പോലീസ്, സിപിഎം കവചം തീര്ത്തു... മേയര് ആര്യ രാജേന്ദ്രന് ചേംബറിലെത്തിയത് മറ്റൊരു വഴിക്ക്
തിരുവനന്തപുരം: കോര്പറേഷന് ഓഫീസില് പ്രതിപക്ഷ പ്രതിഷേധം തുടരുന്ന സാഹചര്യത്തില് മേയര് ആര്യ രാജേന്ദ്രന് ഓഫീസിലെത്തിയത് മറ്റൊരു വഴിക്ക്. വീട്ടില് നിന്ന് രാവിലെ ഇറങ്ങുന്നത് മുതല് മേയര് പ്രതിഷേധ ചൂടറിഞ്ഞു. കെഎസ്യു പ്രവര്ത്തകര് മേയര്ക്ക് വിവിധ സ്ഥലങ്ങളില് കരിങ്കൊടി കാണിച്ചു. ചില കെഎസ്യു പ്രതിഷേധക്കാരെ പോലീസ് കസ്റ്റഡിയിലെടുത്തു. ചിലര്ക്ക് സിപിഎം പ്രവര്ത്തകരുടെ മര്ദ്ദനമേറ്റു.
ഓഫീസിലേക്കുള്ള വഴികളില് പലയിടത്തും മേയര്ക്കെതിരെ പ്രതിഷേധം തുടര്ന്നു. നഗരസഭയ്ക്ക് അകത്ത് ബിജെപി കൗണ്സിലര്മാര് പ്രതിഷേധിച്ചു. പുറത്ത് കോണ്ഗ്രസ് നേതാക്കളുടെ നേതൃത്വത്തില് പ്രതിഷേധം നടക്കുന്നുണ്ടായിരുന്നു. പോലീസിന്റെയും സിപിഎം കൗണ്സിലര്മാരുടെയും സുരക്ഷയിലാണ് മേയര് നഗരസഭയ്ക്ക് അകത്ത് കടന്നത്. ശേഷം പിഎയുടെ ഓഫീസിലൂടെ ചേംബറിലേക്ക് എത്തുകയായിരുന്നു.
മേയറുടെ ഓഫീസിന് മുന്നിലുള്ള പ്രധാന കവാടത്തില് ബിജെപി കൗണ്സില് അംഗങ്ങള് പ്രതിഷേധിക്കുകയായിരുന്നു. ഇത് മനസിലാക്കിയ മേയര് കൗണ്സില് ഹാളിനുവശത്തുകൂടെയുള്ള വഴി തിരഞ്ഞെടുത്തു. മേയര് അകത്ത് കടന്ന ഉടനെ ഈ വഴി അടച്ചു. ശേഷം പിഎയുടെ ഓഫീസിലൂടെയാണ് മേയര് തന്റെ ഓഫീസിലെത്തിയത്. പ്രതിഷേധം കാരണം ഇന്ന് വൈകിയാണ് മേയര്ക്ക് ഓഫീസിലെത്താന് സാധിച്ചത്.
മേയര് രാജിവയ്ക്കണമെന്നാണ് പ്രതിപക്ഷത്തിന്റെ ആവശ്യം. രാജിവയ്ക്കില്ലെന്ന് മേയര് വ്യക്തമാക്കിയിട്ടുണ്ട്. രാജി ആവശ്യം തമാശയാണ് എന്നായിരുന്നു മേയറുടെ പ്രതികരണം. തന്നെ നിയമിച്ചത് പാര്ട്ടിയാണെന്നും കത്ത് വിവാദം പാര്ട്ടി അന്വേഷിക്കുന്നുണ്ടെന്നും മേയര് പറഞ്ഞു. അതേസമയം, സിപിഎം പാര്ലമെന്ററി സെക്രട്ടറി ഡിആര് അനിലിനെതിരെയും പ്രതിഷേധം തുടരുന്നുണ്ട്. കത്ത് വിവാദത്തില് ഇദ്ദേഹവും സംശയനിഴലിലാണ്.
വിവാദം പാര്ട്ടി തലത്തില് അന്വേഷിക്കാന് സിപിഎം തീരുമാനിച്ചു. ജില്ലാ കമ്മിറ്റി യോഗത്തിലാണ് പാര്ട്ടി തലത്തില് അന്വേഷണം നടത്താന് തീരുമാനിച്ചത്. ഒന്നും ഒളിച്ചുവെക്കാനില്ലെന്ന് സിപിഎം ജില്ലാ സെക്രട്ടറി ആനാവൂര് നാഗപ്പന് പറഞ്ഞു. കോര്പറേഷനിലെ 295 താല്ക്കാലിക തസ്തികയില് നിയമിക്കുന്നതിന് പാര്ട്ടി പട്ടിക ചോദിച്ച് മേയറുടെ പേരില് പ്രചരിച്ച കത്താണ് വിവാദത്തിന് ആധാരം.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google