തിരുവനന്തപുരം മെഡിക്കല് കോളേജില് നിന്ന് പൂര്ണ ഗര്ഭിണിയെ 'കാണാതായ' സംഭവത്തില് വന് ട്വിസ്റ്റ്...
തിരുവനന്തപുരം: മെഡിക്കല് കോളേജിലെ എസ്.എ.ടി ആശുപത്രിയില് ലേബര് റൂമില് പ്രവേശിപ്പിച്ച പൂര്ണ ഗര്ഭിണിയെ കാണാതായ സംഭവത്തില് ട്വിസ്റ്റ്. സേലം കണ്ടപ്പട്ടി സ്വദേശി റുബിയ ഭാനുവിനെയാണ് ( 28 ) ലേബര് റൂമില് നിന്ന് കാണാതായത്.
പിന്നീട് നടത്തിയ അന്വേഷണത്തില് ഇവര് സേലത്തെ വീട്ടില് തിരിച്ചെത്തിയെന്ന വിവരം ലഭിച്ചു. മെഡിക്കല് കോളേജില് നിന്ന് നല്കിയ നിര്ദേശങ്ങള് മനസിലാക്കാന് ബുദ്ധിമുട്ട് അനുഭവപ്പെട്ടതിനാല് ഇറങ്ങിപ്പോയെന്നാണ് ഇവര് ആശുപത്രി അധികൃതരെ അറിയിച്ചതെന്നാണ് കേരള കൗമുദി റിപ്പോർട്ട് ചെയ്യുന്നത്.
കുതിരവട്ടത്തുനിന്ന് ചാടിപ്പോയ ദൃശ്യക്കേസ് പ്രതി പിടിയില്; ട്രെയിന് കയറിപ്പോയത് കര്ണാടകയിലേക്ക്
ശനിയാഴ്ച രാത്രി 1.30ഓടെ എസ്.എ.ടി ആശുപത്രിയിലെത്തിയ ഇവരെ പരിശോധനകള് പൂര്ത്തിയാക്കി ലേബര് റൂം സ്റ്റേജ് ഒന്നിലേക്ക് മാറ്റിയിരുന്നു. ഞായറാഴ്ച പുലര്ച്ചെ അഞ്ചോടെയാണ് ഗര്ഭിണിയെ കാണാതായതായി ആശുപത്രി അധികൃതര് അറിയുന്നത്. ഇവരുടെ കൂട്ടിരിപ്പുകാരെയും കാണാതായതോടെ മെഡിക്കല് കോളേജ് പൊലീസില് വിവരം അറിയിച്ചെങ്കിലും കണ്ടെത്താന് സാധിച്ചില്ല. ഇവര് ആശുപത്രിയില് നല്കിയ മൊബൈല് നമ്പര് ഓഫായതിനാല് അന്വേഷണം മുന്നോട്ട് കൊണ്ടുപോകാന് കഴിഞ്ഞില്ല.
ആഭ്യന്തരവും ധനകാര്യവും ആർക്ക്?; ബീഹാറിൽ കോളടിക്കുക തേജസ്വിക്കും കൂട്ടര്ക്കുമോ?സാധ്യതയിങ്ങനെ
Recommended Video
പ്രത്യേക വേഷം ധരിപ്പിച്ച് മാത്രം പ്രവേശിപ്പിക്കുന്ന ലേബര് റൂം സ്റ്റേജ് ഒന്നില് നിന്ന് പുറത്തിറങ്ങിയ ഗര്ഭിണി വേഷം മാറി കൂട്ടിരിപ്പുകാരിയാണെന്ന വ്യാജേന സുരക്ഷാ ജീവനക്കാരുടെ കണ്ണുവെട്ടിച്ച് പുറത്തുകടന്നു എന്നാണു ആശുപത്രി അധികൃതര് പറഞ്ഞത്. എന്നാല് ലേബര് റൂം സ്റ്റേജ് ഒന്നില് നിന്ന് ഗര്ഭിണി പുറത്തിറങ്ങി താഴെ വന്ന് വേഷം മാറിയാണ് പോയതെന്ന് സി.സി ടിവി ദൃശ്യങ്ങളില് വ്യക്തമായി. സംഭവത്തില് വിശദമായ അന്വേഷണം നടത്തുമെന്ന് ആശുപത്രി സൂപ്രണ്ട് ഡോ. ബിന്ദു പറഞ്ഞു.