തിരുവനന്തപുരത്ത് ഭാര്യയുടെ അമ്മയെ ചുറ്റികകൊണ്ട് തലയ്ക്കടിച്ചുകൊന്നു; യുവാവ് അറസ്റ്റില്‍

തിരുവനന്തപുരം: ഭാര്യ മാതാവിനെ യുവാവ് ചുറ്റിക കൊണ്ട് തലയ്ക്ക് അടിച്ച് കൊന്നു. ആറ്റിങ്ങൽ കരിച്ചിയിൽ രേണുക അപ്പാർട്ട്മെന്റ്സിൽ താമസിക്കുന്ന തെങ്ങുവിളാകത്ത് വീട്ടിൽ പ്രീത ( 50 ) ആണ് കൊല്ലപ്പെട്ടത്. സംഭവത്തിൽ ഇവരുടെ മകളുടെ ഭർത്താവ് വർക്കല മം​ഗലത്ത് വീട്ടിൽ അനിൽ കുമാറിനെ ( 40 ) ആറ്റങ്ങൽ പോലീസ് കസ്റ്റഡിയിൽ എടുത്തു. ഇന്നലെയാണ് സംഭവം.

കുടുംബ പ്രശ്നങ്ങളെ തുടർന്നുള്ള തർക്കമാണ് കൊലപാകത്തിലേക്ക് എത്തിച്ചത്. അനിൽ കുമാർ ഭാര്യയുമായി പിണക്കത്തിലായിരുന്നു. ഇന്നലെ രാത്രി പത്തരയോടെ ഭാര്യയുടെ വീട്ടിലേക്ക് എത്തിയ അനിൽ കുമാർ കയ്യിൽ കരുതിയ ചുറ്റിക ഉപയോ​ഗിച്ച് മാതാപിതാക്കളെ ആക്രമിക്കുകയായിരുന്നു.

പ്രീതയുടെ ഭർത്താവും കെ എസ് ആർ ടി സി ഉദ്യോ​ഗസ്ഥനും ആയിരുന്ന ബാബുവിനും ആക്രമണത്തിൽ പരിക്കേറ്റു. ബാബു പരിക്കുകളോടെ ആശുപത്രിയിലാണ് ഉള്ളത്. സംഭവത്തിൽ കൊലപാതകത്തിനും വധ ശ്രമത്തിനും പോലീസ് കേസെടുത്തു.