Click it and Unblock the Notifications
Just In
Don't Miss
-
IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി -
സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള് -
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
സിപിഎം നേതാവിന്റെ മൃതദേഹവുമായിട്ടെത്തിയ ആംബുലൻസ് പൊലീസ് തടഞ്ഞിട്ടു:
മലയിൻകീഴ്: സി.പി.എം നേതാവിന്റെ മൃതദേഹവുമായി പോയ ആംബുലൻസിനെ പൊലീസ് അരമണിക്കൂറോളം തടഞ്ഞിട്ട സംഭവത്തിൽ പാർട്ടി ലോക്കൽ കമ്മിറ്രി മുഖ്യമന്ത്രിക്ക് പരാതി നൽകും. തോട്ടം തൊഴിലാളി യൂണിയൻ സി.ഐ.ടി.യു ജില്ലാസെക്രട്ടറിയും സി.പി.എം മാറനല്ലൂർ ലോക്കൽ കമ്മിറ്റി അംഗവുമായ ആർ.പി.പ്രഭാകരൻ നായരുടെ (73) മൃതദേഹവുമായി വന്ന ആംബുലൻസാണ് ശനിയാഴ്ച അർദ്ധരാത്രിയോടെ മലയിൻകീഴ് സി.ഐ ജയകുമാറും സംഘവും തടഞ്ഞത്.
പേയാട് - തച്ചോട്ടുകാവ് റോഡിൽ മേപ്പൂക്കടയിലായിരുന്നു സംഭവം. രാത്രി വാഹന പരിശോധനയ്ക്കിടെ തച്ചോട്ടുകാവിൽ ആംബുലൻസ് കൈകാണിച്ചു നിർത്തിച്ചശേഷം പോകാൻ അനുവദിച്ചെന്ന് ബന്ധുക്കൾ പറയുന്നു. പത്ത് മിനിട്ടിന് ശേഷം സി.ഐയും സംഘവും ജീപ്പിൽ മൂന്ന് കിലോമീറ്റർ പിന്തുടർന്ന് ആംബുലൻസിനെ മേപ്പൂക്കട ജംഗ്ഷനിൽ തടയുകയായിരുന്നു. കാര്യമന്വേഷിച്ച മകനും ദേശാഭിമാനി ലേഖകനുമായ പ്രഷീദിനോട് വാഹന പരിശോധനയെന്നാണ് പറഞ്ഞത്. തന്റെ പിതാവിന്റെ മൃതദേഹവുമായാണ് വരുന്നതെന്നു പറഞ്ഞിട്ടും പോകാൻ അനുവദിച്ചില്ലെന്ന് ഇദ്ദേഹം പറയുന്നു.
ആംബുലൻസിൽ മൃതദേഹമാണോയെന്ന് പരിശോധിക്കണമെന്നായി പൊലീസ്. 22 മിനിറ്റോളം റോഡിൽ ആംബുലൻസ് നിർത്തിയിട്ടു. ഇതിനിടെ പൊലീസ് ജീപ്പിന്റെ ഡ്രൈവർ ആംബുലൻസ് ഡ്രൈവറെ വാഹനത്തിൽനിന്ന് വലിച്ചിറക്കി. ആംബുലൻസിനെ അനുഗമിച്ച സി.പി.എം ലോക്കൽ സെക്രട്ടറി സി.ഐയോട് കാര്യങ്ങൾ ചോദിച്ചപ്പോഴും വാഹന പരിശോധനയെന്നായിരുന്നു മറുപടി.
മൃതദേഹം ആരുടേതെന്ന് സി.ഐയോടു വിശദീകരിച്ചെങ്കിലും വാഹനപരിശോധന നടത്തുമ്പോൾ ഇതൊക്കെ സ്വാഭാവികമെന്നായിരുന്നു മറുപടി. ഇത് പൊലീസുമായി വാക്കേറ്റത്തിന് കാരണമായി. ലോക്കൽ സെക്രട്ടറിയുടെയും ആംബുലൻസിലുള്ളവരുടെയും ഫോട്ടോ സി.ഐ മൊബൈലിൽ പകർത്തിയെന്നു ഇവർ പറയുന്നു. ബഹളം കേട്ടു പരിസരവാസികൾ ഉണരുന്നുവെന്ന് മനസിലാക്കിയ സി.ഐ ജീപ്പുമായി സ്ഥലംവിടുകയും ചെയ്‌തെന്നാണ് ഇവരുടെ ആരോപണം.
