തദ്ദേശ സ്ഥാപനങ്ങളിലേക്കുള്ള ജനപ്രതിനിധികളുടെ സത്യപ്രതിജ്ഞ ചടങ്ങുകള് പൂര്ത്തിയായി
തിരുവനന്തപുരം: തദ്ദേശ തിരഞ്ഞെടുപ്പിലേക്ക് വിജയിച്ച ജനപ്രതിനിധികള് എല്ലാം ഇന്ന് സത്യപ്രതിജഞ ചെയ്ത് അധാകാരമേറ്റു. ഗ്രാമ ബ്ലോക്ക് ജില്ലാ പഞ്ചായത്തുകളിലും, മുനിസിപ്പാലിറ്റികളിലും രാവിലെ പത്ത് മണിക്കും, കോര്പ്പറേഷനുകളില് രാവിലെ 11 നുമാണ് സത്യപ്രതിജ്ഞാ ചടങ്ങ് നടന്നത്. കര്ശന കോവിഡ് പ്രോട്ടോക്കോള് പാലിച്ചായിരുന്നു സംസ്ഥാനത്ത മുഴുവന് സത്യപ്രതിജ്ഞാ ചടങ്ങുകള് നടന്നത്. ഗ്രാമ ബ്ലോക്ക് ജില്ലാ പഞ്ചായത്തുകളില് അതത് വരണാധികാരികളാണ് ആദ്യ അംഗത്തെ സത്യപ്രതിജ്ഞ ചൊല്ലിക്കൊടുത്തത്. പിന്നീട് ഈ അംഗമാണ് മറ്റുള്ള ജനപ്രതിനിധികള്ക്ക് സത്യാപ്രതിജ്ഞാ വാചകം ചൊല്ലിക്കൊടുത്തത്. കോര്പ്പറേഷനില് അതത് ജില്ലാ കലക്ടര്മാര് സത്യപ്രതിജ്ഞ ചൊല്ലിക്കൊടുത്തു.
Recommended Video
ഒരോ തദ്ദേശ സ്ഥാപനങ്ങളിലും തിരഞ്ഞെടുക്കപ്പെട്ട ഏറ്റവും പ്രായം കൂടിയ അംഗത്തെയാണ് വരണാധികാരികള് പ്രതിജ്ഞ എടുപ്പിക്കുന്നത്. തുടര്ന്ന് ഈ അംഗത്തിന്റെ നേതൃത്വത്തില് മറ്റ് അംഗങ്ങളും സ്ത്യാപ്രതിജ്ഞയെടുക്കും. പിന്നീട് സത്യപ്രതിജ്ഞക്ക് ശേഷം തിരഞ്ഞെടുക്കപ്പെട്ട എല്ലാ അംഗങ്ങളുടേയും ആദ്യ യോഗം ആദ്യം സത്യപ്രതിജ്ഞ ചെയ്ത അംഗത്തിന്റെ അധ്യക്ഷതിലാണ് ചേര്ന്നത്. സത്യാപ്രതിജ്ഞാ ചടങ്ങുകള് പൂര്ത്തിയായതായി അധികൃതര് അറിയിച്ചു. ഡിസംബര് 28നാണ് മുനിസിപ്പാലിറ്റിയിലേയും, കോര്പ്പറേഷനിലേയും അധ്യക്ഷന്മാരുടെ തിരഞ്ഞെടുപ്പ് നടക്കുന്നത്.
ത്രിതല പഞ്ചായത്തുകളിലെ അധ്യക്ഷന്മാരുടെ തിരഞ്ഞെടുപ്പ് 30നാണ് നടക്കുക. പഞ്ചായത്തിലെ അധ്യക്ഷന്മാരുടേയും ഉപാധ്യക്ഷന്മാരുടേയും തിരഞ്ഞെടുപ്പ് വരണാധികാരികളും. കോര്പ്പറേഷനുകളില് ജില്ലാ കലക്ടര്മാരും, മുനിസിപ്പാലിറ്റികളില് കമ്മിഷന് നിയോഗിച്ച വരണാധികാരികളുമാണ് നടക്കുക.