കേരളത്തിലെ ആദ്യ എഐ സ്കൂൾ തിരുവനന്തപുരത്ത്; പ്രയോജനങ്ങളും പ്രത്യേകതകളും വിശദമായി അറിയാം
തിരുവനന്തപുരം: കേരളത്തിലെ ആദ്യ എഐ സ്കൂൾ തിരുവനന്തപുരത്തെ പോത്തൻകോട് ശാന്തിഗിരി വിദ്യാഭവനിൽ ആരംഭിച്ചു. മുൻ രാഷ്ട്രപതി രാംനാഥ് കോവിന്ദ് ആണ് ആഗസ്റ്റ് 22 ന് സ്കൂൾ ഉദ്ഘാടനം ചെയ്തത്.
യു എസിലെ ഐ ലേണിങ്ങ് എൻജിൻസും വേദിക് ഇ- സ്കൂളുമായി സഹകരിച്ചാണ്
അന്താരാഷ്ട്ര നിലവാരത്തിലുള്ളതും ഗുണമേന്മയേറിയതും ആയ പഠനാവസരം ഇ-സ്കൂള് സേവനങ്ങൾക്ക് വിദ്യാർത്ഥികൾക്ക് ലഭ്യമാക്കുന്നത്. നൂതന പഠനരീതിയാണ് എ ഐ സ്കൂളിലൂടെ ലക്ഷ്യമിടുന്നത്.
കേരളത്തിലെ ആദ്യത്തെ എ ഐ സ്കൂളിനെക്കുറിച്ച് നിങ്ങൾ അറിയേണ്ടതെല്ലാം:
സ്കൂൾ സമയം കഴിഞ്ഞും സ്കൂളിന്റെ വെബ്സൈറ്റിലൂടെ സ്കൂൾ പഠനത്തിന്റെ അനുഭവം വിദ്യാർത്ഥികൾക്ക് ഇതിലൂടെ ലഭിക്കും. 8 മുതൽ 12 വരെ ക്ലാസുകളിൽ പഠിക്കുന്ന വിദ്യാർത്ഥികൾക്കാണ് എ ഐ സ്കൂളിന്റെ പ്രയോജനം ആദ്യ ഘട്ടത്തിൽ ലഭ്യമാകുന്നത്.
മൾട്ടി ടീച്ചർ റിവിഷൻ സപ്പോർട്ട്, മൾട്ടി ലെവൽ അസസ്മെന്റ്, ആപ്റ്റിറ്റ്യൂഡ് ടെസ്റ്റ് , സൈക്കോമെട്രിക്ക് കൗൺസിലിംഗ് , കരിയർ മാപ്പിംഗ്, എബിലിറ്റി എൻഹാസ്മെന്റ്, മെമ്മറി ടെക്നിക്സ്, കമ്യൂണിക്കേഷൻ- റൈറ്റിംഗ് സ്കിൽസ്, ഇന്റർവ്യൂ - ഗ്രൂപ്പ് ഡിസ്കഷൻ സ്കിൽസ്, ഗണിത ശാസ്ത്ര നൈപുണ്യം, ഇംഗ്ലീഷ് ഭാഷ വൈഭവം, വൈകാരിക- മാനസിക ശേഷികളുടെ വികാസം എന്നിവയ്ക്കുള്ള പരിശീലനം എ ഐ സ്കൂളിൽ നൽകും.
ഉന്നത സർവീസുകളിലേക്കുള്ള മത്സര പരീക്ഷകൾക്കും, ജെ ഇ ഇ, നീറ്റ്, മാറ്റ്, ക്ലാറ്റ്, ക്യുവറ്റ്, ജി മാറ്റ്, ജി ആർ എന്നീ എൻട്രൻസ് പരീക്ഷകൾക്കും ഐ ഇ എൽ ടി എസ് മുതലായ ഭാഷാ ശേഷി പരീക്ഷകൾക്കും പരിശീലനം ലഭ്യമാണ്.
-കൂടാതെ, വിദ്യാർത്ഥികൾക്ക് ഉന്നത പഠനത്തിനും മികച്ച വിദേശ സർവകലാശാലകളിലെ സ്കോളർഷിപ്പുകൾക്കും മാർഗ്ഗനിർദ്ദേശം നൽകും.
വളരെ കുറഞ്ഞ ഫീസിൽ വിദ്യാർത്ഥികൾക്ക് മികച്ച നിലവാരമുള്ള വിദ്യാഭ്യാസ സേവനങ്ങൾ എ ഐ സ്കൂൾ നൽകും. വിദ്യാർത്ഥികൾക്ക് ആർട്ടിഫിഷ്യൽ ഇന്റലിജൻസ് അധിഷ്ഠിത ഡിജിറ്റൽ വിവരങ്ങളിലേക്ക് സ്കൂൾ വെബ്സൈറ്റ് വഴി ആക്സസ് ഉണ്ടായിരിക്കും, ഇത് സ്കൂളിന് അധിക സാമ്പത്തിക ബാധ്യത ഉണ്ടാക്കില്ല.
Click it and Unblock the Notifications
Sign in with Google