Click it and Unblock the Notifications
Just In
Don't Miss
-
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
മഴക്കെടുതി: ഹെലികോപ്റ്ററുകള്‍ക്ക് ജില്ലാ കേന്ദ്രങ്ങളില്‍ നിന്നുതന്നെ ഇന്ധനം നിറയ്ക്കാന്‍ സൗകര്യം
തിരുവനന്തപുരം: കനത്ത മഴയെ തുടര്‍ന്നുള്ള പ്രളയത്തില്‍ അകപ്പെടട്ടുപോയവരെ രക്ഷപ്പെടുത്തുന്നതിനും അവര്‍ക്ക് ഭക്ഷണവും വെള്ളവുമെത്തിക്കുന്നതിനുമായി ദുരിതബാധിത പ്രദേശങ്ങളില്‍ പ്രവര്‍ത്തിക്കുന്ന ഹെലികോപ്ടറുകള്‍ക്ക് ഇന്ധനം നിറയ്ക്കാന്‍ പ്രാദേശികമായി സൗകര്യമേര്‍പ്പെടുത്താന്‍ നടപടി. കൊല്ലം, പത്തനംതിട്ട, ആലപ്പുഴ, കൊച്ചി ഐഎന്‍എസ് നാവികസേനാ കേന്ദ്രം, തൃശ്ശൂര്‍ എന്നിവിടങ്ങളിലാണ് ഇന്ധനം നിറയ്ക്കാന്‍ താത്കാലിക സംവിധാനം ഒരുങ്ങുന്നത്.
ഇതുമായി ബന്ധപ്പെട്ട അനുമതി ഇന്ത്യന്‍ ഓയില്‍ കോര്‍പറേഷന് എയര്‍ ഹെഡ് ക്വാര്‍ട്ടേഴ്സ് നല്‍കിക്കഴിഞ്ഞു. നിലവില്‍ മറ്റ് ജില്ലകളിലെ ദുരിതബാധിത പ്രദേശങ്ങളില്‍ പ്രവര്‍ത്തിക്കുന്ന ഹെലികോപ്ടറുകളിലെ ഇന്ധനം തീര്‍ന്നാല്‍ അത് നിറയ്ക്കാന്‍ കൊച്ചിയിലേക്ക് മടങ്ങി വന്ന് വീണ്ടും തിരികെ ദുരന്തമുഖത്തേക്ക് പറക്കേണ്ട സാഹചര്യമാണ്. മണിക്കൂറുകളാണ് ഇതുമൂലം നഷ്ട്ടമാകുന്നത്. എന്നുമാത്രമല്ല കൂടുതല്‍ യാത്ര ചെയ്യേണ്ടവരുന്നതോടെ ഇന്ധന നഷ്ടം വലിയ തോതില്‍ കൂടുകയും ചെയ്യുന്നു. ഇതിനൊരു പരിഹാരം എന്ന നിലയ്ക്കാണ് ഇന്ധനം നിറയ്ക്കാന്‍ അതത് സ്ഥലങ്ങളില്‍ തന്നെ സംവിധാനമൊരുക്കാന്‍ അധികൃതര്‍ നടപടി സ്വീകരിച്ചത്. പുതിയ സംവിധാനം ഒരുങ്ങുന്നതോടെ രക്ഷാപ്രവര്‍ത്തനം കൂടുതല്‍ വേഗത്തിലാകുമെന്ന് ദുരിതാശ്വാസ പ്രവര്‍ത്തനങ്ങളുടെ ചുമതലയുള്ള ഗതാഗത വകുപ്പ് സെക്രട്ടറി കെ ആര്‍ ജ്യോതിലാല്‍ അറിയിച്ചു.
രക്ഷാപ്രവര്‍ത്തകര്‍ക്ക് ബോട്ടുകളിലോ മറ്റോ എത്തിച്ചേരാന്‍ പറ്റാത്ത മേഖലകളില്‍ ഹെലികോപ്റ്റര്‍ വഴിയുള്ള എയര്‍ ലിഫ്റ്റിംഗ് മാത്രമാണ് പ്രായോഗികം. ആയിരക്കണക്കിനാളുകള്‍ ഇപ്പോഴും പലയിടങ്ങളിലായി കുടുങ്ങിക്കിടക്കുന്നുണ്ടെന്നാണ് റിപ്പോര്‍ട്ട്. ഇവരെ രക്ഷിക്കാന്‍ കൂടുതല്‍ സമയം ഹെലികോപ്റ്ററുകള്‍ ലഭ്യമാക്കാന്‍ രക്ഷാപ്രവര്‍ത്തകര്‍ക്ക് ഇതിലൂടെ സാധിക്കും.
