Click it and Unblock the Notifications
Just In
Don't Miss
-
ഭാവിയിൽ പണം വാരാം, ഈ ഓഹരികളിൽ നിക്ഷേപിക്കു, ഉറപ്പിന് പിന്നിലെ കാരണം ഇതാണ് -
ശരീരത്തില് മരവിപ്പോ, ബലഹീനതയോ നിസ്സാരമല്ല: എഴുന്നേല്ക്കാനാവാത്ത വിധം കിടത്തുന്ന ലക്ഷണങ്ങള് -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര
ബ്ലാക്ക് എയ്‍ഞ്ചല്‍ വലയില്‍ വീണു; സിനിമാ-സീരിയില്‍ നടി സരിതയും ഡ്രൈവറും കഞ്ചാവുമായി പിടിയില്‍
ചാലക്കുടി: ഒരു കിലോയിലധികം വരുന്ന കഞ്ചാവുമായി സിനിമാ-സീരിയല്‍ രംഗത്ത് പ്രവര്‍ത്തിക്കുന്ന യുവതിയും കാര്‍ഡ്രൈവറും പോലീസ് പിടിയില്‍. കോട്ടയം ജില്ലയിലെ വെച്ചൂര്‍ ഇടയാഴം സ്വദേശിനി സരിതാലയത്തില്‍ സരിത സലീം (28) ഇവരുടെ സൂഹൃത്തും കാര്‍ ഡ്രൈവറുമായ പാലക്കാട് വല്ലപ്പുഴ സ്വദേശി മനക്കേതൊടിയില്‍ സുധീര്‍ (45) എന്നിവരാണ് തൃശൂര്‍ പോലീസിന്‍റെ പിടിയിലായത്. ചാലക്കൂടി ബസ്റ്റാന്‍ഡ് കേന്ദ്രീകരിച്ച തിങ്കളാഴ്ച രാത്രി നടത്തിയ പരിശോധനയിലാണ് കഞ്ചാവ് സഹിതം ഇരുവരും പിടിയിലായത്.
പരിശോധന
തൃശൂര്‍ റൂറല്‍ ജില്ലാ പോലീസ് മേധാവി ആര്‍ വിസ്വനാഥിന്‍റെ നിര്‍ദ്ദേശത്തെ തുടര്‍ന്ന് ചാലക്കുടി ഡിവൈഎസ്പി സിആര്‍ സന്തോഷത്തിന്‍റെ നേതൃത്വത്തിലായിരുന്നു പരിശോധന. രഹസ്യ വിവരത്തിന്‍റെ അടിസ്ഥാനത്തില്‍ വ്യാഴാഴ്ച നടത്തിയ പരിശോധനയില്‍ ചാലക്കുടി മുനിസിപ്പൽ ജങ്ഷന് സമീപം പാർക്ക് ചെയ്ത ലോറിയിൽനിന്ന് രണ്ടേകാൽ കിലോ കഞ്ചാവ് പിടികൂടിയിരുന്നു.
ഇന്നലെ രാത്രി വീണ്ടും
ഇതിന് പിന്നാലെ ഇന്നലെ രാത്രി വീണ്ടും നടത്തിയ പരിശോധനയിലാണ് സരിതയും സലീമും പിടിയിലായത്. ചാലക്കുടി കെഎസ്ആര്‍ടി സ്റ്റാന്‍ഡിന് സമീപം സംശയകരമായി കണ്ട കാര്‍ പോലീസ് പരിശോധിക്കുകയായിരുന്നു. സരിതയുടെ കൈവശമുണ്ടായിരുന്ന ബാഗിന് പിറകില്‍ പ്ലാസ്റ്റിക് കവറില്‍ ഭദ്രമായി പൊതിഞ്ഞ നിലയിലായിരുന്നു കഞ്ചാവ് കണ്ടെത്തിയത്.
കഞ്ചാവ് കൊണ്ടുവന്നത്
ചാലക്കുടിയില്‍ എത്തുമെന്ന് അറിയിച്ചിരുന്നു ഒരാള്‍ക്ക് നല്‍കാന്‍ വേണ്ടിയാണ് കഞ്ചാവ് കൊണ്ടുവന്നതെന്നും ഡ്രൈവറെ സഹായത്തിനായി വിളിച്ചതാണെന്നും യുവതി മൊഴി നല്‍കിയതായി പോലീസ് അറിയിച്ചു. സിനിമ-സീരിയൽ രംഗത്ത് പ്രവർത്തിക്കുന്ന സരിത ബ്ലാക്ക് ഏയ്ഞ്ചൽ എന്നാണ് അറിയപ്പെടുന്നത്.
സിനിമകളിലും
സീരിയലുകള്‍ക്ക് ജൂനിയര്‍ ആര്‍ടിസ്റ്റുകളെ എത്തിച്ചു നല്‍കുന്ന സരിത ചില സീരിയലുകളിലും സിനിമകളില്‍ പ്രത്യക്ഷപ്പെട്ടിട്ടുണ്ട്. എറണാകുളം എടമക്കരയില്‍ വാടകയ്ക്ക് താമസിക്കുന്ന ഇവര്‍ കഞ്ചാവ് ഉള്‍പ്പടേയുള്ള ലഹരി വസ്തുക്കള്‍ കൈമാറുന്നതിന് ഇടനിലക്കാരായി പ്രവത്തിക്കുന്നയാണാളെന്നും പോലീസ് അറിയിച്ചു.
പോലീസ് സംഘത്തില്‍
നെടുമ്പാശ്ശേരി വിമാനത്താവളം കേന്ദ്രീകരിച്ചും ഇടപ്പിള്ളി മേഖലയിലും ടാക്സി ഓടിക്കുന്നയാളാണ് സുധീർ. ഡിവൈഎസ്പി സിആർ. സന്തോഷിന് പുറമെ, ചാലക്കുടി സിഐ കെഎസ്. സന്ദീപ്, എസ്ഐ എംഎസ് ഷാജൻ എന്നിവരാണ് പരിശോധനയ്ക്ക് നേതൃത്വം നല്‍കിയത്. ഡിവൈഎസ്പിയുടെ പ്രത്യേക അന്വേഷണസംഘത്തിലുള്ളവരും സംഘത്തിലുണ്ടായിരുന്നു.
വന്‍തോതില്‍ ലഹരി കടത്തുന്നു
ലോക് ഡൗണ്‍ നിയന്ത്രണങ്ങളില്‍ ഇളവുകള്‍ പ്രഖ്യാപിക്കപ്പെട്ടതോടെ ഇതരസംസ്ഥാനങ്ങളില്‍ നിന്നും വന്‍തോതില്‍ ലഹരി വസ്തുക്കള്‍ കേരളത്തിലേക്ക് കടത്തുന്നതായി പോലീസിന് വിവരം ലഭിച്ചിരുന്നു. ഇതിന്‍റെ അടിസ്ഥാനത്തില്‍ അതിര്‍ത്തിയിലും നഗരങ്ങള്‍ കേന്ദ്രീകരിച്ചും പരിശോധന ശക്തമാക്കിയിരിക്കുകയാണ് പോലീസ്.
