ഗുരുവായൂര് ക്ഷേത്രത്തില് ദിവസവും 60 വിവാഹങ്ങള്; അന്തിമ തീരമാനം ഉടന്, വ്യാഴാഴ്ച തുടങ്ങും
തൃശൂര്: ഗുരുവായൂര് ക്ഷേത്രത്തില് വിവാഹത്തിന് സര്ക്കാര് അനുമതി നല്കിയതോടെ തുടര് ചര്ച്ചകള്ക്ക് തുടക്കമായി. ഓരോ ദിവസവും 60 വിവാഹം വരെ അനുവദിക്കാമെന്നാണ് ചര്ച്ചകള്. ഈ നിലപാടാണ് ദേവസ്വം മുന്നോട്ടുവയ്ക്കുന്നത്. അന്തിമ തീരുമാനം വിശദമായ ചര്ച്ചകള്ക്ക് ശേഷമുണ്ടാകും.
വ്യാഴാഴ്ച മുതല് വിവാഹങ്ങള് ആരംഭിക്കാമെന്നാണ് കരുതുന്നത്. ഓരോ വിവാഹത്തിനും 10 പേരെ മണ്ഡപത്തിലേക്ക് അനുവദിക്കും. വധൂവരന്മാരും ഫോട്ടോഗ്രാഫര്മാരും ഉള്പ്പെടെ പത്ത് പേര്ക്ക് അനുമതി നല്കാമെന്നാണ് കരുതുന്നത്. രാവിലെ അഞ്ച് മുതല് ഉച്ച വരെ വിവാഹങ്ങള് നടത്തും. താലി, പൂജ, ദര്ശനം എന്നിവയ്ക്ക് ഇതുവരെ അനുമതി നല്കിയിട്ടില്ല.
മാറ്റ് കുറയാതെ നരേന്ദ്ര മോദി; ജനകീയന്, ഇഞ്ചോടിഞ്ച് പിണറായി വിജയന്, സി വോട്ടര് സര്വ്വെ ഫലം
50ല് കൂടുതല് പേര് പങ്കെടുക്കാതെ വിവാഹത്തിന് അനുമതി നല്കുന്നുവെന്നാണ് തിങ്കളാഴ്ച വൈകീട്ട് മുഖ്യമന്ത്രി പിണറായി വിജയന് മാധ്യമങ്ങളെ അറിയിച്ചത്. വിവാഹത്തിന് വേണ്ട ക്രമീകരണങ്ങള് ദേവസ്വത്തോട് ഒരുക്കാനാണ് മുഖ്യമന്ത്രി നിര്ദേശിച്ചത്. നിരവധി പേര് ഗുരുവായൂരില് വച്ച് താലികെട്ട് നടത്താന് വിവാഹം മാറ്റിവച്ചിട്ടുണ്ട്. അവര്ക്കെല്ലാം ആശ്വാസമാണ് സര്ക്കാരിന്റെ പുതിയ തീരുമാനം.
'രാഹുലിന് വീക്ക്നെസുണ്ട്, കോണ്ഗ്രസിനും'; പുതിയ പ്ലാനുമായി ഡികെ ശിവകുമാര്, കേന്ദ്രം അനുമതി നല്കി
കല്യാണ മണ്ഡപത്തിന് പിന്ഭാഗത്തുകൂടെ ഭക്തരുടെ പ്രവേശനത്തിന് അനുമതി നല്കിയാല് ദീപസ്തംഭം വരെ എത്തി ദര്ശനം നടത്താന് സാധിക്കും. ലോക്ക് ഡൗണ് പ്രഖ്യാപിക്കുന്നതിന് മുമ്പ് കഴിഞ്ഞ മാര്ച്ച് 21നാണ് ക്ഷേത്രത്തില് ഭക്തരെ വിലക്കിയത്. വിവാഹങ്ങളും നിര്ത്തിവച്ചു. ചോറൂണും തുലാഭാരവും വേണ്ട എന്ന് തീരുമാനിക്കുകയായിരുന്നു.