പത്മനാഭക്ഷേത്രത്തിലെ പൈങ്കുനി ആറാട്ട്; 21ന് തിരുവനന്തപുരം വിമാനത്താവളം അടച്ചിടും, വിമാനസര്വീസുകള്ക്ക് മാറ്റം
തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളത്തിലെ വിമാന സര്വീസുകള് ഏപ്രില് 21 ന് അഞ്ച് മണിക്കൂര് നിര്ത്തിവയ്ക്കും. റണ്വേക്ക് കുറുകെയുള്ള ശ്രീപത്മനാഭസ്വാമി ക്ഷേത്രത്തിലെ വിശുദ്ധ 'പൈങ്കുനി ആറാട്ട്' ഘോഷയാത്രയുടെ ഭാഗമായാണ് ഇത്. ഏപ്രില് 21 ന് വൈകുന്നേരം 4 മുതല് രാത്രി 9 വരെ വിമാന സര്വീസുകള് നിര്ത്തിവയ്ക്കും എന്നും എന്നാണ് ടിയാല് അറിയിച്ചിരിക്കുന്നത്.
വിമാന സര്വീസുകളുടെ സമയത്തില് വന്ന മാറ്റങ്ങള് ബന്ധപ്പെട്ട എയര് ലൈനുകളില് നിന്ന് ലഭ്യമാകും എന്നും തിരുവനന്തപുരം അന്താരാഷ്ട്ര വിമാനത്താവള അധികൃതര് അറിയിച്ചു. തടസങ്ങളൊന്നുമില്ലാതെ പൈങ്കുനി ഉത്സവം നടത്തുന്നതിന് വേണ്ടിയാണ് വിമാനത്താവളം അടച്ചിടുന്നതെന്ന് അധികൃതര് പറഞ്ഞു. വര്ഷത്തില് രണ്ട് തവണയാണ് ഇത് നടക്കുന്നത്.
പതിറ്റാണ്ടുകളായി വിമാനത്താവളം, റണ്വേയിലൂടെ കടന്നുപോകാനുള്ള ആചാരപരമായ ഘോഷയാത്രയെ തടസപ്പെടുത്താതിരിക്കാന് അതിന്റെ പ്രവര്ത്തനങ്ങള് നിര്ത്തുകയും ഫ്ലൈറ്റ് ഷെഡ്യൂളുകള് ക്രമീകരിക്കുകയും ചെയ്യാറുണ്ട്. ഒക്ടോബര്-നവംബര് മാസങ്ങളിലെ അല്പശി ആറാട്ടിനും മാര്ച്ച്-ഏപ്രില് മാസങ്ങളിലെ പൈങ്കുനി ആറാട്ടിലുമാണ് വിമാനത്താവളം നിശ്ചിത സമയത്തേക്ക് അടച്ചിടുന്നത്.
ക്ഷേത്രത്തിന്റെ പരമ്പരാഗത അവകാശികള് തിരുവിതാംകൂര് രാജവംശക്കാരാണ്. എല്ലാ വര്ഷവും പരമ്പരാഗത ആറാട്ട് ഘോഷയാത്രയുടെ (ആറാട്ടു ദേവതയുടെ ആചാരപരമായ കുളി) സമയത്ത് വിമാനത്താവളം, വിമാന സര്വീസുകള് നിര്ത്തിവെക്കുന്ന പതിവുണ്ട്. വിഗ്രഹങ്ങളുടെ പുണ്യസ്നാനത്തിനായി ക്ഷേത്ര ഘോഷയാത്ര ആ വഴിയിലൂടെ ശംഖുമുഖം കടല്ത്തീരത്ത് എത്തിച്ചേരുന്ന രീതി നൂറ്റാണ്ടുകള്ക്ക് മുമ്പ് ആരംഭിച്ചിരുന്നു എന്നാണ് വിശ്വാസം.
1932-ല് വിമാനത്താവളം സ്ഥാപിതമായ ശേഷവും ഈ രീതി തുടര്ന്ന് പോരുകയായിരുന്നു. വിമാനത്താവളം നിര്മ്മിച്ചപ്പോള് തിരുവിതാംകൂര് രാജാവ് ശ്രീ ചിത്തിര തിരുനാള് വര്ഷം തോറും രണ്ട് ദിവസം ഇതിനായി വിമാനത്താവളം അടച്ചിടുമെന്ന് പറഞ്ഞിരുന്നു. 2021 ല് അദാനി ഗ്രൂപ്പ് വിമാനത്താവളത്തിന്റെ നടത്തിപ്പ് ഏറ്റെടുത്തതിന് ശേഷവും ഈ ആചാരം തടസമില്ലാതെ തുടരുന്നുണ്ട്.
രാജ്യത്തെ തന്നെ ഏറ്റവും പ്രധാനപ്പെട്ട അന്താരാഷ്ട്ര വിമാനത്താവളങ്ങളില് ഒന്നാണ് തിരുവനന്തപുരം വിമാനത്താവളം. ഇക്കഴിഞ്ഞ മാര്ച്ചില് എയര്പോര്ട്ട് കൗണ്സില് ഇന്റര്നാഷണല് ആഗോളതലത്തില് എത്തിച്ചേരുന്നതിനുള്ള ഏറ്റവും മികച്ച വിമാനത്താവളമായി ടിയാല് അംഗീകരിക്കപ്പെട്ടിരുന്നു.
അതേസമയം ഈ വര്ഷത്തെ പൈങ്കുനി ഉത്സവം ഏപ്രില് 12 നാണ് ആരംഭിച്ചത്. ശംഖുംമുഖം കടല്ത്തീരത്തേക്ക് നടക്കുന്ന ആറാട്ടെഴുന്നള്ളത്തില് തിരുവിതാംകൂര് കൊട്ടാരത്തിലെ മുതിര്ന്ന അംഗം (ക്ഷേത്രസ്ഥാനി) പള്ളിവാളേന്തി പങ്കെടുക്കും. 22-ന് വൈകീട്ടാണ് ആറാട്ട് കലശം.
Click it and Unblock the Notifications
Sign in with Google