ട്രിപ്പിൾ ലോക്ക്ഡൗൺ: രോഗികൾക്ക് ആശുപത്രിയിലേക്ക് എത്താൻ ബുദ്ധിമുട്ട്, പരിഹരിക്കണമെന്ന് കെജിഎംഒഎ
തിരുവനന്തപുരം; തിരുവനന്തപുരം ജില്ലയിൽ ട്രിപ്പിൾ ലോക്ക്ഡൗൺ പ്രഖ്യാപിച്ച സാഹചര്യത്തിൽ വീടുകളിൽ കഴിയുന്ന പോസിറ്റീവ് രോഗികളെ അടിയന്തിര ഘട്ടത്തിൽ ആശുപത്രിയിൽ എത്തിക്കുന്നതിനും, ആരോഗ്യ വകുപ്പ് ജീവനക്കാർക്ക് ജോലിക്ക് എത്തുന്നതിനും അധികാരികൾ സാഹചര്യം ഒരുക്കണമെന്ന് കെജിഎംഒഎ ജില്ലാ കമ്മിറ്റി ആവശ്യപ്പെട്ടു. ജില്ലയിൽ പോസിറ്റീവ് രോഗികളുടെ എണ്ണത്തിൽ വർദ്ധനവ് ഉണ്ടായ സാഹചര്യത്തിൽ കൂടുതൽ രോഗികളും വീടുകളിൽ തന്നെയാണ് ചികിത്സയിൽ കഴിയുന്നത്.
വീടുകളിൽ ചികിത്സയിൽ കഴിയുന്നവർക്ക് ശ്വാസം മുട്ടൽ ഉൾപ്പെടെയുള്ളവ ഉണ്ടാകുമ്പോൾ എല്ലാ ഇട റോഡുകളും അടച്ചിട്ട സാഹചര്യത്തിൽ ഇവരെ ആശുപത്രിയിലിലേക്ക് മാറ്റാൻ സാധിക്കാത്ത സാഹചര്യം നിലനിൽക്കുന്നു. ഗർഭിണികൾ മറ്റു ഗുരുതര രോഗവസ്ഥയിൽ ഉള്ളവർ എന്നിവരെ അടിയന്തിര വൈദ്യസഹായത്തിനു ആശുപത്രിയിൽ എത്തിക്കാൻ ബുദ്ധിമുട്ട് ഉണ്ടാകുന്നു.ഇടറോഡുകളിലെ തടസം മാറ്റുന്നവരും പോലീസുമായി ചില സ്ഥലങ്ങളിൽ തർക്കമുണ്ടാകുന്ന സാഹചര്യം വരെ നിലനിൽക്കുന്നു. ഈ സാഹചര്യത്തിൽ അധികാരികൾ ഇടപെടണമെന്നും കെജിഎംഒഎ ആവശ്യപ്പെട്ടു.
കനത്ത മഴയില് കേരളത്തില് വ്യാപകമായ നാശനഷ്ടം: ചിത്രങ്ങള് കാണാം
നഗരത്തിൽ ഉൾപ്പെടെ ബാരിക്കേഡുകൾ വെച്ച് തടസം സൃഷ്ടിച്ച സാഹചര്യത്തിൽ ആരോഗ്യ പ്രവർത്തകർ ഒരു മണിക്കൂറോളം വൈകിയാണ് ഡ്യൂട്ടിക്ക് എത്താനായത്.അടിയന്തിര സാഹചര്യത്തിൽ രോഗിപരിചരണത്തിന് പോകുന്ന ആരോഗ്യപ്രവർത്തകർക്ക് ആശുപത്രിയിൽ സമയത്തു എത്താൻ സാധിക്കാത്ത സാഹചര്യം നിലനിൽക്കുന്നു. ഇതിൽ അധികാരികൾ അടിയന്തിരമായി ഇടപെടണമെന്ന് കെജിഎംഒഎ ജില്ല കമ്മിറ്റി ആവശ്യപ്പെട്ടു.
പുതിയ ലുക്കില് നടി ഹുമാ ഖുറേഷി; വൈറലായ ഏറ്റവും പുതിയ ചിത്രങ്ങള് കാണാം
Click it and Unblock the Notifications
Sign in with Google