പൊട്ടക്കിണറ്റില് നവജാത ശിശുവിന്റെ മൃതദേഹം; പുറത്തുവരുന്നത് ഞെട്ടിക്കുന്ന വിവരങ്ങള്
കുന്നംകുളം: പൊട്ടക്കിണറ്റില് നവജാത ശിശുവിന്റെ മൃതദേഹം കണ്ടെത്തി. സമീപത്തെ ഒരു യുവതിയുമായി ബന്ധപ്പെട്ട് അന്വേഷണം പുരോഗമിക്കുന്നു. യുവതി ചങ്ങരംകുളത്തെ ആശുപത്രിയില് ചികില്സ തേടിയതാണ് സംശയത്തിന് കാരണം. അഞ്ച് ദിവസത്തോളം പഴക്കമുള്ള മൃതദേഹമാണ് കിട്ടിയത് എന്നാണ് സംശയിക്കുന്നത്. പോസ്റ്റ്മോര്ട്ടം റിപ്പോര്ട്ടിനായി കാത്തിരിക്കുകയാണ് പോലീസ്. കടവല്ലൂര് വടക്കുറിയിലെ പൊട്ടക്കിണറ്റിലാണ് കുഞ്ഞിന്റെ മൃതദേഹം കണ്ടെത്തിയത്. പ്രസവിച്ച ഉടനെ മൃതദേഹം കിണറ്റിലിട്ടതാകാമെന്ന് കരുതുന്നു.
സമീപമുള്ള യുവതി കഴിഞ്ഞദിവസം ചങ്ങരംകുളത്തെ സ്വകാര്യ ആശുപത്രിയില് രക്തസ്രാവത്തെ തുടര്ന്ന് ചികില്സക്കെത്തിയിരുന്നു. ആശുപത്രി അധികൃതര്ക്ക് സംശയം തോന്നി ചങ്ങരംകുളം പോലീസിനെ അറിയിച്ചു. ചങ്ങരംകുളം പോലീസ് കുന്നംകുളം പോലീസിന് വിവരം കൈമാറി. തുടര്ന്ന് നടത്തിയ അന്വേഷണത്തിലാണ് നവജാത ശിശുവിന്റെ മൃതദേഹം കണ്ടെത്തിയത്.
കമിഴ്ന്ന് കിടക്കുന്ന നിലയിലായിരുന്നു കുഞ്ഞിന്റെ മൃതദേഹം. പുറത്തെടുത്ത മൃതദേഹം പോസ്റ്റ്മോര്ട്ടത്തിന് അയച്ചു. റിപ്പോര്ട്ട് ലഭിച്ചാല് കൂടുതല് കാര്യങ്ങള് വ്യക്തമാകുമെന്നാണ് പോലീസ് പറയുന്നത്. ആശുപത്രിയില് ചികില്സ നേടിയ യുവതിയെ ചുറ്റിപ്പറ്റിയാണ് അന്വേഷണം പുരോഗമിക്കുന്നത്. ചങ്ങരംകുളത്തെ സ്ഥാപനത്തില് ജീവനക്കാരിയായ യുവതി വിവാഹ മോചിതയാണ്.
ആനമണ്ടത്തരവുമായി ട്രംപ്; നെറ്റി ചുളിച്ച് മോദി, ഭൂട്ടാന് ഇന്ത്യയിലല്ലേ!! ഇന്ത്യ-ചൈന അതിര്ത്തിയുണ്ടോ
ചുറ്റം 'ശത്രുക്കള്'; യുദ്ധത്തിന് ഒരുങ്ങി ചൈന, സൈന്യത്തിന് നിര്ദേശം, മോദി സേനാ മേധാവികളെ കണ്ടു
'മഹാരാഷ്ട്രയില് ബിജെപിക്ക് അടിതെറ്റും; എംഎല്എമാരുടെ കൂട്ടരാജി', പാളയത്തില് പട ഓര്മിപ്പിച്ച് സേന