വെടിക്കെട്ടു ഭേദഗതി: വിയോജിപ്പ് മുമ്പേ അറിയിച്ചെന്ന് ദേവസ്വം
തൃശൂര്: തൃശൂര് പൂരം ഉള്പ്പെടെ വെടിക്കെട്ടുകള്ക്ക് ഏര്പ്പെടുത്തേണ്ട ക്രമീകരണം സംബന്ധിച്ച നടപടികളിലെ വിയോജിപ്പ് രേഖാമൂലം ബന്ധപ്പെട്ടവരെ മുമ്പേ അറിയിച്ചിട്ടുണ്ടെന്ന് പാറമേക്കാവ് ദേവസ്വം സെക്രട്ടറി ജി. രാജേഷ്. സമഗ്രനിയമഭേദഗതിയാണ് വേണ്ടതെന്നും പ്രായോഗിക മാര്ഗങ്ങള് അവലംബിക്കണമെന്നും അദ്ദേഹം ആവശ്യപ്പെട്ടു. സംസ്ഥാന സര്ക്കാര് വരുന്ന അഞ്ചിന് ഉല്സവാഘോഷങ്ങളെ സംബന്ധിച്ച കാര്യങ്ങളെ കുറിച്ചു ചര്ച്ച ചെയ്യാന് തലസ്ഥാനത്ത് യോഗം വിളിച്ചിട്ടുണ്ട്.
പെട്രോളിയം ആന്ഡ് എക്സ്പ്ലോീവ് സേഫ്റ്റി ഓര്ഗനൈസേഷന് (പെസോ) നാഗ്പൂരില് കഴിഞ്ഞ ദിവസമാണു യോഗം ചേര്ന്നത്. വെടിക്കെട്ടു നടക്കുന്ന സ്ഥലത്തുനിന്ന് 200 മീറ്റര് അകലത്തിലാകണം വെടിപ്പുരയെന്നു ഭേദഗതിയില് നിര്ദേശമുണ്ട്. കാറ്റിന്റെ വേഗം മണിക്കൂറില് 50 കി.മീറ്ററില് അധികമായാല് വെടിക്കെട്ടു നടത്താന് പാടില്ലെന്നാണു മറ്റൊരു നിര്ദേശം. വേഗമളക്കുന്നതിനു കൃത്യമായ സംവിധാനമൊരുക്കേണ്ടത് ആരെന്നു വ്യക്തമാക്കിയിട്ടുമില്ല. വെടിപ്പുരയില്നിന്ന് 20 മീറ്റര് അകലെ മറ്റൊരു ഉപഷെഡ് വേണമെന്നും ഇതിനു വെടിക്കെട്ടു നടക്കുന്ന സ്ഥലത്തുനിന്നു 100 മീറ്റര് ദൂരം വേണമെന്നുമാണു മറ്റൊരു വ്യവസ്ഥ.
ലോക ടൂറിസം മാപ്പില് ഇടം നേടിയ തൃശൂര് പൂരത്തിന്റെ മുഖ്യ ഇനമാണ് വെടിക്കെട്ടെന്നും ദേവസ്വത്തിന്റെ വിശദീകരണത്തില് വ്യക്തമാക്കിയിട്ടുണ്ട്. വെടിക്കെട്ടു നടത്തുന്നതില് മുന്കാലങ്ങളില് ദേവസ്വം കൈക്കൊണ്ട നിലപാടുകളില് കേന്ദ്രവും സംസ്ഥാന ഭരണകൂടവും എക്സ്പ്ലോസീവ് വകുപ്പും അഭിനന്ദിച്ചതായും കത്തില് വിശദീകരിച്ചു. കാണികള് 100 മീറ്റര് അകലെ നില്ക്കണമെന്നു പറയുന്ന അവസരത്തില് വെടിക്കെട്ടു നടക്കുന്ന സ്ഥലത്തിനു 200 മീറ്റര് അകലം പാലിക്കണമെന്നു പറയുന്നത് വിചിത്രമാണെന്നും ദേവസ്വം ചൂണ്ടിക്കാട്ടുന്നു. ഇപ്പോഴത്തെ ചട്ടമനുസരിച്ച് സുരക്ഷാ അകലം 45 മീറ്ററാണെന്നും വ്യക്തമാക്കി. വെടിക്കെട്ടു നടക്കുന്ന സമയത്ത് വെടിപ്പുരയില് കരിമരുന്നു ശേഖരമുണ്ടാകാറില്ല.
2018 ജൂണ് 18 ലെ ഇന്ത്യഗസറ്റില് വാണിജ്യ-വ്യവസായ മന്ത്രാലയത്തിന്റെ വിജ്ഞാപനമനുസരിച്ച് പുതിയ വെടിക്കെട്ടു നിയമ ഭേദഗതിക്ക് 45 ദിവസത്തിനകം ബന്ധപ്പെട്ട അഡി.സെക്രട്ടറിയെ അഭിപ്രായമറിയിക്കാനാണ് നിര്ദേശിച്ചിരുന്നത്. അതനുസരിച്ച് 2018 ജൂലായ് 28 ന് പാറമേക്കാവ് ദേവസ്വം ഡല്ഹി വ്യവസായ വകുപ്പ് അഡി. സെക്രട്ടറിക്ക് നിയമ ഭേദഗതിയിലുള്ള വിയോജിപ്പും ആക്ഷേപവും നല്കിയിട്ടുണ്ടെന്നും ദേവസ്വം വിശദീകരിച്ചു.
-
വിഷുവിന് രാജാക്കന്മാരെ പോലെ വാഴാന് പോകുന്ന രാശിക്കാര്; നിങ്ങളുമുണ്ടോ? -
തൊഴില്പരമായി ധാരാളം മത്സരങ്ങള് നേരിടും, വിലപ്പെട്ട രേഖകള് നഷ്ടപ്പെടാം, രോഗങ്ങള്ക്കു സാധ്യത, നാൾഫലം -
ചന്ദ്രൻ രാശിമാറുന്നത് വെറുതെയല്ല; ഈ രാശിക്കാരുടെ പ്രണയത്തിൽ പുരോഗതി, ഒപ്പം സമ്പത്തും ആഡംബരവും -
'ഒന്നും പറയാതിരുന്നതിന് കാരണം ആ ഭയം';വീണ്ടും വീഡിയോയുമായി കിച്ചു സുധി..'ഇനി കാണാൻ അനുവദിക്കുമോയെന്ന അറിയില്ല'' -
'മഞ്ജു വാര്യർ ദിലീപിന് മെസേജ് അയച്ചു, നൽകിയത് വളരെ മോശം മറുപടി..'; പക്ഷെ നടൻ പറഞ്ഞത് മറ്റൊന്ന് -
സ്വര്ണവില കുത്തനെ താഴേക്ക്; ആഭരണം വാങ്ങുന്നവര് അറിയേണ്ട കാര്യം, രൂപ കുതിച്ചു, പവന് വില -
'വല്ലാത്ത തിളപ്പ് എടുക്കല്ലേ സഖാവെ,പിഷാരടിയെ തടഞ്ഞത് എന്തിനെന്ന് അന്വേഷിക്ക്';അഖിൽ മാരാർ -
മഞ്ജു വാര്യരും ദിലീപും വീണ്ടും ഒന്നിച്ചൊരു സിനിമ? നടൻറെ വാക്കുകൾ..മഞ്ജുവിൻ്റ മറുപടി ഇങ്ങനെ -
'മഞ്ജുവിന്റെ കുടുംബം തകർക്കുക കാവ്യയുടെ ജീവിത ലക്ഷ്യം, തുടക്കം മുതൽ ലക്ഷ്യമിട്ടത് ദിലീപിനെ'; വിമർശനം -
സ്വർണ വില ഇന്ന് ചതിച്ചു; ജ്വല്ലറികളിലേക്ക് പോകാൻ നിൽക്കുകയാണോ? ഇന്നത്തെ ഗ്രാം, പവൻ നിരക്ക് അറിയാം -
യുഡിഎഫിന് സീറ്റ് കുറഞ്ഞു.. എല്ഡിഎഫിന് തിരിച്ചുവരവ്; പുതിയ ലോക്പോള് സര്വേ പുറത്ത് -
സ്വര്ണവില വീണ്ടും കുറഞ്ഞു; ഉച്ചയ്ക്ക് ശേഷം വന് ഇടിവ്, ഇത് നല്ല അവസരം, പുതിയ പവന് വില അറിയാം
Click it and Unblock the Notifications
Sign in with Google