പ്രായപൂര്ത്തിയാകാത്ത മക്കളെ ഉപേക്ഷിച്ച് അമ്മ കാമുകനൊപ്പം ഒളിച്ചോടി, മുട്ടന് പണി കൊടുത്ത് പൊലീസ്
തിരുവനന്തപുരം: പ്രായപൂര്ത്തിയാകാത്ത മക്കളെ ഉപേക്ഷിച്ച് കാമുകനൊപ്പം ഒളിച്ചോടിയ യുവതിയെയും കാമുകനെയും പൊലീസ് അറസ്റ്റ് ചെയ്തു. തിരുവനന്തപുരത്ത് ആര്യനാടാണ് സംഭവം. രണ്ട് പേരെയും ഇപ്പോള് കോടതി റിമാന്ഡ് ചെയ്തിരിക്കുകയാണ്. പറക്കോട് ഒന്നാംപാലം സ്വദേശിനി 32കാരിയും കാമുകന് 33കാരനായ പറക്കോണ്ട് സ്വദേശിയാണ് ഇപ്പോള് അറസ്റ്റിലായിരിക്കുന്നത്.
പ്രവാസിയായ ഭര്ത്താവ്
പറക്കോണ്ട് സ്വദേശിയായ പ്രവാസി യുവാവുമായി 19 വയിസിലാണ് യുവതി ഒളിച്ചോടി പുതിയ ജീവിതം ആരംഭിച്ചത്. അന്യമതസ്തനായ യുവാവിനൊപ്പമുള്ള വിവാഹം കഴിഞ്ഞതോടെ യുവതി പേര് മാറ്റി പ്രവാസിയുടെ മതം സ്വീകരിച്ചു. ഇവര്ക്ക് 11, 13 വയസുള്ള രണ്ട് മക്കളുണ്ട്. ഈ മക്കളെ ഉപേക്ഷിച്ചാണ് യുവതി മറ്റൊരു യുവാവിനൊപ്പം ഒളിച്ചോടിയത്.
നാട്ടില് വരാനിരിക്കെ
പ്രവാസിയായ ഭര്ത്താവ് അടുത്ത മാസം നാട്ടില് വരാനിരിക്കെയാണ് യുവതി യുവാവുമൊപ്പം ഒളിച്ചോടിയത്. വ്യാഴാഴ്ച വൈകീട്ടായിരുന്നു സംഭവം. വീട്ടില് ധരിച്ചിരുന്ന വേഷത്തില് യുവതി യുവാവിനൊപ്പം ഒളിച്ചോടുകയായിരുന്നു.
പൊലീസില് പരാതി
ഒളിച്ചോടിയ വിവരം ആദ്യം ബന്ധുക്കള് അറിഞ്ഞില്ല. യുവതിയെ കാണാതായതിനെ തുടര്ന്ന് ബന്ധുക്കളും പൊലീസും ചേര്ന്ന് രാത്രി വൈകഗിയും സമീപത്തെ പുരയിടങ്ങളിലും ബന്ധു വീടുകളിലും അന്വേഷിച്ചെങ്കിലും ഫലമുണ്ടായിരുന്നില്ല. ശേഷം മൊബൈല് ടവര് കേന്ദ്രീകരിച്ച് നടത്തിയ അന്വേഷണത്തിലാണ് കാമുകനൊപ്പം പോയതാണെന്ന് മനസിലായത്.
പിടികൂടി
കാമുകന്റെ ആള്ത്താമസമില്ലാത്ത വീട്ടില് നിന്നാണ് ഇരുവരെയും പിടികൂടിയതെന്ന് പൊലീസ് പറഞ്ഞു. ജുവനൈല് ജസ്റ്റിസ് പ്രകാരമാണ് പൊലീസ് ഇവര്ക്കെതിരെ കേസ് രജിസ്റ്റര് ചെയ്തിരിക്കുന്നത്. യുവതിയെ അട്ടക്കുളങ്ങര സബ്ജയിലിലും കാമകന് നെയ്യാറ്റിന്കര സബ്ജയിലിലേക്കും മാറ്റി.
നടി ആക്രമിക്കപ്പെട്ട കേസില് ഗണേഷ് കുമാറിനെ ജയിലിലടക്കും; ദിലീപിന് മുമ്പേ... യുഡിഎഫ് വന്നാല്
എയിംസില് കൊവാക്സിന് എടുത്ത സുരക്ഷാ ജീവനക്കാരന് അലര്ജി, തൊലിപ്പുറത്ത് പ്രശ്നങ്ങള്!!
നിഷ്പക്ഷരെ ഉള്പ്പെടുത്തൂ; സുപ്രീംകോടതിയില് കര്ഷകരുടെ ആവശ്യം, നാലംഗ സമിതിയെ മാറ്റണം