തിരുവനന്തപുരത്ത് 990 പേര്ക്കു കൂടി കോവിഡ് സ്ഥിരീകരിച്ചു; 651 പേര്ക്കു രോഗമുക്തി
തിരുവനന്തപുരം: തിരുവനന്തപുരത്ത് ഇന്ന് (18 ഏപ്രില് 2021) 990 പേര്ക്കു കൂടി കോവിഡ് 19 സ്ഥിരീകരിച്ചു. 651 പേര് രോഗമുക്തരായി. 6,104 പേരാണ് ജില്ലയില് കോവിഡ് ബാധിച്ച് ഇപ്പോള് ചികിത്സയിലുള്ളത്.
ഇന്നു രോഗം സ്ഥിരീകരിച്ചവരില് 782 പേര്ക്കു സമ്പര്ക്കത്തിലൂടെയാണു രോഗബാധയുണ്ടായത്. ഇതില് 2 പേര് ആരോഗ്യ പ്രവര്ത്തകരാണ്.
രോഗലക്ഷണങ്ങളെത്തുടര്ന്നു ജില്ലയില് 2,792 പേരെക്കൂടി നിരീക്ഷണത്തിലാക്കി. ഇവരടക്കം ആകെ 26,705 പേര് ക്വാറന്റൈനില് കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 779 പേര് രോഗലക്ഷണങ്ങളില്ലാതെ നിരീക്ഷണകാലം പൂര്ത്തിയാക്കി.
അതേസമയം, കേരളത്തില് ഇന്ന് 18,257 പേര്ക്ക് കോവിഡ്-19 സ്ഥിരീകരിച്ചു. എറണാകുളം 2835, കോഴിക്കോട് 2560, തൃശൂര് 1780, കോട്ടയം 1703, മലപ്പുറം 1677, കണ്ണൂര് 1451, പാലക്കാട് 1077, തിരുവനന്തപുരം 990, കൊല്ലം 802, ആലപ്പുഴ 800, ഇടുക്കി 682, പത്തനംതിട്ട 673, കാസര്ഗോഡ് 622, വയനാട് 605 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 4565 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം 651, കൊല്ലം 256, പത്തനംതിട്ട 165, ആലപ്പുഴ 387, കോട്ടയം 316, ഇടുക്കി 70, എറണാകുളം 355, തൃശൂര് 428, പാലക്കാട് 172, മലപ്പുറം 247, കോഴിക്കോട് 564, വയനാട് 86, കണ്ണൂര് 714, കാസര്ഗോഡ് 154 എന്നിങ്ങനേയാണ് പരിശോധനാ ഫലം ഇന്ന് നെഗറ്റീവായത്. ഇതോടെ 93,686 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 11,40,486 പേര് ഇതുവരെ കോവിഡില് നിന്നും മുക്തി നേടി.
ഹോട്ട് ലുക്കിൽ സനിഹ യാദവ്, പുതിയ ചിത്രങ്ങളേറ്റെടുത്ത് ആരാധകർ
Click it and Unblock the Notifications
Sign in with Google