Click it and Unblock the Notifications
Just In
Don't Miss
-
IPL 2024: എന്റെ പിഴവല്ല, തോല്വിയില് ബൗളര്മാരെ പഴിച്ച് ഗില്! വിമര്ശിച്ച് ആരാധകര് -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
2 വർഷം ഒരുമിച്ച് താമസം, സാമ്പത്തിക ഇടപാടിൽ തർക്കം വന്നതോടെ ബന്ധുക്കളുടെ മുന്നിലിട്ട് കുത്തിവീഴ്ത്തി
തൃശൂര്‍: ദന്താശുപത്രിയില്‍ വച്ച് വനിത ഡോക്ടറെ കുത്തിക്കൊലപ്പെടുത്തിയ സംഭവത്തിന് പിന്നില്‍ സാമ്പത്തിക പ്രശ്‌നങ്ങളാണെന്ന് പൊലീസ്. ഇതുമായി ബന്ധപ്പെട്ട് പരാതി നല്‍കിയതിന്റെ വൈരാഗ്യമാണ് കൊലപാതകത്തില്‍ കലാശിച്ചതെന്ന് പൊലീസ് പറയുന്നു. സംഭവം നടക്കുമ്പോള്‍ ബന്ധുക്കള്‍ അടുത്തുണ്ടായിരുന്നെന്നും പൊലീസ് പറയുന്നു. കുത്തേറ്റ് പരിക്കേറ്റതിന് തുടര്‍ന്ന് തൃശൂരിലെ സ്വകാര്യ ആശുപത്രിയില്‍ ചികിത്സയിരിക്കെയാണ് ഡോക്ടര്‍ മരിച്ചത്. മൂവാറ്റുപുഴ സ്വദേശിനിയായ ഡോ . സോന (30) ആണ് മരിച്ചത് . വിശദാംശങ്ങളിലേക്ക്. . .
പാട്ണര്‍മാര്‍
സോനയും മഹേഷും ചേര്‍ന്ന് കഴിഞ്ഞ രണ്ട് വര്‍ഷത്തോളമായി ദന്താശുപത്രി നടത്തിവരികയായിരുന്നു. എന്നാല്‍ സാമ്പത്തിക ഇടപാടുകളെ ചൊല്ലി ഇവര്‍ തമ്മില്‍ തര്‍ക്കം നിലനിന്നിരുന്നു. തുടര്‍ന്ന് സോനയും ബന്ധുക്കളും ഇയാള്‍ക്കെതിരെ പരാതി നല്‍കിയിരുന്നു. ഇതിന് പിന്നാലെ മഹേഷ് ആശുപത്രിയിലെത്തി കയ്യില്‍ കരുതിയ കത്ത്ി ഉപയോഗിച്ച് കൊലപ്പെടുത്തുകയായിരുന്നു.
ബന്ധുക്കളുടെ മുന്നിലിട്ട്
ബന്ധുക്കളുടെ മുന്നിലിട്ടായിരുന്നു പ്രതി മഹേഷ് സോനയെ കുത്തി വീഴ്ത്തിയത്. കുട്ടനെല്ലൂരിലെ ദന്താശുപത്രിയില്‍വച്ച് കഴിഞ്ഞ ചൊവ്വാഴ്ചയാണ് സംഭവം. അടുത്തിടെ ഇവര്‍ തമ്മില്‍ സാമ്പത്തിക പ്രശ്‌നങ്ങള്‍ ഉടലെടുത്തിരുന്നു. പ്രശ്‌നം രൂക്ഷമായതോടെ ബന്ധുക്കള്‍ ഇടപെട്ട് മഹേഷിനെതിരെ പൊലീസില്‍ പരാതി നല്‍കുകയായിരുന്നു.
രണ്ട് വര്‍ഷത്തോളം ഒരുമിച്ച്
ഭര്‍ത്താവുമായി അകന്നു കഴിയുന്ന സോന രണ്ട് വര്‍ഷത്തോളമായി മഹേഷിനൊപ്പമായിരുന്നു താമസം. കുട്ടനെല്ലൂരില്‍ ദി ഡെന്റിസ്റ്റ് എന്ന ദന്താശുപത്രി നടത്തിവരുകയായിരുന്നു. പാവറട്ടി സ്വദേശിയാണ് മഹേഷ്. കുരിയാച്ചിറയിലെ ഫ്‌ളാറ്റിലായിരുന്നു ഇവര്‍ താമസിച്ചിരുന്നത്. കൊലയ്ക്ക് ശേഷം മഹേഷ് കാറില്‍ രക്ഷപ്പെടുകയായിരുന്നു.
ഗുരുതര പരിക്ക്
മഹേഷിന്റെ ആക്രമണത്തില്‍ സോനയ്ക്ക് ഗുരുതരമായി പരിക്കേറ്റിരുന്നു. ഉദരഭാഗത്തും കാലിലും ആഴത്തിലുള്ള മുറിവേറ്റ സോനയെ ഉടന്‍ തന്നെ തൃശൂരിലെ സ്വകാര്യ ആശുപത്രിയില്‍ എത്തിക്കുകയായിരുന്നു. എന്നാല്‍ ചികിത്സയിലിരിക്കെ ഇന്ന് രാവിലെ മരണത്തിന് കീഴടങ്ങുകയായിരുന്നു.
തിരഞ്ഞ് പൊലീസ്
കൊലയ്ക്ക് ശേഷം ഒളിവില്‍ പോയ മഹേഷിനായി പൊലീസ് ശക്തമായ അന്വേഷണമാണ് നടത്തുന്നത്. ഇയാള്‍ രക്ഷപ്പെട്ട കാര്‍ ഒല്ലൂര്‍ പൊലീസ് കണ്ടെത്തിയിരുന്നു. എന്നാല്‍ ഇത്ര ദിവമായിട്ടും പ്രതിയെ കണ്ടെത്താന്‍ പൊലീസിന് സാധിച്ചിട്ടില്ല. ദന്താശുപത്രിയിലെ ഇന്റീരിയര്‍ നിര്‍മ്മാണവുമായി ബന്ധപ്പെട്ട സാമ്പത്തിക തര്‍ക്കമാണ് കൊലയ്ക്ക് കാരണമെന്ന് ബന്ധു പറയുന്നു.
