മേയര് ആര്യ രാജേന്ദ്രനും ബാലുശ്ശേരി എംഎല്എ സച്ചിന് ദേവിനും കുഞ്ഞ് പിറന്നു
തിരുവനന്തപുരം: തിരുവനന്തപുരം മേയർ ആര്യ രാജേന്ദ്രനും ബാലുശ്ശേരി എംഎൽഎ സച്ചിൻ ദേവിനും കുഞ്ഞ് പിറന്നു. പെൺകുഞ്ഞാണ്. തിരുവനന്തപുരത്തെ എസ്എടി ആശുപത്രിയിലായിരുന്നു പ്രസവം. ആര്യയും കുഞ്ഞും ആരോഗ്യത്തോടെ ഇരിക്കുന്നുവെന്ന് ആര്യയുടെ പിതാവ് പറഞ്ഞു. 2022ൽ ആയിരുന്നു ആര്യയുടേയും സച്ചിൻ ദേവിന്റേയും വിവാഹം. ലളിതമായ വിവാഹമായിരുന്നു. സോഷ്യൽ മീഡിയയിൽ വലിയ രീതിയിൽ വൈറൽ ആയിരുന്നു ഇവരുടെ വിവാഹ വാർത്ത.
ബാലസംഘം - എസ്എഫ്ഐ പ്രവർത്തന സമയത്താണ് ആര്യയും സച്ചിനും അടുത്ത സൗഹൃദത്തിലാവുന്നത്. വിവാഹിതരാവണമെന്ന് അറിയിച്ചപ്പോൾ പാർട്ടിയും കുടുംബവും ഇവർക്കൊപ്പം നിന്നു. വീട്ടുകാരും പാർട്ടിയും നേതാക്കും ചേർന്നാണ് വിവാഹ നിശ്ചയിച്ചത്. സിപിഎം ചാല ഏരിയ കമിറ്റി അംഗമാണ് ആര്യ രാജേന്ദ്രൻ.
കോഴിക്കോട് ജില്ലാ കമ്മിറ്റി അംഗമാണ് സച്ചിൻ ദേവ്. കഴിഞ്ഞ തിരഞ്ഞെടുപ്പിൽ ബാലുശ്ശേരിയിൽ സിനിമാ താരം ധർമജനെ പരാജയപ്പെടുത്തിയാണ് സച്ചിൻ ദേവ് നിയമലഭയിൽ എത്തിയത്. സഭയിലെ ഏറ്രവും പ്രായം കുറഞ്ഞ അംഗമാണ് സച്ചിൻ.
കോഴിക്കോട് നെല്ലിക്കോട് സ്വദേശിയായ സച്ചിൻ എസ്എഫ്ഐ സംസ്ഥാന സെക്രട്ടറി ആയിരിക്കെയാണ് ബാലുശ്ശേരി മണ്ഡലത്തിൽ നിന്ന് വിജയിച്ചത്. ഓൾ സെയിന്റ്സ് കോളജിൽ വിദ്യാർഥിയായിരിക്കെ 21-ാം വയസ്സിലാണ് ആര്യ രാജേന്ദ്രൻ മേയർ ആകുന്നത്.
Click it and Unblock the Notifications
Sign in with Google