കുടിവെള്ളമില്ല: വെള്ളയമ്പലത്ത് വാട്ടർ അതോറിട്ടി എക്സിക്യൂട്ടീവ് എൻജീനിയറെ ഉപരോധിച്ചു!!
തിരുവനന്തപുരം: മാസങ്ങളായി കുടിവെള്ളം കിട്ടാതെ വന്നതിനെ തുടർന്ന് ജനപ്രതിനിധികളുടെ നേതൃത്വത്തിൽ വാട്ടർ അതോറിട്ടി എക്സിക്യുട്ടീവ് എൻജിനീയറെ ഉപരോധിച്ചു. കൗൺസിലർ പാളയം രാജന്റെ നേതൃത്വത്തിൽ റസിഡന്റ്സ് അസോസിയേഷൻ ഭാരവാഹികളടക്കമുള്ളവർ ചേർന്നാണ് ഇന്നലെ രാവിലെ 10.30ഓടെ വെള്ളയമ്പലത്തെ വാട്ടർ അതോറിട്ടി എക്സിക്യൂട്ടിവ് എൻജിനിയറെ ഉപരോധിച്ചത്.
പുലർച്ചെ മുതൽ 8.30 വരെ തടസമില്ലാതെ വെള്ളം ലഭ്യമാക്കാമെന്നും തിങ്കൾ, വെള്ളി ദിവസങ്ങളിൽ മറ്റൊരു ലൈനിൽ നിന്ന് കുടിവെള്ളം എത്തിക്കാനുള്ള നടപടികൾ സ്വീകരിക്കാമെന്നും എക്സിക്യൂട്ടിവ് എൻജിനിയർ ഉറപ്പ് നൽകിയതിനെ തുടർന്ന് ഉച്ചയ്ക്ക് 2ഓടെ ഉപരോധം പിൻവലിച്ചു. നന്തൻകോട് കനകഗനർ, നന്തൻനഗർ, ദേവസ്വം ബോർഡ് റെസിഡൻസ് അസോസിയോഷൻ, ക്ളിഫ് ഹൗസിന് സമീപം, പാളയം, ലെനിൻ നഗർ, ഒബ്സർവേറ്ററി വാലി റെസിഡൻസ്, ഫോറസ്റ്റ് ഓഫീസ് ലെയിൻ എന്നിവിടങ്ങളിലാണ് കഴിഞ്ഞ വർഷം ആഗസ്റ്റ് മുതൽ കടുത്ത ജലദൗർലഭ്യം അനുഭവപ്പെടുന്നത്.
മുഖ്യമന്ത്രിയുടെ ഔദ്യോഗിക വസതിയായ ക്ളിഫ്ഹൗസ് സ്ഥിതി ചെയ്യുന്ന മേഖലയായിട്ടും വാട്ടർ അതോറിട്ടി അധികൃതർ പ്രശ്നത്തിന് പരിഹാരം കാണാൻ തയ്യാറാകാതിരുന്നതോടെയാണ് കൗൺസിലറുടെ നേതൃത്വത്തിൽ ജനങ്ങൾ ഉപരോധ സമരത്തിനിറങ്ങിയത്.
Click it and Unblock the Notifications
Sign in with Google