കാര്യവട്ടത്ത് നിയന്ത്രണം വിട്ട കാർ സ്കൂട്ടറിന് പിന്നിലിടിച്ച് ഒരാൾ മരിച്ചു
ശ്രീകാര്യം: നിയന്ത്രണം വിട്ട കാർ സഹോദരങ്ങൾ സഞ്ചരിച്ച സ്കൂട്ടറിന് പിന്നിലിടിച്ച് സ്കൂട്ടർ യാത്രക്കാരായിരുന്ന സഹോദരങ്ങളിൽ ഒരാൾ മരിച്ചു. മറ്റൊരാൾക്ക് ഗുരുതര പരിക്ക്. ശ്രീകാര്യം വികാസ് നഗർ വി.എൻ.ആർ.എ.-187 ൽ, സജീർ മൻസിലിൽ സിറാജുദ്ദീൻ -ബീന ദമ്പതികളുടെ മകൻ സുജീർഖാൻ (25 ) ആണ് മരിച്ചത്.
ഒപ്പം സ്കൂട്ടറിൽ സഞ്ചരിച്ച സഹോദരൻ സജീർഖാൻ (28 ) നെ ഗുരുതര പരിക്കുകളോടെ മെഡിക്കൽ കോളേജ് ആശുപത്രീയിൽ പ്രവേശിപ്പിച്ചു. കാര്യവട്ടം ജംഗ്ഷന് സമീപത്തെ വളവിൽ ശനിയാഴ്ച രാത്രി 11 .30 നായിരുന്നു അപകടം. ഇരു വാഹനങ്ങളും കഴക്കൂട്ടത്ത് നിന്നും ശ്രീകാര്യം ഭാഗത്തേക്ക് വരുമ്പോഴായിരുന്നു അപകടം.
അപ്പോഴാണ് കൂട്ടുകാരി റെക്കമെന്ഡ് ചെയ്തത്; മുറിവൈദ്യം ഉപയോഗിച്ച് മുഖം ചുക്കിച്ചുളിഞ്ഞു: ശാരദക്കുട്ടി
അമിത വേഗതിയിലെത്തിയ കാർ സ്കൂട്ടറിനെ ഇടിച്ച് തെറിപ്പിച്ച ശേഷം സമീപത്തെ മരത്തിൽ ഇടിച്ച് നിൽക്കുകയായിരുന്നു. ഗുരുതരമായി പരിക്കേറ്റ ഇരുവരെയും ഉടൻ തന്നെ മെഡിക്കൽ കോളേജ് ആശുപത്രിയിലെത്തിച്ചെങ്കിലും സുജീർഖാൻ ഞായറായഴ്ച പുലർച്ചയോടെ മരണമടയുകയായിരുന്നു. മരിച്ച സുജീർഖാൻ ശ്രീകാര്യം സ്റ്റാൻഡിലെ ഓട്ടോ തൊഴിലാളിയാണ്