തിരുവനന്തപുരത്ത് നിന്ന് കുവൈറ്റിലേക്ക് സര്‍വീസുമായി ജസീറ എയര്‍വേസ്‌

തിരുവനന്തപുരം: ജസീറ എയർവേസ് തിരുവനന്തപുരം - കുവൈറ്റ് സെക്ടറിൽ സർവീസ് ആരംഭിച്ചു. തുടക്കത്തിൽ ആഴ്ചയിൽ രണ്ട് സർവീസുകളാണ് ഉണ്ടാവുക. കുവൈറ്റ് - തിരുവനന്തപുരം സർവീസ് ( ജെ - 9411 ) തിങ്കൾ, ബുധൻ ദിവസങ്ങളിൽ രാത്രി 6.55 ന് പുറപ്പെട്ട് ചൊവ്വ, വ്യാഴം ദിവസങ്ങളിൽ പുലർച്ചെ 2. 25 ന് തിരുവനന്തപുരത്ത് എത്തും.

തിരിച്ച് ഉള്ള സർവീസ് ( ജെ 9412 ) തിരുവനന്തപുരത്ത് നിന്ന് 3. 25 ന് പുറപ്പെട്ട് ചൊവ്വ, വ്യാഴം ദിവസങ്ങളിൽ രാവിലെ 6. 10 ന് കുവൈത്തിൽ എത്തി.174 എക്കണോമിക് സിറ്റുകളാണ് ഉള്ളത്. ഇന്റർ നാഷണൽ ടെർമിനലിൽ ( ടി 2) നിന്നായിരിക്കും സർവ്വീസ്. ഇതേ റൂട്ടിൽ കുവൈറ്റ് എയർലൈൻസ് ആഴ്ചയിൽ മൂന്ന് ദിവസം വൈഡ് ബോഡി എയർക്രാഫ്റ്റുകളുമായി സർവീസ് നടത്തുന്നുണ്ട്.

DDD

ഇൻഡി​ഗോയുടെ പൂനെ - തിരുവനന്തപുരം സർവീസ്:

ഇൻഡി​ഗോയുടെ പൂനെ - തിരുവനന്തപുരം സർവീസ് ( 6E6647) രാത്രി 11. 30 ന് പുറപ്പെട്ട് പുലർച്ചെ 1. 5 ന് എത്തിച്ചേരും. തിരിച്ചുള്ള വിമാനം ( 6E6648) പുലർച്ചെ 2. 40 ന് തിരുവനന്തപുരത്ത് നിന്ന് പുറപ്പെട്ട് 4.35 ന് പൂനെയിലേക്ക് എത്തും. ആഭ്യന്തര ടെർമിനലിൽ ( ടി 1 ) നിന്നായിരിക്കും സർവീസ്.

English summary

Jazeera Airways Started Services In Thiruvananthapuram - Kuwait Sector, Details Here