ഇനി പ്രവർത്തനം: ഷിജുഖാൻ ഡിവൈഎഫ്ഐ തിരുവനന്തപുരം ജില്ലാ സെക്രട്ടറി
തിരുവനന്തപുരം: ഡി വൈ എഫ് ഐയുടെ തിരുവനന്തപുരം ജില്ലാ സെക്രട്ടറി സ്ഥാനത്തേയ്ക്ക് ഡോ. ജെ എസ് ഷിജുഖാനെ തെരഞ്ഞെടുത്തു. വി അനൂപിനെ പ്രസിഡന്റായും വി എസ് ശ്യാമയെ ട്രഷററായും സമ്മേളനം തെരഞ്ഞെടുത്തു.
ഡിവൈഎഫ്ഐ അഖിലേന്ത്യാ പ്രസിഡൻറ് എ എ റഹിം എംപി ആണ് പ്രതിനിധി സമ്മേളനം ഉദ്ഘാടനം ചെയ്തത്. ഡി വൈ എഫ് ഐ തൃശൂർ ജില്ലാ പ്രസിഡന്റായി ആർ എൽ ശ്രീലാലിനേയും സെക്രട്ടറിയായി എൻ വി വൈശാഖനേയും സമ്മേളനം തെരഞ്ഞെടുത്തു.
കെ എസ് സെന്തിൽ കുമാറർ ആണ് ട്രഷറർ. സമ്മേളനം സംസ്ഥാന പ്രസിഡന്റ് എസ് സതീഷ് ഉദ്ഘാടനം ചെയ്തു. അതേസമയം , 18 ബ്ലോക് കമ്മിറ്റികളിൽ നിന്നായി 400 ലേറെ പ്രതിനിധികൾ സമ്മേളനത്തിൽ പങ്കെടുത്തിരുന്നു.
ആർ.എസ്.എസിന്റെയും എസ്.ഡി.പി.ഐയുടെയും ശ്രമം വർഗീയ സംഘർഷം; കടുപ്പിച്ച് കോടിയേരി ബാലകൃഷ്ണൻ
അതേ സമയം, ശിശു ക്ഷേമ സമിതി ജനറൽ സെക്രട്ടറി ആണ് ഷിജു ഖാൻ. അമ്മ അറിയാതെ കുഞ്ഞിനെ ദത്ത് നൽകിയത് സംബന്ധിച്ച കേസിൽ ആരോപണ വിധേയനായിരുന്നു ഷിജുഖാൻ. വിഷയത്തിൽ നിലവധി വിമർശനങ്ങൾ ആണ് ഷിജു ഖാൻ നേരിട്ടിരുന്നത്.