Click it and Unblock the Notifications
Just In
Don't Miss
-
ഇതോടെ ടാറ്റ, മഹീന്ദ്ര ഇവികൾ പ്രതിസന്ധിയിലാവുമോ? ഇന്ത്യയിൽ അക്കൗണ്ട് തുറക്കാൻ വിയറ്റ്നാമീസ് ഇവി ഭീമൻ -
സംഗീതമൊഴുകുന്ന കല്ലുകള്, 800 വര്ഷം പഴക്കമുള്ള വാസ്തുവിദ്യാ അത്ഭുതം; ഐരാവതേശ്വര ക്ഷേത്രം -
50 രൂപയിൽ താഴെയുള്ള പവർ സ്റ്റോക്ക്, ഒരു വർഷത്തെ നേട്ടം 400%, ഓഹരി കയ്യിലുണ്ടെങ്കിൽ വിൽക്കണോ...? -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും.. -
IPL 2024: ആര്സിബിയുടെ വമ്പന് തോല്വി, കോളടിച്ചത് മുംബൈക്ക്! എങ്ങനെയെന്ന് അറിയാം -
പെണ്ണ് പറഞ്ഞാല് സ്വീകാര്യം, പുരുഷന് പറഞ്ഞാല് സെക്സിസം; ജാസ്മിന് ചിന്ത വീട്ടുകാരെപ്പറ്റി മാത്രം? -
എതിരാളികളെ വിറപ്പിച്ചും നാട്ടുകാരെ സന്തോഷിപ്പിച്ചും ഒരു 5ജി ഫോൺ; ഇപ്പോൾ 10000 രൂപയ്ക്ക് വാങ്ങാം
മെഡിക്കല്‍ സ്റ്റോര് ഉടമയോട് കഴക്കൂട്ടം എസ്‌ഐയുടെ പരാക്രമം, പണി കൊടുത്ത് സിസിടിവി!
തിരുവനന്തപുരം: തലസ്ഥാന ജില്ലയിലെ മേനംകുളത്ത് മെഡിക്കല്‍ സ്റ്റോര് ഉടമയോട് കഴക്കൂട്ടം എസ്‌ഐയുടെ പരാക്രമം. കഴിഞ്ഞ ദിവസം രാത്രിയാണ് മേനംകുളത്തെ മെഡിക്കല്‍ സ്റ്റോറില്‍ എത്തിയ കഴക്കൂട്ടം എസ്‌ഐ സന്തോഷ് കുമാര്‍ മെഡിക്കല്‍ സ്റ്റോര് ഉടമയെ മര്‍ദ്ദിച്ചത്. ശ്രീലാല്‍ എന്നയാള്‍ക്കാണ് എസ്‌ഐയുടെ മര്‍ദ്ദനമേറ്റത്. തുടര്‍ന്ന് എസ്‌ഐയെ സ്ഥലം മാറ്റി. സംഭവത്തിന്റെ ദൃശ്യങ്ങള്‍ സിസിടിവി പകര്‍ത്തിയതാണ് എസ്‌ഐക്ക് കുരുക്കായത്.
എസ്‌ഐ തന്നെ മര്‍ദ്ദിച്ചതായും ആളുകളുടെ മുന്നില്‍ വെച്ച് അസഭ്യം പറഞ്ഞതായും കാട്ടി മെഡിക്കല്‍ സ്റ്റോര് ഉടമ ശ്രീലാല്‍ സിറ്റി പോലീസ് കമ്മീഷണര്‍ക്ക് പരാതി നല്‍കിയിരുന്നു. കട തുറന്ന് വെക്കാന്‍ അനുവദിച്ചിരിക്കുന്ന സമയം കഴിഞ്ഞു എന്ന് പറഞ്ഞാണ് എസ്‌ഐ മര്‍ദ്ദിച്ചത് എന്നാണ് പരാതി. സിസിടിവി ദൃശ്യങ്ങള്‍ അടക്കമാണ് ശ്രീലാല്‍ പരാതി നല്‍കിയത്.
മെഡിക്കല്‍ സ്റ്റോറിന് മുന്നില്‍ രാത്രി 7 മണിയോടെയാണ് എസ്‌ഐ സന്തോഷ് കുമാര്‍ ജീപ്പില്‍ എത്തിയത്. ഈ സമയം കടയില്‍ മരുന്ന് എടുത്ത് കൊടുത്തുകൊണ്ട് നില്‍ക്കുകയായിരുന്നു ശ്രീലാല്‍. എസ്‌ഐ ശ്രീലാലിനെ പുറത്തേക്ക് വിളിച്ചു. എന്നാല്‍ ജീപ്പിന് സമീപത്തേക്ക് ഇറങ്ങിച്ചെല്ലാതെ കടയില്‍ നിന്ന് കൊണ്ട് തന്നെ എസ്‌ഐയോട് ശ്രീലാല്‍ കാര്യം തിരക്കി. ഇതാണ് എസ്‌ഐയെ പ്രകോപിപ്പിച്ചത്.
ജീപ്പില്‍ നിന്നും ഇറങ്ങിച്ചെന്ന എസ്‌ഐ ശ്രീലാലിനെ കടയില്‍ നിന്നും വലിച്ചിറക്കുകയായിരുന്നു. മാത്രമല്ല അസഭ്യം പറയുകയും ചെയ്തു. എന്നാല്‍ ശ്രീലാല്‍ മാസ്‌ക് ധരിക്കാതിരുന്നതിനാല്‍ താന്‍ താക്കീത് നല്‍കുക മാത്രമാണ് ചെയ്തത് എന്നാണ് എസ്‌ഐ സന്തോഷ് കുമാറിന്റെ വാദം. അതേസമയം എസ്‌ഐ ശ്രീലാലിനോട് അപമര്യാദയായി പെരുമാറുന്നത് സിസിടിവി ദൃശ്യങ്ങളില്‍ നിന്ന് തന്നെ വ്യക്തമാണ്. മാത്രമല്ല ശ്രീലാല്‍ മാസ്‌ക് ധരിച്ചിരിക്കുന്നതും ദൃശ്യങ്ങളില്‍ കാണാം. ഈ സാഹചര്യത്തിലാണ് കഴക്കൂട്ടം എസ്‌ഐക്കെതിരെ നടപടിയെടുത്തിരിക്കുന്നത്.
