വെള്ളനാട് കിണറ്റിൽ വീണ് ചത്ത കരടിയുടെ പോസ്റ്റ്മോർട്ടം റിപ്പോർട്ട് പുറത്ത്; മരണ കാരണം ഇങ്ങനെ

വെള്ളനാട് കിണറ്റിൽ വീണ് ചത്ത കരടിയുടെ പോസ്റ്റ്മോർട്ടം പൂർത്തിയായിരിക്കുകയാണ്. വെള്ളത്തിൽ മുങ്ങിയതാണ് കരടിയുടെ മരണത്തിന് കാരണം. വീഴ്ചയുടെ ആഘാതത്തിൽ കരടിയുടെ ആന്തരിക അവയവങ്ങളിൽ അടിക്കം വെള്ളം കയറിയെന്നും മയക്ക് വെടിയേറ്റതിന് ശേഷം 50 മിനുട്ട് വെള്ളത്തിൽ കിടന്നെന്നും പോസ്റ്റ്മോർട്ടം റിപ്പോർട്ടിൽ പറയുന്നു. ചത്ത കരടിക്ക് 10 വയസ്സിനടുത്താണ് പ്രായം എന്നാണ് പറയുന്നത്.

ഇന്ന് രാവിലെയാണ് കരടി കിണറ്റിൽ വീണത്. കോഴിയെ പിടിക്കാൻ ശ്രമിക്കുമ്പോൾ വീഴുകയായിരുന്നു. മയക്കുവെടിവെച്ച് കരടിയെ പിടികൂടാനായിരുന്നു ശ്രമിച്ചത്. ഇതിനായി മയക്കുവെടി വച്ചു കരടിയെ വല ഉപയോ​ഗിച്ച് മുകളിലേക്ക് കയറ്റാനാണ് പദ്ധതിയിട്ടത്യ എന്നാൽ മയക്ക് വെടി വെച്ച് മുകളിലേക്ക് ശ്രമിക്കുന്നതിനിടെ കരടി വെള്ളത്തിലേക്ക് വീണു, അബോധാവസ്ഥയിൽ ആയ കരടിയെ ഒരു മണിക്കൂറിലധികം സമയമെടുത്ത് പുറത്തേക്ക് എത്തിച്ചു. എന്നാൽ ജീവൻ രക്ഷിക്കാനായില്ല. സംഭവത്തിന് പിന്നാലെ രൂക്ഷ വിമർശനമാണ് ഉയർന്നുവരുന്നത്.

ഡോക്ടർ ജേക്കബ് അലക്സാണ്ടർ ആയിരുന്നു മയക്ക് വെടി വെച്ചത്. പിന്നാലെ വല ഉപയോ​ഗിച്ച് പുറത്ത് എത്തിക്കാനായി നോക്കി. ഈ സംഭവത്തിനിടയിലാണ് കരടി വീഴുന്നത്. ബാലൻസ് ചെയ്യുമ്പോൾ ഉണ്ടായ പിഴവ് കാരണമാണ് ഇങ്ങനെ സംഭവിച്ചതെന്നാണ് പറയുന്നത്. പിഴവ് മൂലം കരടി വലയുടെ ഒരു ഭാ​ഗത്തുകൂടി വെള്ളത്തിലേക്ക് വീഴുകയായിരുന്നു, ഉടനടി നാട്ടുകാരിൽ ചിലർ വെള്ളത്തിലിറങ്ങി കരടിയെ രക്ഷപ്പെടുകത്താൻ ശ്രമിച്ചെങ്കിലും നടന്നില്ല. ഓക്സിജ കുറവായത് മൂലം തിരിച്ചുകയറി.

കിണറ്റിലെ വെള്ളത്തിന് ഏകദേശം മൂന്നാൾ താഴ്ചയുണ്ട്. അതിനാൽ മുങ്ങി കരടിയെ മുകളിലേക്ക് കയറ്റുന്നത് എളുപ്പമായിരുന്നില്ല . തുടർന്ന് ഫയർഫോഴ്സ് വിഭാ​ഗം എത്തി. ഫയർഫോഴ്സ് 11മണിയോടെയാണ് കരടിയെ പുറത്തേക്ക് എത്തിച്ചത് . എന്നാൽ പുറത്തെത്തിച്ച കരടിയുടെ വായിൽ നിന്ന് ചോര വരുന്നുണ്ടായിരുന്നുവെന്നാണ് റിപ്പോർട്ട് . കരടി ചത്തുവെന്ന പ്രാഥമിക നി​ഗമനത്തിൽ എത്തിയിരുന്നു. എന്നാല്‌ കരടിക്ക് ജീവനുണ്ടോ എന്ന് ഉറപ്പിക്കുന്നതിനായി പാലോട് ഇൻസ്റ്റിറ്റ്യൂട്ട് ഓഫ് അൻിമൽ ഡിസീസ് സെന്റിലേക്ക് മാറ്റി. അവിടെ നിന്ന് പരിശോധിച്ച ശേഷം ജീവൻ ഇല്ലെന്ന് ഉറപ്പിച്ചു.

വലയിൽ നിന്ന് വെള്ളത്തിലേക്ക് വീണ് മുങ്ങിപ്പോയ കരടി കുറച്ചു കഴിഞ്ഞപ്പോൾ തന്നെ കരടി ചത്തിട്ടുണ്ടാവാം എന്നാണ് മയക്കുവെടി വെച്ച ഡോക്ടർ ജേക്കബ് അലക്സാണ്ടർ പറഞ്ഞത്. തന്റെ ജീവിതത്തിൽ ആദ്യമായാണ് ഇത്തരം ഒരു അനുഭവം എന്നാണ് അദ്ദേഹം പറഞ്ഞത്, ഒരു മണിക്കൂറിലധികം വെള്ളത്തിൽ മുങ്ങിക്കിടന്ന അവസ്ഥയിൽ കരടി ചത്തിട്ടുണ്ടാവാം നി​ഗമനത്തിൽ എത്തുകയായിരുന്നു എന്നും വല ഉപയോ​ഗിച്ച് കരടിയെ കയറ്റുന്നതിൽ പറ്റിയ പാളിച്ചയാണ് കരടി വെള്ളത്തിലേക്ക് വീഴാൻ കാരണം എന്നുമാണ് ജേക്കബ്ബ് പറഞ്ഞത്.

English summary

Thiruvananthapuram: The post-mortem report of the bear that fell into the well and died is out