തൃശൂരില് 4 പേര്ക്ക് കൊറോണ; മൊത്തം രോഗികള് 403 ആയി, ഭേദമായത് 227 പേര്ക്ക്
തൃശൂര്: ജില്ലയില് ഇന്ന് നാല് പേര്ക്ക് കൂടി കോവിഡ് സ്ഥിരീകരിച്ചു. 12 പേര് രോഗമുക്തരായി. ജൂണ് 28 ന് ദുബൈയില് നിന്ന് വന്ന ചാവക്കാട് ഒരുമനയൂര് സ്വദേശി, ജൂണ് 13 ന് ചെന്നൈയില് നിന്ന് വന്ന കയ്പമംഗലം സ്വദേശി, ജൂണ് 19 ന് കുവൈറ്റില് നിന്ന് വന്ന കയ്പമംഗലം സ്വദേശി, ജൂണ് 16 ന് മുംബൈയില് നിന്ന് വന്ന മായന്നൂര് സ്വദേശി എന്നിവര്ക്കാണ് രോഗം സ്ഥിരീകരിച്ചത്. ഇതോടെ രോഗം സ്ഥിരീകരിച്ചവരുടെ എണ്ണം 403 ആയി.
രോഗം സ്ഥീരികരിച്ച 165 പേര് ജില്ലയിലെ ആശുപത്രികളില് ചികിത്സയില് കഴിയുമ്പോള് ത്യശ്ശൂര് സ്വദേശികളായ 6 പേര് മറ്റു ജില്ലകളിലെ ആശുപത്രികളില് ചികിത്സയില് കഴിയുന്നുണ്ട്. ഇതുവരെ രോഗമുക്തരായവരുടെ എണ്ണം 227 ആണ്. ആകെ നിരീക്ഷണത്തില് കഴിയുന്ന 19211 പേരില് 19009 പേര് വീടുകളിലും 202 പേര് ആശുപത്രികളിലുമായാണ് കഴിയുന്നത്.
സംസ്ഥാനത്ത് ഇന്ന് 131 പേര്ക്കാണ് കോവിഡ്-19 സ്ഥിരീകരിച്ചത്. മലപ്പുറം ജില്ലയിലാണ് ഏറ്റവും കൂടുതല്. ഇവിടെ 32 പേര്ക്കാണ് രോഗം. സംസ്ഥാനത്ത് 2112 പേരാണ് രോഗം സ്ഥിരീകരിച്ച് ചികിത്സയിലുള്ളത്. 2304 പേര് ഇതുവരെ കോവിഡ് മുക്തരായി. വിവിധ ജില്ലകളിലായി 1,84,657 പേരാണ് ഇപ്പോള് നിരീക്ഷണത്തിലുള്ളത്. 330 പേരെ ഇന്ന് ആശുപത്രിയില് പ്രവേശിപ്പിച്ചു. കഴിഞ്ഞ 24 മണിക്കൂറിനിടെ 6076 സാമ്പിളുകളാണ് പരിശോധിച്ചത്.
ഇന്ന് 19 പുതിയ ഹോട്ട് സ്പോട്ടുകളാണുള്ളത്. കണ്ണൂര് ജില്ലയിലെ പിണറായി (കണ്ടൈന്മെന്റ് സോണ് വാര്ഡ് 5), കൊട്ടിയൂര് (11), കരിവെള്ളൂര്-പെരളം (4, 9), ചെറുകുന്ന് (1), പെരിങ്ങോം-വയക്കര (7), കാടച്ചിറ (3), ഉളിക്കല് (19), ചെങ്ങളായി (14), കതിരൂര് (18), ചെമ്പിലോട് (13, 15), കോളയാട് (5, 6), പാട്യം (9), ആലപ്പുഴ ജില്ലയിലെ ഭരണിക്കാവ് (16), കായംകുളം മുന്സിപ്പാലിറ്റി (4, 9), ചെങ്ങന്നൂര് മുന്സിപ്പാലിറ്റി (14, 15), പാലമേല് (14), വയനാട് ജില്ലയിലെ തിരുനെല്ലി (4,5,9,10,12), എറണാകുളം ജില്ലയിലെ കാഞ്ഞൂര് (12), പാലക്കാട് ജില്ലയിലെ തിരുമുറ്റകോട് (8) എന്നിവയാണ് പുതിയ ഹോട്ട് സ്പോട്ടുകള്. സംസ്ഥാനത്ത് നിലവില് 127 ഹോട്ട് സ്പോട്ടുകളാണ് ഉള്ളത്.
Click it and Unblock the Notifications
Sign in with Google