• search

മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള സംഭാവന 1000 കോടി കവിഞ്ഞു

  • By
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    തിരുവനന്തപുരം: പ്രളയക്കെടുതിയില്‍ നിന്ന് കേരളത്തെ കരകയറ്റാനും പുതിയൊരു കേരളത്തെ സൃഷ്ടിക്കാനും ലോകത്തിന്റെ വിവിധ ഭാഗങ്ങളില്‍ നിന്ന് മുഖ്യമന്ത്രിയുടെ ദുരിതാശ്വാസ നിധിയിലേക്ക് ലഭിച്ച തുക 1000 കോടി കവിഞ്ഞു. ആഗസ്റ്റ് 30 വരെ 1026 കോടി രൂപ ദുരിതാശ്വാസ നിധിയിലേക്ക് ലഭിച്ചതായി മുഖ്യമന്ത്രി പിണറായി വിജയന്‍ പറഞ്ഞു.

    മുല്ലപ്പെരിയാറില്‍ കേരളത്തെ വെല്ലുവിളിച്ച് തമിഴ്‌നാട്.... പ്രളയമുണ്ടായത് അണക്കെട്ട് തുറന്നിട്ടല്ല

    417000 പേര്‍ ഓണ്‍ലൈന്‍ മുഖേനയാണ് സംഭാവന നല്‍കിയത്. ഇത് വലിയൊരു മാതൃകയാണ്. പ്രളയം തകര്‍ത്ത നാടിനെ പുതുക്കിപ്പണിയാന്‍ ലോകത്തെമ്പാടുനിന്നും നല്ല പ്രതികരണമാണ് ലഭിക്കുന്നത്. പലരും കഴിവിനപ്പുറവും സഹായിക്കുന്നു. ഇത്തരമൊരു ദൗത്യത്തിന് ഇത് വലിയ ആത്മവിശ്വാസം പകരുന്നതായും മുഖ്യമന്ത്രി പറഞ്ഞു.

    Stand with Kerala

    സിഎംഡിആര്‍എഫ് വെബ്സൈറ്റിലെ ബാങ്ക് പെയ്മെന്റ് ഗേറ്റ്-വേകള്‍ വഴി 145 കോടിരൂപയും യു.പി.ഐ. വഴി 1.04 കോടിയും ഓണ്‍ലൈന്‍ സംഭാവനയായി വന്നതാണ്. പേറ്റിഎം വഴി 45 കോടിയും ലഭിച്ചു. ഇതിനു പുറമേ സ്റ്റേറ്റ് ബാങ്ക് ഓഫ് ഇന്ത്യയിലെ സിഎംഡിആര്‍എഫ് അക്കൗണ്ടില്‍ 610.73 കോടി രൂപയും മറ്റു ബാങ്കുകളില്‍ 39.29 കോടിയും നിക്ഷേപമായി ലഭിച്ചു.

    കൂടാതെ കഴിഞ്ഞ മൂന്ന് ദിവസങ്ങളിലായി ചെക്കുകളും ഡ്രാഫ്റ്റ്കളുമായി 185 കോടിയും ലഭിച്ചിട്ടുണ്ട്. ട്രഷറി വഴി അടച്ചിട്ടുള്ള സംഭാവനകളും സര്‍ക്കാര്‍ ജീവനക്കാരുടെ ശമ്പളത്തില്‍ നിന്നും പിടിച്ച തുകയും ഫെസ്റ്റിവല്‍ അലവന്‍സ് തുകയും ഇതില്‍ ഉള്‍പ്പെടുത്തിയിട്ടില്ല. ഇതുവരെ ഓണ്‍ലൈനായി സംഭാവന നല്‍കിയവരുടെ എണ്ണം 4.17 ലക്ഷമാണ്.

    വരുംദിനങ്ങളില്‍ വിഭവ സമാഹരണത്തിന് ഊര്‍ജിതമായ പ്രവര്‍ത്തനങ്ങള്‍ സംഘടിപ്പിക്കാന്‍ വെള്ളിയാഴ്ച ചേര്‍ന്ന മന്ത്രിസഭാ യോഗം തീരുമാനിച്ചു. ഇതുപ്രകാരം വിദ്യാഭ്യാസ സ്ഥാപനങ്ങളില്‍ നിന്നുള്‍പ്പെടെ സംഭാവന സ്വീകരിക്കും. കേരളത്തിനു പുറത്തെ പ്രധാന നഗരങ്ങളിലും വിദേശ നാടുകളിലുമുള്ള മലയാളികള്‍ ഉള്‍പ്പെടെയുള്ള ഉദാരമതികളില്‍ നിന്ന് സംഭാവന സ്വീകരിക്കാനും പ്രത്യേക പദ്ധതി തയ്യാറാക്കുമെന്നും മുഖ്യമന്ത്രി അറിയിച്ചു.

    മുഖ്യമന്ത്രിയുടെ ദുരിതാശ്വാസ നിധിയിലേക്ക് നിങ്ങൾക്കും സംഭാവന നൽകാം. ഇതാണ് സംഭാവനകൾ അയക്കാനുള്ള വിവരം.

    Name of Donee: CMDRF
    Account number : 67319948232
    Bank: State Bank of India
    Branch: City branch, Thiruvananthapuram
    IFSC Code: SBIN0070028
    Swift Code: SBININBBT08

    keralacmrdf@sbi എന്ന യുപിഐ ഐഡി വഴിയും സംഭാവനകൾ നല്‍കാവുന്നതാണ്.

    English summary
    CMDRF gets more than 1000 crores as relief distress

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more