടു. ഇതോടെ തര്‍ക്കം സംഘര്‍ഷത്തില്‍ കലാശിച്ചു. ഉച്ചക്കട സ്വദേശിയായ വയോധികനാണ് പരിക്കേറ്റത്. ഇദ്ദേഹത്തെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. സമാനരീതിയില്‍ രണ്ട് മാസങ്ങള്‍ക്ക് മുമ്പ് സംഘര്‍ഷം ഉണ്ടായിരുന്നെന്ന് നാട്ടുകാര്‍ പറയുന്നു.
വിവാഹ വീട്ടിലെ യുവാക്കളും പ്രദേശത്തെ യുവാക്കളും തമ്മില്‍ നേരത്തെയുണ്ടായ വിഷയമാണ് സംഘര്‍ഷത്തില്‍ കലാശിച്ചതന്നൊണ് ചിലര്‍ പറയുന്നത്. സംഭവത്തെ തുടര്‍ന്ന് ബാലരാമപുരം പൊലീസ് സ്ഥലത്തെത്തി.
അതേസമയം, മാസങ്ങള്‍ക്ക് മുമ്പ് വിവാഹ സദ്യയില്‍ പപ്പടമില്ലെന്ന് പറഞ്ഞ് ആലപ്പുഴയില്‍ സംഘര്‍ഷമുണ്ടായിരുന്നു. സദ്യയില്‍ പപ്പടം കിട്ടിയില്ലെന്ന് പറഞ്ഞ് ചെക്കന്റെയും പെണ്ണിന്റെയും കൂട്ടര്‍ ഓഡിറ്റോറിയത്തിലെ കസേര അടക്കമുള്ളവ ഉപയോഗിച്ച് പരസ്പരം ആക്രമിക്കുകയായിരുന്നു.
അവസാന പന്തിയിലാണ് ഈ പ്രശ്നം മുഴുവന്‍ ഉണ്ടായത്. വിവാഹ ചടങ്ങെല്ലാം കഴിഞ്ഞ് വധു വരന്മാര്‍ സദ്യ കഴിച്ചു. അവസാന പന്തിയില്‍ ഇരുന്നവര്‍ രണ്ടാമതും പപ്പടം ചോദിച്ചിരുന്നു. ഇത് കിട്ടിയില്ലെന്ന് പറഞ്ഞാണ് എട്ടോളം വരുന്ന ചെറുപ്പക്കാര്‍ പ്രശ്നങ്ങളുണ്ടാക്കിയത്. പപ്പടം കിട്ടാത്തതോടെ ഇവര്‍ പരസ്പരം കസേര വലിച്ചിട്ട് അടിക്കാന്‍ തുടങ്ങി. സംഘര്‍ഷം ഹാളിന് പുറത്തേക്കും വ്യാപിച്ചിരുന്നു.
പപ്പടത്തിന്റെ പേരിലുണ്ടായ തല്ലില്‍ തനിക്ക് ഒന്നര ലക്ഷം രൂപയുടെ നഷ്ടമാണ് ഉണ്ടായതെന്ന് ഉടമ പറയുന്നു. പോലീസില്‍ ഇയാള്‍ മൊഴി നല്‍കിയിട്ടുണ്ട്. പതിനഞ്ച് പേര്‍ക്കെതിരെയാണ് പോലീസ് കേസെടുത്തിരിക്കുന്നത്. ഓഡിറ്റോറിയത്തിലെ സി സി ടി വി ദൃശ്യങ്ങള്‍ പോലീസ് പരിശോധിച്ചിരുന്നു.
