Click it and Unblock the Notifications
Just In
Don't Miss
-
T20 World Cup 2024: ഹാര്ദിക്കാണോ ശരിക്കും ലോകകപ്പില് വേണ്ടത്? കണക്കുകള് നോക്കൂ, ആരെന്ന് വ്യക്തം -
വിഷം കുത്തിവെച്ച് പഴുപ്പിച്ച മാങ്ങ എങ്ങനെ തിരിച്ചറിയാം, അവ ഉണ്ടാക്കുന്ന ആരോഗ്യപ്രശ്നങ്ങള് എന്തെല്ലാം? -
പണത്തിന് ആവശ്യമുണ്ടോ, 5 ലക്ഷം പേഴ്സണൽ ലോണെടുക്കാം, കുറഞ്ഞ പലിശ ഈ ബാങ്കിലാണ് -
'മൊയന്താണ് ഗബ്രി, അവന് വേണ്ടി ജാസ്മിൻ എന്തിന് ഫൈറ്റ് ചെയ്യുന്നുവെന്ന് അറിയില്ല, ഗബ്രി ഔട്ടായിരുന്നെങ്കിൽ..!' -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും! -
പുത്തൻ എമിഷൻ ചട്ടം വന്നാൽ പണി ആർക്കൊക്കെ, എണ്ണകമ്പനികളും വാഹന നിർമാതാക്കളും ഒന്നിച്ചു നിന്നാൽ ഗുണമുണ്ട് -
ഈ സെറ്റപ്പൊന്നും ഐഫോണിൽ പോലും ഇല്ലകേട്ടോ! PolarAce ഇമേജിംഗ് സിസ്റ്റവുമായി ടെക്നോ 5G ഫോൺ എത്തി
ഇലഞ്ഞിത്തറമേളം ഇളകിയാടി ജനം , ഈണവും രൗദ്രതയുടെ ഭാവവും സംഗമിച്ച താളവിസ്‌മയം!!
തൃശൂര്‍: ശ്രീ വടക്കുന്നാഥന്റെ തിരുനടയില്‍ പെരുവനം കുട്ടന്‍മാരാരും സംഘവും മേളഗോപുരം തീര്‍ത്തപ്പോള്‍ ഇലഞ്ഞിമരച്ചോട്ടില്‍ ജനക്കൂട്ടം ഇളകിയാടി. ഈണവും രൗദ്രതയുടെ ഭാവവും സംഗമിച്ച താളവിസ്‌മയം ഏറ്റവും വലിയ ഓര്‍ക്കസ്‌ട്രയെന്നു അടിവരയിട്ടു. ഇലഞ്ഞിത്തറമേളത്തിനായി പാറമേക്കാവിലമ്മ ചെമ്പടമേളത്തിന്റെ അകമ്പടിയോടെയാണ്‌ പുറത്തേക്കെഴുന്നള്ളിയത്‌.
16 ഉം എട്ടും അക്ഷരം വീതമുള്ള ചെമ്പടയും തീറും കൊട്ടിക്കലാശിപ്പിച്ചാണ്‌ ഇലഞ്ഞിത്തറമേളത്തിന്റെ ആരംഭമായ പാണ്ടിയുടെ വിളംബ കാലത്തില്‍ പെരുക്കം തുടങ്ങിയത്‌. മേളക്കാരും എഴുന്നള്ളിപ്പും ഇലഞ്ഞിത്തറയിലെത്തിയതോടെ മേളം തുറന്നുപിടിച്ചു.
തകൃതതകൃത കാലവും മുട്ടിന്‍മേല്‍കയറിയ കാലവും പിന്നിട്ട്‌ ഏഴു അക്ഷരത്തിലേക്ക്‌ മേളമെത്തി. മന്ദമായും വിളംബകാലത്തിലും തുടങ്ങിയ മേളം ഘനവും വേഗവും വര്‍ധിച്ച്‌ വിസ്‌ഫോടനമായി പൊട്ടിച്ചിതറി. പെരുവനം കുട്ടന്‍മാരാര്‍ക്ക്‌ ഇലഞ്ഞിത്തറയില്‍ ഇക്കുറി പ്രമാണത്തിന്റെ 21-ാം ഊഴമായിരുന്നു.
മാരാരുടെ ഇടത്തും വലത്തും പെരുവനം സതീശനും കേളത്ത്‌ അരവിന്ദാക്ഷമാരാരുമാണ്‌ നിലയുറപ്പിച്ചത്‌. കൂടാതെ തിരുവല്ല രാധാകൃഷ്‌ണന്‍, പഴുവില്‍ രഘു, ചേറൂര്‍ രാജപ്പന്‍ എന്നിങ്ങനെ 15 ഉരുട്ടുചെണ്ടയുണ്ടായിരുന്നു. കിഴൂട്ട്‌ നന്ദന്റെ നേതൃത്വത്തില്‍ കുറുംകുഴലും കുമ്മത്ത്‌ രാമന്റെ നേതൃത്വത്തില്‍ കൊമ്പും മേളത്തിന്‌ അണിനിരന്നു.
