5 കോടിയിലധികം പണം, കിലോക്കണക്കിന് സ്വർണവും വെള്ളിയും; ​ഗുരുവായൂരിലെ ഭണ്ഡാര വരവ്

തൃശൂർ: ​ഗുരുവായൂർ ക്ഷേത്രത്തിൽ 2023 നവംബർ മാസത്തെ ഭണ്ഡാര എണ്ണൽ പൂർത്തിയായി. അഞ്ചരക്കോടിയോളം രൂപയാണ് എണ്ണൽ പൂർത്തിയായപ്പോൾ ലഭിച്ചത്. കൃത്യമായി പറഞ്ഞാൽ 53254683 രൂപയാണ് ലഭിച്ചത്. 2 കിലോ 352 ​ഗ്രാം 600 മില്ലി ​ഗ്രാം സ്വർണമാണ് ലഭിച്ചത്. 12 കിലോ 680 ​ഗ്രാം വെള്ളിയും ലഭിച്ചു.

ഇ- ഭണ്ഡാര വരവ് 1 കോടി 76 ലക്ഷം രൂപയാണ്. ക്ഷേത്രം കിഴക്കേ നടയിലെ എസ് ബി ഐയുടെ ഇ ഭണ്ഡാരം വഴി ഒക്ടോബർ 9 മുതൽ‌ നവംബർ 5 വരെയുള്ള തിയതികളിലാണ് 176727 രൂപ ലഭിച്ചത്, സ്ഥിരം ഭണ്ഡാര വരവിന് പുറമെയുള്ള കണക്കുകളാണിത്. ഡി എൽ ബി ​ഗുരുവായൂരപ്പൻ ശാഖയ്ക്കായിരുന്നു എണ്ണാനുള്ള ചുമതയുണ്ടായിരുന്നത്.

അതേസമയം, ​ഗുരുവായൂർ ക്ഷേത്രത്തിലെ ഭണ്ഡാരത്തിൽ നിന്ന് നിരോധിച്ച നോട്ടും കിട്ടിയിട്ടുണ്ട് എന്നാണ് റിപ്പോർട്ട്. 2023 നവംബർ മാസത്തിലെ എണ്ണൽ പൂർത്തിയായപ്പോൾ പിൻവലിച്ച 2000ത്തിന്റെയും നിരോധിച്ച 1000, 500 രൂപയുടേയും നോട്ടുകളാണ് കൂടുതലും ലഭിച്ചത്.

ഇത്തരത്തിൽ മൊത്തം 2 ലക്ഷം രൂപ വിലമതിക്കുന്ന നോട്ടുgകളാണ് ഭണ്ഡാരത്തിന് അകത്ത് നിന്നും ലഭിച്ചത് എന്നാണ് ഗുരുവായൂർ ക്ഷേത്രം അധികൃതർ പറയുന്നത്. ഇത് സംബന്ധിച്ച കൃത്യം കണക്കും ഗുരുവായൂർ ക്ഷേത്രം അധികൃതർ പങ്കുവെച്ചിട്ടുണ്ട്.

ആർ ബി ഐ പിൻവലിച്ച രണ്ടായിരം രൂപയുടെ 56 കറൻസിയാണ് കാണിക്കവഞ്ചിയിൽ നിന്ന് ലഭിച്ചത്. നേരത്തെ തന്നെ നിരോധിച്ച ആയിരം രൂപയുടെ 47 കറൻസിയും ഭണ്ഡാരത്തിൽ ഉണ്ടായിരുന്നു.

ആയിരം രൂപ നോട്ടിനൊപ്പം നിരോധിച്ച പഴയ അഞ്ഞൂറിന്റെ നോട്ടുകളും ഉണ്ടായിരുന്നു.
പഴയ അഞ്ഞൂറിന്റെ 60 കറൻസി ലഭിച്ചെന്നും ​ഗുരുവായൂർ ക്ഷേത്രം അധികൃത വ്യക്തമാക്കി. 56 രണ്ടായിരം നോട്ടുകൾക്ക് മൊത്തം മുപ്പതിനായിരം മുല്യമാണ് വരുന്നത്. മൊത്തത്തിൽ രണ്ട് ലക്ഷം രൂപയുടെ നോട്ടുകളാണ് ഉപയോ​ഗിക്കാൻ പറ്റാത്തതായി ഉള്ളതെന്നാണ് കണക്ക്,

English summary

Guruvayur Temple Kanikka Receives Over 5 Crore Rupees and More Than 2 Kilos of Gold