സൂര്യാഘാതമെന്ന് സംശയം: തിരുവനന്തപുരം ജില്ലയിൽ രണ്ട് മരണം !!!

Updated: Thursday, March 14, 2019, 15:08 [IST]

സൂര്യാഘാതത്തെ തുടർന്ന് തിരുവനന്തപുരം ജില്ലയുടെ വിവിധ ഭാഗങ്ങളിൽ മൂന്ന് പേർ മരിച്ചു. എസ് എ ടി ആശുപത്രിയിലെ നഴ്‌സിംഗ് അസിസ്റ്റന്റ് കുഴഞ്ഞുവീണ് മരിച്ചു. മണക്കാട് സ്വദേശി കെ. ജി. ബിജു (44) ആണ് മരിച്ചത്.

വാടകയ്ക്ക് താമസിക്കുന്ന മണക്കാട്ടെ വീട്ടിൽവച്ച് ചൊവ്വാഴ്ച നെഞ്ചുവേദന അനുഭവപ്പെട്ടിരുന്നു. ബുധനാഴ്ച മെഡിക്കൽകോളേജ് ആശുപത്രിയിൽ പ്രവേശിപ്പിച്ചുവെങ്കിലും രക്ഷിക്കാനായില്ല. എൻ ജി ഒ യൂണിയൻ എസ് എ ടി യൂണിറ്റ് കമ്മറ്റിയംഗമാണ്. ഭാര്യ സൗമ്യ.

പുനലൂർ: ആട്ടോറിക്ഷാ ഡ്രൈവറെ തേക്ക് തോട്ടത്തിൽ മരിച്ചനിലയിൽ കണ്ടത്തി. തെന്മല ഉറുകുന്ന് കോളനി ജംഗ്ഷനിലെ ഇറുകുന്ന മലവേടർ കോളനി വട്ടമലവീട്ടിൽ വാടകയ്ക്ക് താമസിക്കുന്ന രഞ്ജിത്താണ് ( 32) എം.എൻ ജംഗ്ഷനിലെ പ്ലാന്റേഷനിൽ മരിച്ചത്.

കനത്ത ചൂടേറ്റ് മരിച്ചതാണെന്ന് സംശയിക്കുന്നതായി പൊലീസ് അറിയിച്ചു. മദ്യലഹരിയിലായിരുന്ന ഇയാളുടെ ശരീരത്തിലെ ജലാശം വറ്റിയതാണ് മരണകാരണമെന്നാണ് പ്രാഥമിക നിഗമനം. 4 മണിയോടെ ഇതുവഴിപോയ വഴിയാത്രക്കാരനാണ് മൃതദേഹം കണ്ടത്. ഭാര്യ ആനി. ഒരുവയസുള്ള ശ്രീലക്ഷ്മി മകൾ .