പിതാവിനെ കുത്തി പരിക്കേൽപ്പിച്ച മകൻ പിടിയിൽ: 200 രൂപയെ ചൊല്ലി തർക്കം, മാനസിക അസ്വാസ്ഥ്യം!!
പാറശാല: പിതാവിനെ കുത്തി പരിക്കേല്പിച്ച മകൻ പിടിയിൽ. പൊഴിയൂർ പെറ്റയിൽവിള വീട്ടിൽ നികേൽ പിള്ളയെ (54)കുത്തിയകേസിൽ മകൻ സുനിലാണ് (25) പൊഴിയൂർ പൊലീസിന്റെ പിടിയിലായത്. ഇന്നലെ രാത്രി 7.30നായിരുന്നു സംഭവം. ഇരുന്നൂറ് രൂപ നൽകാത്തതിന്റെ വിരോധത്തിൽ നികേൽ പിള്ളയുമായി വഴക്കുണ്ടാക്കിയ സുനിൽ കഴുത്തിൽ കുത്തി പരിക്കേൽപ്പിക്കുകയായിരുന്നുവെന്ന് പൊലീസ് പറഞ്ഞു. കഴുത്തിൽ ആഴത്തിൽ കുത്തേറ്റ് അതീവ ഗുരുതരാവസ്ഥയിൽ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ച നികേൽ പിള്ളയെ അടിയന്തര ശസ്ത്രക്രിയയ്ക്ക് വിധേയനാക്കി.
കോണ്ഗ്രസ്
നേതാവ്
വിജയന്
തോമസ്
ബിജെപിയിലേക്ക്;
അമിത്
ഷായെ
കണ്ടു,
പ്രഖ്യാപനം
ഉടന്
വീട്ടിനുള്ളിൽ നിന്നും നിലവിളി കേട്ട് ഓടിക്കൂടിയ നാട്ടുകാരാണ് നികേൽ പിള്ളയെ ആശുപത്രിയിൽ എത്തിച്ചത്. സംഭവ ശേഷം വീട്ടിനുള്ളിൽ ഒളിച്ചിരിക്കുകയായിരുന്ന സുനിലിനെ എസ്.ഐ പ്രസാദ്, എ.എസ്.ഐ. പ്രസാദ് കുമാർ, സി.പി.ഒ.ലിജിത്ത് എന്നിവരുടെ സംഘമാണ് പിടികൂടിയത്.
മെഡിക്കൽ കോളേജിൽ ചികിത്സയിൽ കഴിയുന്ന നികേൽ പിള്ള അപകടനില തരണം ചെയ്തിട്ടില്ലെന്ന് ഡോക്ടർമാർ അറിയിച്ചതായി ബന്ധുക്കൾ പറയുന്നു. ഏതാനും ആഴ്ച മുമ്പ് മാതാവിനെയും സുനിൽ കഴുത്തിൽ കുത്തിപരിക്കേൽപ്പിച്ചിരുന്നു. ഇയാൾക്ക് മാനസികാസ്വാസ്ഥ്യമുണ്ടെന്ന് സംശയിക്കുന്നതായി പൊലീസ് പറഞ്ഞു. വൈദ്യപരിശോധനയ്ക്ക് ശേഷം ഇയാളെ ഇന്ന് കോടതിയിൽ ഹാജരാക്കും .