Click it and Unblock the Notifications
Just In
Don't Miss
-
'മൊയന്താണ് ഗബ്രി, അവന് വേണ്ടി ജാസ്മിൻ എന്തിന് ഫൈറ്റ് ചെയ്യുന്നുവെന്ന് അറിയില്ല, ഗബ്രി ഔട്ടായിരുന്നെങ്കിൽ..!' -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും! -
T20 World Cup 2024: ഇന്ത്യ അബദ്ധം കാട്ടരുത്, ഈ 4 സീനിയേഴ്സും ടീമില് വേണ്ട! ആരൊക്കെ? -
പുത്തൻ എമിഷൻ ചട്ടം വന്നാൽ പണി ആർക്കൊക്കെ, എണ്ണകമ്പനികളും വാഹന നിർമാതാക്കളും ഒന്നിച്ചു നിന്നാൽ ഗുണമുണ്ട് -
തെക്ക് പടിഞ്ഞാറ് ഭാഗത്തെ കിടപ്പ് മുറി: ദാമ്പത്യത്തിന് ഉത്തമം, സന്താനസൗഭാഗ്യം ഉറപ്പ് -
ഈ സെറ്റപ്പൊന്നും ഐഫോണിൽ പോലും ഇല്ലകേട്ടോ! PolarAce ഇമേജിംഗ് സിസ്റ്റവുമായി ടെക്നോ 5G ഫോൺ എത്തി -
10,000 ശതമാനം ലാഭം നൽകിയ ഓഹരി, 1 ലക്ഷം രൂപ ഇന്ന് 1 കോടിയാണ്, മുന്നേറ്റം തുടരും, കൂടെക്കൂട്ടുന്നോ
പറ്റിക്കുന്നെന്ന് സംശയം, മറ്റൊരാളായി വേറെ നമ്പറില്‍ ചാറ്റിംഗ്, വിളിച്ചിറക്കി കഴുത്തറുത്തു; ദാരുണം ഈ കൊലപാതകം
വര്‍ക്കല: വര്‍ക്കലയില്‍ 17 കാരിയായ ബിരുദ വിദ്യാര്‍ത്ഥിനി സംഗീതയുടെ കൊലപാതകത്തിന് പിന്നില്‍ പ്രണയ പക എന്ന് സൂചന. സംഭവത്തില്‍ അറസ്റ്റിലായ ഗോപു തന്നെ സംഗീത പറ്റിക്കുകയാണ് എന്ന സംശയത്തെ തുടര്‍ന്നാണ് ആക്രമണം നടത്തിയത് എന്നാണ് റിപ്പോര്‍ട്ട്. ഗോപു തന്നെ ആണ് സംഗീതയെ വീട്ടിന് പുറത്തേക്ക് വിളിച്ചിറക്കിയത്. എന്നാല്‍ ഗോപു, അഖില്‍ എന്ന മറ്റൊരു പേരില്‍ സംഗീതയുമായി ചാറ്റ് ചെയ്തിരുന്നു.
സംഗീതയ്ക്ക് ഇത് അറിയുമായിരുന്നില്ല. കഴിഞ്ഞ ദിവസവും അഖില്‍ എന്ന പേരില്‍ സംഗീതയോട് ചാറ്റ് ചെയ്യുകയും സംഗീതയോട് പുറത്തേക്ക് വരാന്‍ ആവശ്യപ്പെടുകയുമായിരുന്നു. അഖില്‍ ആണ് എന്ന് കരുതിയാണ് സംഗീത വീടിന് വെളിയിലേക്ക് ഇറങ്ങുന്നത്. എന്നാല്‍ പുറത്തെത്തിയപ്പോള്‍ ഹെല്‍മറ്റ് ധരിച്ച ആളെ ആണ് സംഗീത കണ്ടത്. ഇതോടെ ഗോപുവാണ് വന്നത് എന്ന് സംഗീത സംശയിച്ചു.
തുടര്‍ന്ന് ഹെല്‍മറ്റ് മാറ്റാന്‍ ആവശ്യപ്പെട്ട സംഗീതയെ ഗോപു ആക്രമിക്കുകയായിരുന്നു. പള്ളിക്കല്‍ സ്വദേശി ആണ് ഗോപു. കൊലപാതകം നടന്ന് മണിക്കൂറുകള്‍ക്കുള്ളില്‍ തന്നെ പൊലീസ് ഗോപുവിനെ പിടികൂടിയിരുന്നു. ഗോപുവും സംഗീതയും അടുപ്പത്തിലായിരുന്നു എന്നാണ് പൊലീസ് പറയുന്നത്. എന്നാല്‍ തന്നെ പറ്റിക്കുന്നു എന്ന് സംശയം തോന്നിയാണ് അഖില്‍ എന്ന പേരില്‍ ഗോപു സംഗീതയുമായി ബന്ധം സ്ഥാപിക്കുന്നത്.
സഹോദരിക്കൊപ്പം ഉറങ്ങാന്‍ കിടന്ന സംഗീത സഹോദരിയോട് പറഞ്ഞാണ് പുറത്തേക്ക് ഇറങ്ങിയത് എന്നാണ് റിപ്പോര്‍ട്ട്. ഗോപു പേപ്പര്‍ കത്തി കൊണ്ടാണ് സംഗീതയെ ആക്രമിക്കുന്നത്. മുറിവേറ്റ സംഗീത പേടിച്ച് വീട്ടിലേക്ക് ഓടിക്കയറാന്‍ ശ്രമിക്കുകയും വാതിലിന് മുട്ടുകയുമായിരുന്നു. ഈ ശബ്ദം കേട്ടാണ് സംഗീതയുടെ പിതാവ് ബാബുകുട്ടന്‍ എന്ന സജീവ് ഉണരുന്നത്. സദജീവ് ജനലിലൂടെ നോക്കിയപ്പോഴാണ് രക്തത്തില്‍ കുളിച്ച് കിടക്കുന്ന സംഗീതയെ കാണുന്നത്.
സംഗീതയുടെ കഴുത്തില്‍ ആഴത്തില്‍ മുറിഞ്ഞിരുന്നു എന്നും ഉടനെ തന്നെ സംഗീതയെ ആശുപത്രിയിലെത്തിച്ചു എന്നുമാണ് സജീവ് പറയുന്നു. മകള്‍ക്ക് സംസാരിക്കാന്‍ കഴിയുന്നുണ്ടായിരുന്നില്ല എന്നും സജീവ് പറയുന്നു. സംഗീതയെ തിരുവനന്തപുരം മെഡിക്കല്‍ കോളേജ് ആശുപത്രിലേക്ക് എത്തിച്ചെങ്കിലും ജീവന്‍ രക്ഷിക്കാനായില്ല. രണ്ടാം വര്‍ഷ ബിരുദ വിദ്യാര്‍ത്ഥിയാണ് സംഗീത.
അതേസമയം കൊലപാതകത്തിന് മണിക്കൂറുകള്‍ക്കൊടുവില്‍ പൊലീസ് പിടികൂടിയ പ്രതി ഗോപുവിന്റെ അറസ്റ്റ് ഇന്ന് രാവിലെ പൊലീസ് രേഖപ്പെടുത്തിയിട്ടുണ്ട്. ഇയാളെ ചോദ്യം ചെയ്തുവരികയാണ്. ഗോപു, സംഗീതയുടെ കഴുത്ത് അറക്കാന്‍ ഉപയോഗിച്ച കത്തി പൊലീസ് കണ്ടെടുത്തിട്ടുണ്ട്.
