• search
  • Live TV
തിരുവനന്തപുരം വാർത്തകൾക്ക്
നോട്ടിഫിക്കേഷൻ അനുവദിക്കൂ  
Elections 2019

തീരദേശ മേഖലയിൽ കടലാക്രമണം: തിരുവനന്തപുരത്ത് നിരവധി വീടുകളിൽ വെളളം കയറി, വീടുകളും തകർച്ചാ ഭീഷണിയില്‍

  • By Desk

തിരുവനന്തപുരം: രണ്ട് ദിവസമായി തുടരുന്ന ശക്തമായ തിരയടിയിൽ വലിയതുറ, ശംഖുംമുഖം, പൂന്തുറ, താഴംപള്ളി അഞ്ചുതെങ്ങ് കോട്ട വരെയുള്ള ഭാഗങ്ങളിൽ നിരവധി വീടുകളിൽ വെള്ളം കയറി. പല വീടുകൾക്കും കേടുപാടുകൾ സംഭവിച്ചിട്ടുണ്ട്. കുളിമുറി തകർന്ന് താഴംപള്ളി പുതുവൽ പുരയിടത്തിൽ ഷൈനുവിന് (17) പരിക്കേറ്റു. തരിശുപറമ്പ് അമ്പിളി ഭവനിൽ ആന്റണി, കൊച്ചുപുത്തൻ വീട്ടിൽ ആൻഡ്രിക്, തരിശുപറമ്പിൽ ആർച്ച് പോൾ, അമ്മിണി ബെർലിൻ എന്നിവരുടെ വീടുകളിലെ കതകും ജനലുകളും ഗൃഹോപകരണങ്ങളും തകർന്നു.

മുണ്ടിന്‍റെ കരയെങ്കിലും നോക്കു, സെല്‍ഫി എടുത്ത ആളെയും വെട്ടിമാറ്റി, അനില്‍ അക്കരക്കെതിരെ പ്രസേനന്‍

ശക്തമായ തിരമാലയിൽ പൂത്തുറ മുതൽ അഞ്ചുതെങ്ങ് കോട്ട വരെയുള്ള പലയിടത്തും നാശമുണ്ട്. മണ്ണ് റോഡിൽ അടിഞ്ഞുകൂടിയതിനാൽ കഴിഞ്ഞ ദിവസം രാത്രിയിൽ പലയിടത്തും വാഹനയാത്ര തടസപ്പെട്ടു. തീരദേശ പൊലീസും നാട്ടുകാരും മണിക്കൂറുകളോളം ശ്രമിച്ചാണ് മണ്ണ് നീക്കം ചെയ്‌തത്. കല്ലുകടവ് ഭാഗത്ത് കടൽഭിത്തി തകർന്നിരിക്കുന്നതിനാൽ തിരമാലകൾ പലപ്പോഴും സമീപത്തെ റോഡിലെത്താറുണ്ട്. പൂത്തുറ, ശിങ്കാരത്തോപ്പ്, തരിശുപറമ്പ് തുടങ്ങിയ മേഖലയിലെല്ലാം കടൽഭിത്തി പൂർണമായി തകർന്നിരിക്കുകയാണ്.

തീരം സംരക്ഷിക്കുന്നതിനായി പുലിമുട്ട് വേണമെന്ന ആവശ്യവും ഇതുവരെ നടപ്പായിട്ടില്ല. വലിയതുറയിലെ കുഴിവിളാകം, കറുപ്പായി റോഡ്, കടൽപാലം, ചെറിയതുറ, കൊച്ചുതോപ്പ് എന്നിവിടങ്ങളിലാണ് രൂക്ഷമായ കടലാക്രമണമുള്ളത്. ഈ പ്രദേശത്ത് ബുധനാഴ്ച 4 വീടുകളും ഇന്നലെ 5 വീടുകളും തിരയടിയിൽ തകർന്നു. പല വീടുകളും തകർച്ചാ ഭീഷണിയിലായതോടെ വീട്ടിലുള്ളവർ ഒഴിഞ്ഞുപോയിത്തുടങ്ങി. തിരയടി കുറയുന്ന സമയത്ത് വീടുകളിലെത്തി വെള്ളം പുറത്തേക്ക് ഒഴുക്കിക്കളയുകയും വീട്ടുസാധനങ്ങൾ മാറ്റുകയുമാണ് ആളുകൾ.

Thiruvananthapuram

English summary
Waves reaches houses in Thiruvananthapuram
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more