ബിജെപിയെ വെട്ടിലാക്കി വൻ ട്വിസ്റ്റ്: കോൺഗ്രസ് വിട്ട് ബിജെപിയിലെത്തിയ നേതാവ് 24 മണിക്കൂറിൽ കാലുമാറി
തിരുവനന്തപുരം: കോണ്ഗ്രസ് വിട്ട് ബിജെപിയിലെത്തിയ യൂത്ത് കോണ്ഗ്രസ് നേതാവ് 24 മണിക്കൂറിനുള്ളില് പാര്ട്ടിയില് തിരിച്ചെത്തി. യൂത്ത് കോണ്ഗ്രസിന്റെ തിരുവനന്തപുരം ജില്ലാ സെക്രട്ടറി എം മിഥുനാണ് ബിജെപിയില് ചേര്ന്നതിന് പിന്നാലെ കോണ്ഗ്രസിലേക്ക് തിരിച്ചെത്തിയത്. എന്നല് ഇതോടെ പുലിവാല് പിടി്ചത് ബിജെപിയാണ്. മിഥുന് ആഘോഷപൂര്വമുള്ള വരവേല്പ്പായിരുന്നു ബിജെപി നല്കിയിരുന്നത്.
മാനസിക സമ്മര്ദ്ദം
പെട്ടെന്നുണ്ടായ ഒരു മാനസിക സമ്മര്ദ്ദത്തിന്റെ പേരിലാണ് ബിജെപിയില് ചേര്ന്നതെന്ന് മിഥുന് 24 ന്യൂസിനോട് പറഞ്ഞു. അതിന് ശേഷം തനിക്ക് ഉറങ്ങാനോ ഭക്ഷണം കഴിക്കാനോ സാധിച്ചില്ല. തദ്ദേശ തിരഞ്ഞെടുപ്പില് മത്സരിക്കാന് ആഗ്രഹമുണ്ടായിരുന്നു. നേതാക്കളെ കണ്ട് കാര്യങ്ങള് ധരിപ്പിക്കണം. മാനസിക സമ്മര്ദ്ദം ചെലുത്തിയാണ് ബിജെപി തന്നെ ക്ഷണിച്ചതെന്നും സംസാരിക്കാന് പോലും അനുവദിച്ചില്ലെന്നും മിഥുന് പറയുന്നു.
ബിജെപി പറയുന്നത്
കോണ്ഗ്രസിന്റെ സ്വജനപക്ഷപാതത്വത്തിലും അവസരവാദ രാഷ്ട്രീയത്തിലും പ്രതിഷേധിച്ചാണ് മിഥുന് ബിജെപിയുമായി ചേര്ന്ന് പ്രവര്ത്തിക്കാന് തീരുമാനിച്ചതെന്നാണ് ബിജെപി ജില്ലാ നേതൃത്വം പറയുന്നത്. മിഥുന് ബിജെപി സ്വീകരണം നല്ക്കുന്ന വീഡിയോ ജില്ലാ അധ്യക്ഷന് വിവി രാജേഷ് ഫേസ്ബുക്കിലൂടെ പങ്കുവച്ചിരുന്നു.
ബിജെപി പ്രതീക്ഷിച്ചിരുന്നില്ല
എന്നാല് ബിജെപിയില് എത്തി ഒരു ദിവസം ആകുമ്പോഴേക്കും മിഥുന് തന്റെ പഴയ പാര്ട്ടിയിലേക്ക് പോകുമെന്ന് ജില്ലാ നേതൃത്വം സ്വപ്നത്തില് പോലും പ്രതീക്ഷിച്ചിരുന്നില്ല. മിഥുന്റെ ബിജെപിയിലേക്കുള്ള ചേക്കേറല് വലിയ മാധ്യമശ്രദ്ധ നേടിയിരുന്നു.
സോഷ്യല് മീഡിയ
മിഥുന്റെ പാര്ട്ടി മാറ്റം, സോഷ്യല് മീഡിയയില് അടക്കം ബിജെപി നേതാക്കളും അണികളും പ്രചരിപ്പിച്ച് വരികയായിരുന്നു. കോണ്ഗ്രസിനെ കുറ്റപ്പെടുത്തിയായിരുന്നു പ്രചരണം. എന്നാല് മണിക്കൂറിനുള്ള യുവനേതാവ് കാലുമാറിയതോടെ ഇപ്പോള് ആകെ വെട്ടിലായിരിക്കുകയാണ് ബിജെപി ജില്ലാ നേതൃത്വം.
Click it and Unblock the Notifications
Sign in with Google