തിരുവനന്തപുരം വാർത്തകൾക്ക്
നോട്ടിഫിക്കേഷൻ അനുവദിക്കൂ  
Oneindia App Download

അച്ഛനെ കുത്തിക്കൊന്ന മകൻ അറസ്​റ്റിൽ: വീട്ടില്‍ മദ്യപിച്ച് വഴക്ക്, കത്രിക കൊണ്ട് കുത്തി!

  • By Desk
Google Oneindia Malayalam News

ആ​റ്റിങ്ങൽ: മകന്റെ കുത്തേ​റ്റ് ആ​റ്റിങ്ങൽ അവനവഞ്ചേരി കൈപ്പ​റ്റിമുക്ക് പുന്നയ്ക്കാവിളാകത്ത് വീട്ടിൽ ശശിധരൻപിള്ള (55) മരിച്ചു. സംഭവത്തിൽ പ്രതി ശരത് (22) നെ ആറ്റിങ്ങൽ പൊലീസ് അറസ്​റ്റ് ചെയ്തു. വെള്ളിയാഴ്ച രാത്രി 9 മണിയോടെയാണ് സംഭവം.

സ്ഥിരമായി മദ്യപിച്ച് വീട്ടിലെത്തി ബഹളമുണ്ടാക്കുന്നയാളാണ് ശശിധരൻപിളളയെന്ന് പൊലീസ് പറഞ്ഞു. അടുത്തിടെ ഇയാളെ പോക്‌സോ നിയമപ്രകാരം അറസ്​റ്റ് ചെയ്തിരുന്നു. റിമാൻഡിലായ ഇയാളുടെ ജാമ്യത്തിനായി ഓടിനടന്നത് മകൻ ശരത്താണ്. ജാമ്യം കിട്ടി പുറത്തിറങ്ങിയശേഷവും വീട്ടിൽ പ്രശ്‌നങ്ങളുണ്ടാക്കിയിരുന്നു. വെള്ളിയാഴ്ച രാത്രി ശരത്തും ശശിധരൻപിള്ളയും തമ്മിൽ വാക്കേ​റ്റമുണ്ടായി. ഇരുവരും മദ്യലഹരിയിലായിരുന്നു. ശശിധരൻപിളള വളർത്തുനായയ്ക്ക് കൊടുക്കാനെടുത്ത ആഹാരം ശരത് തട്ടിത്തെറിപ്പിച്ചു. ഇത് സംബന്ധിച്ച് ശശിധരൻപിളള വഴക്കുണ്ടാക്കുകയും ശരത്തിനെ മർദ്ദിക്കുകയും ചെയ്തു. ഇതിനിടെ കൈയിൽകിട്ടിയ കത്രിക കൊണ്ട് ശരത് ശശിധരൻ പിള്ളയെ കുത്തുകയായിരുന്നു.

murdercasetvm-1

കുത്തുകൊണ്ട് വീണ ശശിധരൻപിളളയെ ശരത്തും അമ്മയും ചേർന്ന് വലിയകുന്ന് താലൂക്കാശുപത്രിയിലെത്തിച്ചെങ്കിലും രക്ഷിക്കാനായില്ല. ആശുപത്രി അധികൃതരാണ് പൊലീസിൽ അറിയിച്ചത്. എസ്.എച്ച്.ഒ എ.സുനിൽ, എസ്.ഐ.മാരായ തൻസീം അബ്ദുൽസമദ്, ശ്യാം, സനൽകുമാർ എന്നിവരടങ്ങിയ സംഘമാണ്‌ വെള്ളിയാഴ്ച രാത്രി തന്നെ പ്രതിയെ കസ്​റ്റഡിയിലെടുത്തത്. ഫോറൻസിക്‌ വിദഗ്ദ്ധർ ഉൾപ്പെടെയുള്ള സംഘം വീട്ടിലെത്തി തെളിവുകൾ ശേഖരിച്ചു. ശനിയാഴ്ച അറസ്​റ്റ് രേഖപ്പെടുത്തിയശേഷം കോടതിയിൽ ഹാജരാക്കി റിമാൻഡ് ചെയ്തു.

Thiruvananthapuram
English summary
man arrested for killing father in thiruvananthapuram
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X